၃၃။ လယ်လုပ်ကလူက တန်ဒူ
ယက်တာကရပ် ကိုယ်တော်ယေရူစာ အိ(လ်)ကန်းကမ်းနာ ငါတုံးကရပ် အမှာစာ ပြောင်ဟေကလူအုတ်ဆူယာ ဆုံးမကိုအီတုံးကဟေ။ ကိုယ်တော်ယေရူကဩဝါဒရက်အင် အတေးကလူ့ရက် တစ်ဗျင်းပိ(လ်)ယောယန်ကအကြောင်းအိမ်း တုံးကနေရာအငှာထမ်း ဖြစ်တုံးကဟေ။မှအကြောင်းအိမ် အမှာစာ အိ(လ်)ဖုံးယာက လှေတစ်စီးဖုံယာချေလင်ကို အိမ်မှာနေရာတုံ့ကို လူရက်အင် တရားဟောကို ဆုံးမအီလင်ကဟေ။
ကျီးကအိမ်း ကိုယ်တော်ယေရူစာ မှတန်ဒူယင်ငါ့ဆနပ်ကို ဆနိန်အီးလင်ကဟေ။ “လယ်သမားဟူးဝါစာ အင်မလေးရက်အင်တိမ်းကဇိဉ် အပြင်ယာပြုလင်ကဟေ။အမှာစာ အတု(ဖ်)ရက်အင် တာဟူးအိမ်းဖြန့်တုံးကအကြောင်းအိမ်း အချိူ့အတု(ဖ်)ရက်ငါနဲ့ ကန်းဆင်းဖုံးယာ ခြိုက်လင်ကဟေ။ မှကရပ် အူဆီရက်စာ အိမ်မှာအတူ(ဖ်)ရက်အင် ဗန်ကိုဆာဗား(ဖ်)လင်ကဟေ။
“အယောက်ကအတု(ဖ်) ရက်စာ ဖုတ်ဆန်းကနေရာတစ်လုံဆာ ကဇက်အာ ထုတ်လင်ကို အတု(ဖ်)ရက်စာ တစ်လုံဆာကဇက်အာ မလားယင်ဆာ အာရကုတ်ရက်ပြုကယဲ့ အကြိုက်ရက်စာ ကဇက်အတာဟုန့်ယာ အဆင်လူပါ(လ်) ။စမိတ်ပြုယန်ကို တစ်ဗျင်းကာယောယန်ကရပ် အဖင့်ရက်စာ ညှိုးကိုဆီးလင်ကဟေ။
“အယောက်ကအတု(ဖ်)ရက်စာ ခြုံရက်ကြားရက်အာ ခြိုက်ကလင်ကို အတု(ဖ်)ရက်စာ ဖော်ကိုပြောင်ယောယန်ကယဲ့ ဆူးခြုံရက်က ရပ်တုံးကဟင်းပေါ်လင်ကဟေ။မှအကြောင်းအိမ်း ဆူးခြုံထဲယာခြိုက်ကို ဖော်တုံးကအဖင့်ရက်အ(လ်) အဆီဆီက အငှာပါ(လ်)”။
“အယောက်ကအတု(ဖ်)ရက်စာ ကဇက်မီးကနေရာခြိုက်ကို အိမ်မှာအတု(ဖ်)ရက်စာ ပြောင်ယောယန်ကို စကိုစုန်တက်က အင်မလေးကပမဏတောင်မှဒင်း အဆပေါင်းသုံးဆယ် ခြောက်ဆယ်အကပါ(လ်) အဆပေါင်းတစ်ရာထိ ပိုကိုပွားယောယန်ကဟေ။ဘုရားရှင်က လမ်းစဉ်အတိုင်း ရနက်ကိုလုပ်ကက်နဲ့ ငါအတတ်ကငါ့ဆနပ်ဟေက ကနင်းဖူးဆာအာရုံစိုက်ယင့်”ငါကို င့နက်ကဟေ။
မှတန်ဒူစာ ကိုယ်တော်ယေရူက အတာပည့်ရက်အင် စိတ်ရူပ်ဇိဉ်လင်ကဟေ။မှအကြောင်းအိမ်း ကိုယ်တော်ယေရူနာ “အင်မလေး ငါကနာ ဘုရားရှင်ကငါဟေက နူတ်ကပါတ်တော်ဖြစ်ကို လင်းဟာပေါ်က ငါကနာ ဘုရားရှင်ကနူတ်ကပါတ်တော်ရက်အင် တိုက်ကယဲ့ နားအလည်ကလူ့ငါကို ဆိုလိုဟေ။ စာတန်စာ ဘုရားရှင်ကနူတ်ကပါတ်တော်ရက်အင် အိမ်မှလူကမှာပင် လာကလင်ကဟင်းပေါ်ဟေ။မှနည်းအိမ်း အိမ်မှာလူစာ ဘုရားရှင်ကနူတ်ကပါတ်တော်ရက်အင် နားအလည်ဇောက်မှ ပိတ်ပီးကမယ်ဖြစ်ဟေ။
“တလုံဆာကဇက်ငါကနာ ဘုရားရှင်ကနူတ်ကပါတ်တော်ရက်အင် တိုက်ကို ပျော်ကို လက်ခံကလူဖြစ်ဟေ။အမှာစာ ပတ်ဝန်းကျင်က တိုက်ခိုက်ဟေက အယောက်ကလူရက်က ပုတ်ခတ်ဟေကရက်အင် ခံစားပေါ်ကို ဘုရားရှင်အိမ်း လင်စံဟေက နေရာထုတ်ကလင်ကဖြစ်ကို ဘုရားရှင်ယင် ယုံကြည်မူ့ရက် ရပ်တန့်ကလင်ကဟေ။
“ဆူးခြုံရဖူးငါဟေက ကဇက်ငါကနာ ဘုရားရှင်ကနူတ်ကပါတ်ရက် တိုက်ပေါ်ကို အမှာစာအကြာင်းအရားစုတ်ရက်အင် ပူပင်သောကထုတ်ကို တင်ဂါရက်အိမ်းအယောက်က ဦဇားရက်ဘောင်းကို လူမှာကြိုးစားတုံးကဟေ။ အချိန်အတိုင်းအတာ ဆူးယာထုတ်ကရပ် အမှာစာဘုရားရှင်ယင် ကြည်ညိုကိုအမြတ်နိုးနန်း။မှအကြောင်းအိမ်း ဘုရားရှင်ကနူတ်ကပါတ်ရက်အင် လေ့လာကိုဆနိန်ဒက်က အကြောင်းအရားရက်အ(လ်) ဘုရားရှင်ယင် စိတ်ကျေးနပ်မှ အစွမ်းဆောင်လူနန်း။အမှာစာ ဆူးယဲ့ကအဆီအဆီက ဂျူံဖင့်အိမ်းတူကလင်ကဟေ။”ငါကို င့ဆနပ်လင်ကဟေ။
“ညီငါဒင်းယဲ့ ကဇက်မီးကနေရာ ထုတ်ကအတု(ထ်)ရက်စာ ဘုရားရှင်က နူတ်ကပါတ်တော်ရက်အင် တိုက်ကိုချေကို ယုံကြည်ကို အဆီရက်ဆီကလူအိမ်း တူဟေ”ငါကို ရှင်ပြဆနပ်လင်ကဟေ။
မဿဲ ၁၃း၁-၈, ၁၈-၂၃; မာကု ၄း၁-၈, ၁၃-၂၀; လုကာ ၈း၄-၁၅