၆။ ဘုရားရှင်နာ ဣဇာက်ယင် ကူညီကိုအီဟေကး
အာဗြဟံ အဆက်အရွယ်တစ်ဗျင်းအုတ်ဆာ ဆာယိုယန်ဂါရပ် အမှာဂါအဆာ ဣဇာက်ယဲအရွယ်ထုပ်အန်နန်းဖြစ်ဟေ။ မှဂရပ် အာဗြဟံနာအမှာဂါ အငှားဟူဝါ် နာအမျိူးရက် ငါဟေက အမှာရက်ကဇာတိယာ ဣဇာတ်ကအတွက်အအိပ်ထာ ဆုံးကဇိဉ်ဖြောက်နက်ကဟေ။
အာဗြဟံက အမျိူးရက်က တုံးဟေကနေရာ လင်းစံပြောင်လင်ကျီးဂါရပ် ဘုရားရှင်နာ မှအငှားသား ရက်အင် ရေဗက္ကဂါမှ ထုပ်မှလင်းဆာနန်းလင်ဂါဟေ။မှတာဆာလှောင်ဆာနာ အာဗြဟံက အနည်းဆီဖြစ် ဟေက အဆာတုံးတော်လင်ဟေ။
ရေဗက္ကနာ အမှာဂါမိသားစုယင်ပီဒက်ကို မှကျေးကျွန်ရက်အိမ်းမက်တာဣဇာက်က ကိန်းယာ ယော့ကဇိဉ် သဘောတူနက်ကဟေ။ဣဇာက်ယဲ မှတာဆာလှောင်ထုပ်ကအိမ်း ချက်ချင်း လက်ထပ် လင်ဂါဟေ။
အချိန်ရက်ကြားဂါရပ် အာဗြဟံ ဆီးလင်ဂါရပ် အမှာကအဆာဖြစ်ဟေက ဣဇာက်အင် ဘုရားရှင်နာကောင်းကျိူးမင်္ဂလာအီလင်ဂါဟေ။ အဇာအကြောင်းယာင့နဲ ဘုရားရှင်က ကတိတူ ထဲယာက အာဗြဟံ ကမျိုးရိုးစဉ်ဆက် အရေတွက်လူမှား လူဇိဉ်က ငါကိုကတိဆူယာယဲ ယောဟေက ဖြစ်ဟေ။ညီးငါဒက်ယဲ ဣဇာက်က အအိပ်ထာရေဗက္ကယဲ အဆာအကယ်နိန်ပယ်။
ဣဇာက်နာရေဗက္က ဂါးအတွက်ဆုစိဉ်အီလင်ဂါဟေ။ ဘုရားရှင်နာ ရေဗက္ကနာ မန်ဆာအမွှာပူးကိုယ် ဝန်ဆောင်ကဇိဉ်ခွင့်ပြုလင်ဂါဟေ။ မှမန်ဆာအမွှာပူးနိန်ဟူယဲ ရေဗက္ကဂါ သာအိမ်ထဲယာ ရုန်းကန်တုံးက အကြောင်းအိမ်း အဇာဖြစ်တုံးဟေယာငါကို ရေဗက္ကနာ ကထာလင်ဂါဟေ။
ဘုရားရှင်နာရေဗက္က နင်အဆာနိန်ဟူကယ်ယန်ဂါ အမှာရက်ကမျိုးဆက် ရက် ကွဲပြာဟေက နိုင်ငံနှစ် နိုင်ငံ ဖြစ်ကိုအချငိးချင်း ပြိုင်ဆိုင်လင်ဂါ ။ညီးငါဒင်ယဲ နင်ကအဆာပြောင် ငါပင်ပေါ်ပေါက်ယန် တိုင်းနိုင်ငံနာ အဆာမန်ဆာပင်ပေါ်ပေါက်ယန်ကတိုင်းနိုင်ငံငင်ဆာဗားလင်ပေါ်ဂါးငါကိုင့ဆာနတ်ကဟေ။
ရေဗက္ကဂါမန်ဆာရက်ကယ်ဂါ အချိန်ယာ အဆာပြောင်နာ ရှားကိုဖြစ်ကို အမူရက်အ(လ်)ပီကို မှမန် ဆာဂါ အမိန်းယင်ဧသောငါကိုထည်လင်ဂါဟေ။ မှဂါရပ် အဆာမန်ဆာနာဧသောကအတာဖန်ငင်အကိုးကိုယ်ကယ်ကအကြောင်းအိမ်း ယာကုပ်ငါကိုအမိန်းအီလင်ဂါဟယ်။
ကမ္ဘာဦးကျမ်း ၂၄း၁-၂၅း၂၆