Chak: Open Bible Stories

Updated ? hours ago # views See on DCS Draft Material

၁၈။ အတူက နိူင်ငံတော်

Frame 18-01

ဒါဝိဒ်ဘုရင်စာ နှစ်လေးဆယ်ကြားမနီးအုပ်ချုပ်ကျီးကရပ် အမဆီးကိုင်ကအချိန်ယာ အမှာကအဆာ ရှောလမုန်စာ ဣသရေလရက် အုပ်ချုပ်လင်ကဟေ။ ဘုရားရှင်နာ ရှောလမုန်က အစိုးကက်ဆုံးစာ အဆာမည်က အရာဖြစ်ကို အမှာအဆာမီလုပ်အီပေါ်ကယားငါကို ကထာလင်ကဟေ။ ရှောလမုန်စာ ဘုရားရှင်ယင် အမင် ဉာဏ်ပညာ တစ်ဗျင်းကြွယ်ဝမှ လုပ်အီးယန်ငါကို လျောက်တင်လင်ကဟေ။ ဘုရားရှင်စာ မှလျှောက်ထားချက်အင် ကျေနပ်နှစ်သက်ကို ရှောလမုန်ယင် ကမ္ဘာပေါ်ဝါ ဉာဏ်ပညာ ပြောင်ဇော့ဖြစ်မှ လုပ်အီလင်ကဟေ။ ရှောလမုန်စာ ဘောင်းကိုအရာရက်အင်လေ့လာ ဆနိန်ကို တစ်ဗျင်း ဉာဏ်ပညာငါဟေက အုပ်ချူပ်ကလူဖြစ်လင်ကဟေ။ ဘုရားရှင်နာ အမင်တစ်ဗျင်းချမ်းသာက လူဖြစ်မှလုပ် အီးလင်ကဟေ။

Frame 18-02

ရှောလမုန်စာ ဣသရေလနား အဗား(ဖ်) ဒါဝိဒ်က အကြံစည်ရက်အိမ်း အမှာကစုဆောင်းပီက အကြမ်းဦးဇာရက်အင် သုံးကို ဗိမန်တော်ပြုလင်ကဟေ။ ဘုရားရှင်နာ လူရက်ကကိုးကွယ်က လက်ဟေက ကိန်းနေရာအစား အိမ်းမှာဗိမန်တော်ယင် ပူဇော်ကိုးကွယ်လင်ကဟေ။ ဘုရားရှင်စာ အမှာကလူရက်အိမ်း မက်တာတုံ့ကဇိဉ် အိမ်းမှာဘုရားကျောင်းယာ ကြွဗန်ကို စံမြန်းလင်ကဟေ။

Frame 18-03

ညီငါဒင်ယဲ့ ရှောလမုန်စာ ကျန်ကနိူင်ငံငှာက တာဆာလှောင်ဆာ စိုးကက်ကို အမှာစာ တာဆာလှောင်တစ်ထောင်နီးပါး မောင်းနင်းလုပ်ကို ဘုရားရှင်ကတူးယင် အတေးနန်း။ ဘောင်းကိုက မှတာဆာလှောင်ရက်နာ ကျန်ကတိုင်းပြည်ယာက ဖြစ်ကို အမှာရက်က ကိုးကွယ်က ဘုရားရက်အင် မက်တာလာကိုင်ကို ဆက်လက်ကို ကိုးကွယ်လင်ကဟေ။ ရှောလမုန် အုတ်ဆာယောယန်ကရပ် မှာယဲ့ အိမ်မှာရက်က ဘုရားရက်အင် ကိုးကွယ်လင်ကဟေ။

Frame 18-04

ဘုရားရှင်စာ အိမ်မှာကြောင်းအိမ်း ရှောလမုန်ယင် တစ်ဗျင်းမန်ချေလင်ကို ဣသရေလရက်အင် နိန်ဆူးခွဲကို အပြစ်အီကငါကို င့လင်ကို ရှောလမုန်ဆီးကိုင်အခါ အိမ်းမှာဒေလေ လုပ်ကိုအပြစ်အီလင်ကဟေ။

Frame 18-05

ရှောလမုန် ဆီးကိုင်ကို အမှာကအဆာ ရောဗောင်ဘုရင်ဖြစ်ကို ဣသရေလနားငါဟေက လူရက်အင် အမင်ဘုရင်တင်ကဇိဉ်စုရုံးဗန်ကဟေ။ အမှာရက်စာ ရှောလမုန်ဘုရင် လက်ထက်အာ အခွန်ရက်တစ်ဗျင်း ကလိ(င်)ကို အလုပ်ရက်တစ်ဗျင်းဖန်းဟေငါကို ရောဗောင်ထနဲ့ ညည်းဆနန်ကို အမှာရက်အင် အလုပ်ရက် လျှော့ကဇိဉ် လျှောက်တင်လင်ကဟေ။

Frame 18-06

ရောဗောင်နာ “နနိန်ရက် ငါကအဗား(ဖ်) ရှောလမုန်စာ နိန်ရက်အင် အလုပ်တစ်ဗျင်းခိုင်းဟေငါကို ငှာဟေ။ ညီငါဒင်းယဲ့ ငါစာ အမှာတောင်မှာ နနိန်ရက်အင် လုပ်ကဖန်းကဖြစ်ကို ၊ငါစာအမှာတောင်မှာ နနိန်ရက် အမီးကဒုက္ခဖြစ်စဉ်ယန်က”ငါကို တစ်ဗျင်းရအူး(ဖ်)မှ ငါနက်ကဟေ။

Frame 18-07

အမှာအတတ်ကတယ် ငါဟေကတိုက်ကရပ် လူရက်စာ အမင်ပုန်ကန်ကို လူမျိူးစု ဆယ်မျိူးစာ အမကမှာပင် ပြုလင်ကို လူမျိူးစုနိန်ဆူးမယ် အမကမှာ ကျန်ငါဒက်လင်ကဟေ။ ကျန်ငါဒက်က လူမျိူးစုနိန်ဆူးယဲ့ အမှာရက်ကိုယ်တိုင် အမှာရက် ယုဒကနိူင်ငံတော်ငါကို သတ်မှတ်လင်ကဟေ။

Frame 18-08

ကျန်ဟေကလူမျိူးစု ဆယ်စုစာ ယေရောဗောင်ငါကိုအော်ဟေက လူဟူးဝါ အမှာရက်ကဘုရင်အဖြစ် တင်မြောက်လင်ကဟေ။ အိမ်းမှာလူမျိူးစုစာ မြောက်ပိုင်းယာ တုံ့ကဖြစ်ကို အမှာရက်ကအမှာရက် ဣသရေလကနိူင်ငံတော်ငါကို သတ်မှတ်လင်ကဟေ။

Frame 18-09

ရောဗောင်စာ ဘုရားရှင်ယင် ဆန့်ကျင်ကို လူရက်အင်ယဲ့ အပြစ်ရက် ကျူးလွန်လင်ကဟေ။ အမှာစာ အမှာကလူမျိူးရက်ကိုးကွယ်ကဇိဉ် အရုပ်နိန်ဆူးလုပ်အီးဒက်ကို အမှာရက်စာ ဘုရားရှင်ယင် အကိုးကွယ်ကဇိဉ် ယေရုရှလင်ငါက ဗိမန်တော်ယာ လင်ကအရိ(ရ်)နန်း။

Frame 18-10

ယုဒနိူင်ငံအိမ်းဣသရေလရက်စာ ရန်သူရက်ဖြစ်ကို ဟက်တာဟက်တာ ဟူးဝါအိမ်းဟူးဝါတိုက်ခိုက် လင်ကဟေ။

Frame 18-11

ဣသရေလရက်က နိူင်ငံတော်အနန်းယာ အမီကလူရက်ဖြစ်ဗာကဟေ။အိမ်းမှာဘုရင် ရက်ယဲ့ ဘုရင်ဖြစ်ကက်ဟေက ဣသရေလလူမျိုးရက်က ကတိုက်က ဟင်ပေါ်ကဟေ။

Frame 18-12

ဘုရင်စုတ်ရက်အိမ်းဣသရေလနား ငါဟေက လူစုတ်ရက်စာ အရုပ်ရက်အင် ကိုးကွယ်လင်ကဟေ။ အမှာရက်စာ အတတ်ကဒေလုပ်တက်က အချိန်ယာ ဟက်တာဟက်တာ ပြည့်တန်ဆာရက်အိမ်း အိပ်ကို အမှာရက်ကရုပ်ထုရက်အင် ဟက်တာငနဲ့ မန်ဆာရက်အင် ယစ်ပူဇော်ပသလင်ကဟေ။

Frame 18-13

ယုဒကဘုရင်ရက်စာ ဘုရင်ဒါဝိဒ်က မျိူးနွယ်စုဖြစ်ကို ကျန်ကဘုရင်ရက်စာ မီမှနီးအုပ်ချူပ်ကို ဘောင်းကိုဘုရင်ရက်စာ အမီကလူရက်ဖြစ်ဟေ။ အမှာရက်စာ အမီမှအုပ်ချူပ်ကို ရုပ်တုရက်အင်ယဲ့ ကိုးကွယ်လင်ကဟေ။ ကျန်ကဘုရင်ရက်က(လ်) ဘုရားရုပ်တုရက်အင် အမှာရက်ကမန်ဆာရက်အိမ်း ယစ်ပူဇော်လင်ကဟေ။

ဓမ္မရာဇဝင်တတိယစောင် ၁-၆; ၁၁-၁၂