၅။ ကတိတူးကဆာ

အာဗြံအိမ်းစာရဲ ရက်နာ ခါနန်းယာထုပ်ကို ဆယ်နှစ်ခန့်ကြားဂါ ယဲ အမှာရက်စိတ်က အဆာ ၊ဆာ အိပ် အငှာနိန်ပယ် ။မှဂါရပ် အာဗြံကအအိပ်ထာဖြစ်ဟေက စာရဲ နာ ဘုရားရှင်နာ ငါဇိဉ် အဆာ ကယ်က ဇိဉ် ခွင်းအီယန်နက်နိမ့် ။ငါနာအဆာကယ်က ဇိဉ် အီဆာ ဆတုံးနန်း ဖြစ်ဟ။ အမှာနာ ငါက အငှားသား ဟာဂရု ဖြစ်ဟေ ။ငါဇိဉ်ကအဆာကယ် အီကဇိဉ် ငါလက်ထပ် အန်ငါကို အာဗြံနာ င့လင်ဂါဟေ။

မှအကြောင်းအိမ်း အာဗြံနာ ဟာဂရုအိမ်းလက်ထပ်နက်ကဟေ ။ဟာဂရုနာအဆာဟူဝါ် ကယ်ကိုအာဗြံနာ မှမန်ဆာ နာ ဣရှမေလငါကိုအမိန်းအီလင်ဂါဟေ။ ညီးငါဒင်ယဲ စာရဲနာ ဟာဂရုယင် မနာလိုဝန် တိုးဖြစ်ကဟေ။ ဣရှမေလ တစ်ဆယ့်သုံးနှစ်ထုပ်ကရပ် ဘုရားရှင်နာ အာဗြံယင်တူး ထပ်မံကို ငါလင်ကဟေ။

ဘုရားရှင်နာ ငါစာ ကြီးမြတ်ကဘုရားရှင်ဖြစ်ကို ငါနင်အိမ်းအပေးအယူ ဆူယာလုပ်က ငါကိုင့လင်ဂါဟေ။ မှချိန်ငါနာ အာဗြံ နာ ကဇက်အာ ဆာဗားနက်ကဟေ ။ ဘုရားရှင်နာ နင်စာ နိုင်ငံ များစွာ အဗား(ဖ်)ဖြစ်ဟေ။ ငါစာ နင်အိမ်း နင် ကမျိုးရိုး စဉ်ဆက်စိတ် ခါနန် ကဇက်အင်အပိုင် အီကို ငါစာ န နိန်ရက် က ထာဝရ ဘုရားသခင် ဖြစ် လင် ငံက။ နင်က မိသားစု ထဲယာက ငါဟေက တာဆာပြိုင်းတိုင် ယင် အရေဖျား လှီးမင်္ဂလာ လုပ်အီးယန်ငါကိုအာဗြံယင်င့လင်ဂါဟေ။

နင်ကအအိပ်ထာဖြစ်ဟေက စာရဲ စာ အဆာဟူဝါ်ကယ်ယန်က အမှာ နာ ကတိတော်က အဆာ ဖြစ် ဟယ် အမှာ ဣဇာက်ငါကို အမိန်းအီယင်း(မ်) ငါကိုအမှာအိမ်း အပေးယူလုပ်ကို အမှာစာ ပြောင်ဟေက လူမျိူး ဆူယာဖြစ် ဖြစ်ဗာဂါ ။ ငါဣရှမေလဇိုဉ်ယဲ ပြောင်ဟေကလူမျိူးဆူယာ လုပ်အီးယန်က ။ ညီးငါဒင်ယဲ ငါ ဣဇာက်အိမ်း အဆာကတိလုက်တက်ကဖြစ်ဟေ။ ကျီးဂါအိမ်း ဘုရားရှင် နာ အာဗြံ အမိန်းယင် အာဗြဟံ ငါကိုအမိန်းပြောင်းနက်ကဟေ။ အဓိပ္ပာယ်ယာ လူရက် ကအဗား(ဖ်) ဖြစ်ဟေ။ ကျီးကအိမ်း ဘုရားရှင်နာ စာရဲ အမိန်း ယင် မင်းသမီးငါဟေက အဓိပ္ပာယ် အိမ်းစာရာ ငါကို ပြောင်း က ဟေ။

အိမ်းမှာရက်ယာအာ အာဗြဟံနာ အမှာကအိမ်ထောင်စုယာက တာဆာပြိုင်းဆာစုတ်ရက်အင် အရေဖျားလှီးကိုမင်္ဂလာလုပ်အီနက်ကဟေ။တစ်နှစ်န့်ကြားဂါရပ် အာဗြဟံကအသက်တရာအိမ်း စာရာ ကအသက်ကိုးဆယ်ယာ စာရာနာအဆာဟူဝါ်လူလင်ဂါဟေ။ မှအဆာ ဘုရားရှင်င့ဟေကတိုင်း ဣဇာက် ငါကိုအမိန်းအီလင်ဂါဟေ ။

ဣဇာက်နာ မန်ဆာအရွယ်ယာထုပ်ကရပ် ဘုရားရှင်နာ အာဗြဟံ ကယုံကြည်မူးယင် စမ်းသပ် ကအနေဖြင် နင်ကအဆာဟူဝါ်တည့်ဖြစ်ဟေက ဣဇာက် အင်ငါဇိဉ် ပူဇော်ယန်ငါကိုင့လင်ဂါဟေ ။ အာဗြဟံနာဘုရားရှင်က တူယင်အကိုးကိုယ် အမှာဂါအဆာ ပူဇော်ဂါဇိဉ် ပြင်ဆင်လင် ဂါဟေ။

အာဗြဟံအိမ်းဣဇက်ရက်နာ ပူဇော်ဂါနေရာလမ်းလျှောက်ဗန်(ဖ်)ဂါရပ် ဣဇာက်နာ အဗား(ဖ်)ပူဇော် ကဇိဉ် ကရောက်က(လ်) ငါတုံ့နန်း သိုးက(လ်)မယားငါကိုကထာလင်းဟေ။ အာဗြဟံနာ ပူဇော်ကဇိဉ် ဘုရားရှင် အီယန်ဂါဟုတ်ငါကို ဖြေလင်ဂါဟေ။

ပူဇော်ကနေရာထုပ်ကရပ် အာဗြဟံ နာအမှာဂါအဆာ ဣဇာက်ယင် ရဖူးအိမ်းတိုင်ကို ပူဇော်ကနေရာ ပေါ်ယာလှဲချနက်ကဟေ။ အမှာဂါ အဆာ ကတိုင်ငါကို ရိကအချိန်ယာ ဘုရားရှင်နာ တိုင်းငင်ဓာတ် တာဆာပြိုင်ဆာ ကနာမှအလုပ်အေး ။ငါကအီးပီးက နင်ကဟူးဝါ်တည့်အဆာ စွန့်လွှတ်ကို ငင် အစက်ကိုရိုသေဂါအကြောင်းယင် အတက်ချေယင်နန်း။

အနီးအနားတစ်ဝိုက်အာ ခြုံထဲယာ ငြိတုံးက မလိမ်းကပိတ်တရာနာ အဗြဟံပေါ်လင်ဂါဟေ။ ဘုရားရှင်နာ ဣဇာက်အစားပူဇော်ကဇိဉ် အထောက်အကူအီဂါဖစ်ကို အာဗြဟံနာ မလိမ်းကပိတ်အင်း ဝမ်းမြောက်ဝမ်းသာ ဖြစ်ကို ပူဇော်လင်ဂါဟေ။

ကျီးဂါအိမ်း ဘုရားရှင်နာ အာဗြဟံ နင်စာနင်ကအဆာ တစ်ဦးတည်းယင် အပါအဝင် ဦဇားစုတ်ရက်အင် ငါဇိဉ်အီးကဝန်အလေးပယ်။ မှအကြောင်းအိမ်း ငါနင်ဇိဉ် ကောင်း ကျိူးအီကငါပီက ကတိအတိုင်း နင်ကနောင်လနောင်သားမျိူးဆက် ရက် ကောင်းဂါလက်အာက စကိုင်းဆီးရက် ထက်ပွားများဗန်က နင် ငါကတူယင်အကိုးကအကြောင်အိမ်း ကမ္ဘာပေါ်ယာက မိသားစု စုတ်ရက် အင်နင်ကမိသားစုယာပင်တစ်ဆင်း ငါကောင်းကျိူးအီယန်ဂါငါကို ငါလင်ဂါဟေ။

ကမ္ဘာဦးကျမ်း ၁၆-၂၂