၁။ ဖန်ဆင်းဟေက
မှအကြောင်းအရာနာ ဘုရားရှင်က အစအဦးပိုင်ငါ ဦဇားစုတ်ရက်အင် ဖန်ဆင်း အီဒက်ကဖြစ်နက်ဟယ် ဘုရားရှင်နာစကြာ်ဝဠ်ကြီးအိမ်း ဦဇာစုတ်ရက်အင်ခြောက်ရာက်အတွင်း ငါဖန် ဆင်းအီတက်ကဖြစ်နက်ဟေ။ ဘုရားရှင်နာ ကမ္ဘာကြီးယင်စတင်ဖန်ဆင်း အီးဂရပ် ဆူယဲဖန်ဆင်း အီးဂအငါကကြောင်းအိမ်း ကမ္ဘာကြီးနာမှောင်မိုက်ကို ဟင်လင်းပြင်ဖြစ်တုံ့ဂဟေ။ ညီးငါဒင်ယဲ ဘုရားရှင်ကဝိညာဉ်တော်နာ ကမ္ဘာ့အီးအဖုံးငါမျော့တုံ့ လင်ကဟေ။
ကျီးကအိမ်း ဘုရားရှင်နာ မှကမ္ဘာ အလင်းထုပ်စေငါ ဗျာဒိတ်အီလင်ဂဟေ။ မှအကြောင်းအိမ်း ကမ္ဘာပေါ်ဝါအလင်းထုပ်ဗာဂဟေ။ ဘုရားရှင်နာ မှအလင်ရောင်ငင် မီးဟေငါကိုပေါ်ကို အလင်းရောင် ယင်စမိတ်ငါကိုအော်ကို နက်တိုက်ငါကိုအော်ဟေက အမှောင်ထုအိမ်း အလင်းရောင်ခွဲခြား နက်ကဟေ။ ဘုရားရှင်နာ အလင်းရောင် ဖန်ဆင်းအီဟေကနာ ပထမဆုံးရက်ယာအာ ဖန်ဆင်းဒက်ကဖြစ်ဟေ။
ဖန်ဆင်းဟေက ဒုတိယရက်ယာအာ ဘုရားရှင်နာ အီးဖုံးယာ ကျက်တွင်ဖြန်ကျယ်အုပ်မိုးပီးက အရာ ဆူယာငါစေ ငါကို ဗျာဒိတ်အီလင်ဂရပ် ဖြန်ကျက်အုပ်မိုးပီးကအရာဆူးယာငါဂါဟေ။ ဘုရားရှင်နာ မှ အရားကောင်းဂါလက်ငါကို အော်လင်ဂဟေ။
တတိယမြောက်ရက်ယာအာ ဘုရားရှင်နာ အီးရက်အင် တစ်နေရာစုဇိဉ်ကို ကဇက်ရက် တစ်နေရာ ဖော်စေငါ ဗျာဒိတ်အီလင်ဂါဟေ။ ဘုရားရှင်နာ ကဇာတ်ရက်အင် ကမ္ဘာမြေကြီးငါကိုအော်ကို အီးရက်အင်ဂ(လ်) ပင်လယ်ငါကိုအော်ဂဟေ။ ဘုရားရှင်နာ အမှက ဖန်ဆင်းဒက်က ဦဇားစုတ်ရက်အင် မီးဟေငါကိုပေါ်လင်ဂဟေ။
ကျီးကအိမ်း ဘုရားရှင်နာ ကမ္ဘာမြေကြီးယာ ဖုံးဖင်းအိမ်း အပန်းဖင်းမျိူးစုံ ဖော်စေငါကိုဗျာဒိတ် အီလင်ဂဟေ။ မှဂရပ် ဖုံးဖင်းအိမ်း အပန်းဖင်းရက်ဖော်ဗာဂဟေ။ ဘုရားရှင်နာ အမှကလုပ်ပီး ဟေကဦဇား စုတ်ရက်အင် မီးဟေငါကိုင့လင်ဂဟေ။
ဖန်ဆင်းဟေက စတုတ္ထမြောက်ယာအာ ဘုရာရှင်နာ ကောင်းဂါလက်အာ အလင်ရောင်ထုပ်စေငါကို ဗျာဒိတ်အီလင်ဂါရပ် စမိတ် ၊ဆဓား၊စကိုင်းဆီး၊ရက်အင် ဖော်ဇိဉ်လင်ဂါဟေ ဘုရားရှင်နာ မှဦဇား ရက်အင်နာ ကမ္ဘာမြေကြီဇီး အလင်ရောင်အီးဂဇိး ရက်ယာ၊နက်တိုက် ၊ရာသီဥတုရက်အိမ်း သက္ကရာဇ်ရက်အင် မှတ်သားဂဇီး ဖန်ဆင်းအီဒက်ကဖြစ်နက်ဟေ။ ဘုရားရှင်နာ အမှဂ ဖန်ဆင်းအီဒက်က ဦဇားစုတ်ရက်အင် မီးဟေငါကိုပေါ်လင်ဂဟေ။
ပဉ္စမမြောက်ရက်ယာအာ ဘုရားရှင်နာ အီးယာနာ အဆက်ငါဟေက ဦဇားစုတ်ရက်အင် ငါဇိဉ်းကို ကောင်းဂါလက်အာဂ(လ်) အူဆီရက်အင်ပန်းစေငါကို ဗျာဒိတ်အီလင်ဂါဟေ။ မှနည်းအိမ်း ဘုရားရှင်နာ အီးထဲယာရက်ဟေက ရက်စိမ်းကို အူဆီရက်အင်းဂ(လ်) ပန်းလူမှား လုပ်အီးဒက်ကဟေ ဘုရားရှင်နာ မှဦဇားရက်အင် မီးဟေငါကိုပေါ်ကို အမှာရက်အင် ကောင်းကျိူး မင်္ဂလာအီလင်ဂဟေ။
ဖန်ဆင်းဟေက ဆဌမမြောက်ရက်ယာအာ ဘုရားရှင်နာ တာဂေါ်ယာတုံ့ဟေက သတ္တဝါ ဘောင်းကိုဖော်စေငါကို ဗျာဒိတ်အီလင်ဂဟေ။ ကျီးနဲ့ ဘုရားရှင် င့ဟေကအတိုင်း ဖြစ်အံဂါဟေ။ အချိူ့ရက်က(လ် ) မွေးမြူရေးတိရိစ္ဆာန်ရက်ဖြစ်ကို ကျန်ဂါရက်က(လ်) တွားသွားသတ္တဝါ ဖြစ်ကို အယောက မလိမ်းရိုင်းတိရိစ္ဆာန်ဖြစ်လင်ဂါဟေ။ ကျီးဂရပ် ဘုရားရှင်နာ မှဦဇားရက်အင် မီးဟေ ငါကိုပေါ်လင်ဂါဟေ။
ကျီးဂရပ် ဘုရားရှင်နာ ငါအိမ်းပုံစံတူ လူ့ဆာဟူဝါ်ဖန်ဆင်းစေ မှလူရက်ယဲ ကမ္ဘာကြီး အိမ်း တိရိစ္ဆာန်စုတ်ရက်က အပေါ်ယာအုပ်ချူပ်ကစေ ငါကိုဗျာဒိတ်အီလင်ဂါဟေ။
မှဂရပ် ဘုရားရှင်နာ ကဇက်စီးဆာလာက လူ့တစ်ဆာပြိုင်ဆာပုံသဏ္ဍာန်လုပ်ကို အဆက် ဆောင်ကို မှလူကအမိန်းယင် အာဒမ်ဖြစ်လင်ဂါဟေ။ ဘုရားရှင်နာ ပြောင်ဟေကဥယျာဉ်ဆူးယာ အာဒမ်တုံ့ကဇီး ဖန်ဆင်းအီကို မှနေရာ အမှာဂရုတစိုတ်ပီလင်ဂါဟေ။
ဥယျာဉ်ပြောင်ဟေက အလယ်ယာ ဘုရားရှင်နာ အဆက်အိမ်းက အဖင့်နာမီးကအမီးကချေဟေက အသိဉာဏ် အဖင့် ငါကိုထူးခြားဟေက အဖင့်နိန်ဖင့်ငါဇိဉ်ကဟေ။ ဘုရားရှင်နာ အာဒမ်ယင် မီးကအမီးကချေဟေက အဖင့်ငင်လွဲကို ရိ(န်)ကက်က အဖင့်ငင်ဆာဇိဉ်ကဟေ။ မတတ်က တာမြတ်ပီက အဖင်းငါက အဆီးယင်ဆာနဲ့က(လ်) နင်ဆီးလင်ပေါ်က ငါကိုပညတ်ပီ ဒက်ကဟေ။
ကျီးကအိမ်း ဘုရားရှင်နာ လူဆာဟူဆာဝါ်တည်း ငါဟေကအမီးပေ ငါကိုငါလင်ဂါဟေ။ ဆူယဲက တိရိစ္ဆာန်အိမ်း အာဒမ်းက အဖက်အဖြစ်လူပေါ်က။
မှအကြောင်းအိမ်း ဘုရားရှင်နာ အာဒမ်ယင် နှစ်ခြိုက်စွာအိပ်စိမ်းကို အာဒမ်က အာကာဆင်း အမှာရာလာကို တာဆာလှောင်ဆာဖြစ်စိမ်းကို အာဒမ်ကမှအော်လား ကိုင်ဂါဟေ။
အာဒမ်စာ မှတာဆာလှောင်ပေါ်ဂါရပ် နောက်ဆုံးယာ မှဟူဝါ်စာငါအိမ်းတူဟေ။ အမင်တာဆာလှောင်ဆာငါကို အော်ပေါ်ကငါကိုငါလင်ဂါဟေ။ တာပြိုင်းဆာရက်နာ မှမိဘရက်အင်နာ မလောက်ကို တာဆာလှောင်ဆာရက်အိမ်း တစ်စိတ်တစ်ဝမ်းတည်း ဖြစ်ကလင်ဂါနာ တာဆာလှောင် ဆာရက်နာ တာဆာပြိုင်ဆာပင် ဖြစ်ကအကြောင်းအိမ်းဖြစ်ဟေ။
ဘုရားရှင်နာ တာဆာလှောင်ဆာအိမ်း တာဆာပြိုင်းဆာ မှအတိုင်းလုပ်ကဟေ။ ဘုရာရှင်နာ အမှာရက်စိတ်ကောင်းကျိူးအီးကို အဆာ၊ဆာအိပ်၊အဆာတုံးဘောင်းကို ကယ်ကို မှကမ္ဘာမြေယာ ဖြည့်စေငါကိုငါဒက်ကဟေ။ ကျီးဂါအိမ်း ဘုရားရှင်နာ မှလုပ်တက်ဟေက ဦဇားစုတ်ရက်အင် မီးကပေါ် ကိုဦဇားစုတ်ရက်က အတွက်ကျေနပ်ကဟေ။ မှဦဇားစုတ်ရက်နာ ဖန်ဆင်းဟေက ဆဌမမြောက် ရက်ယာအာ ဖြစ်တက်ကဖြစ်နက်ဟေ။
သတ္တမမြောက်ရက်ယာအာ ထုပ်ကရပ် ဘုရားရှင်နာ လုပ်တက်ဟေက ဦဇားစုတ်ရက်အင် ကျီးမှာနိမ်း လုပ်တက်ကဖြစ်နက်ဟေ။ အဇာရီက အကြောင်း ယာငါနေ ဖန်ဟေက ဦဇားစုတ်ရက်အင် ရပ်တန့်နက်က ရက်ယက်ဖြစ်တုံ့က အကြောင်းဖြစ်ဟေ။ ဘုရားရှင်နာ စကြာ်ဝဠာအိမ်း ဦဇားစုတ်ရက်အင် ဖန်ဆင်းအီဒက်ကဖြစ် နက်ဟေ။
ကမ္ဘာဦးကျမ်း ၁-၂