၄၉။ ဘုရားရှင်ကပဋိညာဉ်အနန်း

ဟမန်းဗြောင်တစ်ပါးစာ တာဆာလှောင်ဆာဟူးဝါဖြစ်ဟေက မာရီယင် မှတာဆာလှောင်ဆာနာ ဘုရားရှင်ကအဆာ ကယ်ယန်ကငါကို ငါ့ပီးဒက်လင်ကဟေ။ မှတာဆာလှောင်ဆာနာ နင်းဆီဆာဟူးဝါ ဖြစ်ကယဲ့ သန့်ရှင်းဟေကဘုရာဝိညာဉ်တော်စာ မှတာဆာလှောင်ဆာကမှ ထုပ်ကို မှတာဆာလှောင်ဆာ ကိုယ်ဝန်လူဇိဉ်ကဟေ။ မှတာဆာလှောင်ဆာနာ အဆာဟူးဝါကယ်ကို အိမ်မှာအဆာ ယေရူငါကို အော်ကဟေ။ မှအကြောင်းအိမ်း ကိုယ်တော်ယေရူစာ ဘုရားရှင်ဖြစ်ကဒေလေ လူ့ယဲ့ဖြစ်ဟေ။

ကိုယ်တော်ယေရူစာ အပါနာကအပါနာ ဘုရားဖြစ်ကအကြောင်းယင် ဆနပ်လူမှ အံ့ဩဖွယ်ရာဘောင်းကိုယင် လုပ်ဒက်ကဟေ။ အမှာစာ အိ(လ်)ဖုံးယာလင်ဟာကို မုန်တိုင်းရက်အင် ရပ်တန့်ဇိဉ်လင်ကဟေ။ အမှာစာ လူ့ဘောင်းကိုက အမိုင်ရက်အင် ပျောက်ဇိဉ်ကို အမီးကဟမန်းရက်အင်ယဲ့ ကတောက်ကိုအီဒက်ကဟေ။ အမှာစာ ဆီးကိုင်ကလူရက်အင်ယဲ့ ပြန်ကိုအဆက်ဆီမ်းဇိဉ်ကို ပေါင်မုန့်ငါးလုံးအိမ်း တနာနိန်မာယင် လူပေါင်းငါးထောင်ကျော်ယင် ကျွေးမွေးကဇိဉ် လုံလောက်မှက ဆာကဇတ်ဖြစ်မှ ဖန်တီးကိုအီဒက်ကဟေ။

ကိုယ်တော်ယေရူစာ မီဟေကဆရာဟူးဝါယဲ့ဖြစ်ကို အမှာကဆနိန်ဒက်က ဦးဇားစုတ်ရက်အင်ယဲ့ မှန်ကန်ကိုမီမနီး ဆနိန်ကိုအီဒက်ကဟေ။ အမှာစာ ဘုရားရှင်ကအဆာဖြစ်တုံးကအကြောင့် လူတိုင်းစာ အမှာက ငါ့ဟေကအတိုင်းလိုက်နာကဟေ။ သာဓက ငါနဲ့ လူတိုင်းယင် အပါနာကအပါနာ ချစ်ကဒလေ အယောက်ကလူ့ဟူးဝါက အပေါ်ယာ ချစ်ခင်ယင့် ငါကိုဆနိန်အီဒက်ကဟေ။

အမှာစာ နနိန်ရက်ကပိုင်ဆိုင်မူရက်အပါအဝင်း ဦးဇားစုတ်ရက်အင်တောင်မှဒင် ဘုရားရှင်ယင် ပိုကိုချစ်ဆင့်ကယဲ့ ဆနိန်ကိုအီဒက်ကဟေ။

ကိုယ်တော်ယေရူစာ ကမ္ဘာပေါ်ယာငါဟေက ဦးဇားစုတ်ရက်အင် ပိုင်ဆိုင်ပေါ်ကတောင်မှဒင်း ဘုရားရှင်ကနိဗ္ဗာန်ရွှေမြို့တော်ယာငါတုံးပေါ်ကနာ ပိုကိုမီကယဲ့ ငါ့ဆနပ်တက်ကဟေ။ဘုရားရှင်ကနိဗ္ဗာန်ရွှေမြို့တော် အတာဟုန်းယာ ဆင်လူမှ နနိန်ရက်ကအပြစ်ရက်အင် မလားကယ်ပေါ်ကဖြစ်ဟေ။

အချို့လူရက်စာ ကိုယ်တော်ယေရူယင် လက်ခံယန်ကဖြစ်ကို အိမ်မှာလူရက်စာ ဘုရားရှင်က ကယ်တင်ဟေက ဟင်းပေါ်ကဖြစ်ဟေ။ ညီးငါဒင်းယဲ့ အချို့လူရက်စာ အမင်လက်ခံက အငါပါ(လ်)။အချို့လူရက်စာ ကဇက်မီဟေက ဆူးယာအိမ်းတူဟေငါကို ငါ့ပီဒက်ကဟေ။ အဇာရီကအကြောင်းယာငါနဲ့ အမှာရက်စာ ကိုယ်တော်ယေရူက သတင်းမီရက်အင် လက်ခံကအကြောင့် ဘုရားရှင်စာ အမှာရက်အင် ကယ်တင်ယန်ကဖြစ်ဟေ။ညီးငါဒင်းယဲ့ အချို့လူရက်က(လ်) လင်းဖုံးယာက ကဇက်တေကူတုံးကအကြောင့် ဘုရားရှင်ကတူးရက်စာ အိမ်မှာလင်းယာ ထုပ်တုံးကအတူ(ဖ်)ဒေ ဖြစ်ကလင်ကို ဆူးယဲ့ကအဖင့် ဖော်ကအငါပါ(လ်)။ အိမ်မှာလူရက်စာ ကိုယ်တော်ယေရူက သတင်းတူးရက်အင် ငြင်းဒက်ကလူ့ရက်ဖြစ်ကို ဘုရားရှင်ကနိဗ္ဗာန်ရွှေမြို့တော် အတာဟုန်းယာဆင်ကဇိဉ် ငြင်းဆန်ကလူရက်အ(လ်)ဖြစ်ဟေ။

ဘုရားရှင်စာ ဒုစရိုက်သမားရက်အင် ပိုကိုချစ်ဟေငါကို ကိုယ်တော်ယေရူစာ ငါ့လင်ကဟေ။ အမှာစာ အိမ်မှာလူရက်က အပြစ်ရက်အင် ခွင့်လွတ်အီကို အိမ်မှာလူရက်အင် အမှာက အဆာ ဆာအိပ်ဖြစ်ဇိဉ်ကက်ဟေ။

ကိုယ်တော်ယေရူနာ ဘုရားရှင်စာ အပြစ်ရက်အင်မုန်းတီးကယဲ့ ဆနိန်ကိုငါ့ပီ ဒက်ဟေ။အာဒံအိမ်းဧဝရက် အပြစ်လုပ်ဒက်ကအကြောင်း အမှာကနောင်လာနောင်သားရက်အ(လ်) အပြစ်ရက်လုပ်ကဖြစ်ဟေ။ကမ္ဘာပေါ်ယာကငါဟေက လူတိုင်းစာ အပြစ်ရက်အင် ကျူးလွန်ကို ဘုရားရှင်အိမ်းလင်းစံတုံးက ဖြစ်ဟေ။ လူတိုင်းစာ ဘုရားရှင်က ရန်သူရက်ဖြစ်တုံးကဟေ။

ညီးငါဒင်းယဲ့ ဘုရားရှင်စာ အမှာကအဆာယင် ယုံကြည်ကလူ့ရက်အင် အပြစ်အီကအလုပ်အန်မှ အမှာကဟူးဝါတေက အဆာယင် ညီရက်ကအတွက် ပေးဆပ်ဒက်ကနည်းအိမ်း ချစ်ခင်ဒက်ကဟေ။ မှတောင်မှာဒင်း ကိုယ်တော်ယေရူယင် ယုံကြည်ကလူတိုင်း အမှာအိမ်မက်တာ ထာဝရအဆက်ဆိမ်းကို တုံးယန်ကဖြစ်ဟေ။

နနိန်ရက်စာ အမီးကရက်အင် လုပ်ဟေကလူရက်ဖြစ်ကို ဆီးကဇိဉ်ထိုက်တန်ဟေ။ ဘုရားရှင်စာ နနိန်ရက်ဆီးကအတွက် အပြစ်အီကဇိဉ်ထိုက်တန်ကယဲ့ ဘုရားရှင်စာ ကိုယ်တော်ယေရူယင် လက်ဝါကပ်တိုင်ဖုံးယာ ဆီးဇိဉ်ကို ညီရက်ကအပြစ်အစား အပြစ်အီကဖြစ်ဟေ။ကိုယ်တော်ယေရူစာ ဟက်တာယဲ့ အပြစ်ကျူးလွန်က အ့ငါပါ(လ်)။

ညီးငါဒင်းယဲ့ အမှာစာ အမီးဇောဆီးကအပါဝင် အပြစ်စုတ်ရက်ကအတွက် ဆီးဟေကလက်ခံကိုတုံးကဟေ။ အမှာစာ နင်အိမ်းမှကမ္ဘာပေါ်ယာငါဟေက အပြစ်ရက်အင် လင်းစံဗြောင်ယာအော်လားကလင်ကဇိဉ် အတတ်ကဒေက နည်းအိမ်း မီမှစွန့်လွတ်ပေးဆပ်ကလူ့ဟူးဝါဖြစ်ဟေ။ဘုရားရှင်စာ ကိုယ်တော်ယေရူကအပေါ်ယာ ယုံကြည်သက်ဝင် ကလူ့ရက်အဆိုးဆုံးအပြစ်ရက်အပါအဝင် အပြစ်စုတ်ရက်အင် ခွင့်လွတ်အီလူမှ ကိုယ်တော်ယေရူစာ အမှာကအမှာ ပူဇော်ကဆူးယာအဖြစ် ပေးဆပ်တက်ကဖြစ်ဟေ။

အမှာရက်စာ မီဟေကဦးဇားရက်အင် လုပ်ဒက်ကယဲ့ ဘုရားရှင်နာ နနိန်ရက်အင် ကယ်တင်ကအရိယန်ပါ(လ်)က။အမှာအိမ်းအဆွေခင်ပွန်းဖြစ်မှ နင်ကိုယ်တိုင်လုပ်လူက ဦးဇားဆူးယားယဲ့ အငါ့ပါ(လ်)။အိမ်မှအစား နနိန်ရက်ကအတွက် လက်ဝါးကပ်တိုင်ဖုံးယာ အဆက်အီကလင်ကို ဘုရားရှင်နာ ဆီးကမှပင်ပြန်ကိုရိပ်ဟေက ဘုရားရှင်ကအဆာဖြစ်ဟေက ကိုယ်တော်ယေရူယင် ယုံကြည်တောင်မယ် လူယန်ကဖြစ်ဟေ။ နနိန်ရက် အမင် ယုံကြည်နဲ့ ဘုရားရှင်နာ နနိန်ရက်ကအပြစ်ရက်အင် ခွင့်လွတ်အီယန်ကဖြစ်ဟေ။

ကိုယ်တော်ယေရူယင် လက်ခံကို အမင်ဆရာအဖြစ်လက်ခံကလူရက်အင် ဘုရားရှင်နာ ကယ်တင်ယန်ကဖြစ်ဟေ။ ညီးငါဒင်းယဲ့ ကိုယ်တော်ယေရူယင် အယုံကြည်ကလူရက်အင် ဘုရားရှင်အကယ်တင်ယန်ပါ(လ်)က။ နင်စာ ချမ်းသာဟေက ၊ဆင်းရဲဟေက ၊တာဆာပြိုင်ဖြစ်က ၊တာဆာလှောင်ဖြစ်က ၊အဆက်ပြောင်က၊အဆက်မန်ဆာက၊ နင်အဆာမည်ကနေရာတုံးဟေက စဟေကအရေးပါက အငါ့ပါ(လ်)က။ဘုရားရှင်စာ နင်ငင်ချစ်ခင်ကို နင်အိမ်းမိတ်ဆွေဖြစ်က အတွက် ကိုယ်တော်ယေရူယင် ယုံကြည်ဇိဉ်ကက်ဟေ။

ကိုယ်တော်ယေရူနာ နင်ငင်အော်တုံးကနား အမင်ယုံကြည်က အိမ်းအိ(လ်)မြုပ်(လ်)မင်္ဂလာ လုပ်က ဖန်းကအတွက် အော်တုံးကဖြစ်ဟေ။ ကိုယ်တော်ယေရူစာ မေရှိယဖြစ်ကို ဘုရားရှင်က ဟူးဝါတည့်ကအဆာဖြစ်ဟေက ယုံကြည်ဟာလဲ့ ။နင်ကနင် အပြစ်ငါဟေက အပြစ်သားဟူးဝါ အဖြစ်ခံယူကို နင်ကပြစ်မူအတွက် ဘုရားရှင်ကမှပင်သင့်လျှော်ကအပြစ်ရက်အင် ခံယူသင့်ဟေငါကို ထင့်ဟေလဲ့။ နင်ကအပြစ်ရက်အင် လင်းစံဗြောင်ယာအော်လားကလင်ကဇိဉ် ကိုယ်တော်ယေရူစာ လက်ဝါးကပ်တိုင်ဖုံးယာ အဆက်အီကယုံကြည်ဟယ်လဲ့။

နင်စာ ကိုယ်တော်ယေရူယင် ယုံကြည်ကို နင်ကအတွက်ကိုယ်တော်ယေရူလုပ်အီးဒက်က ဦးဇားရက်အင် ဝန်ခံနဲ စာတန်စာ နင်ငင် အမှာက ထင်းမုတ်ဖြစ်တုံးက နန်းတော်ယာပင် ဆက်လက်ကို အုပ်စိုးကအလူယန်ပါ(လ်)က။အတတ်ကအခါ ဘုရားရှင်နာ နင်ကအပေါ်ယာ အလင်းဒလေအုပ်စိုးတုံးက ဖြစ်ဟေ။အလင်းရောင်အိမ်းနိူင်ငံတော်ဘုရားရှင်စာ နင်ငင် နင်လုပ်တုံးကအပြစ်ရက်အင် အလုပ်လူမှ ပိတ်ပင်နက်ကို နင်ငင်ပိုကိုသင့်တော်မှန်ကန်ဟေက အဆက်ဆိမ် ကိုတုံးဟေကနည်းလမ်း ရက်အင် အီယန်ကဖြစ်ဟေ။

နင်စာ ကိုယ်တော်ယေရူက နောက်လိုက်ဟူးဝါဖြစ်ကျီးနဲ့ ကိုယ်တော်ယေရူလုပ်တက်က ဦးဇားအကြောင်း ဘုရားရှင်နာ နင်ကအပြစ်ရက်အင် ခွင့်လွတ်အီပြီးသားဖြစ်ဟေ။ အတတ်ကအခါ ဘုရားရှင်စာ နင်ငင်ရန်သူဟူးဝါအစား နီးကပ်ဟေက အဆွေခင်ပွန်းဟူးဝါအဖြစ် သတ်မှတ်နက်နန်းဖြစ်ဟေ။

နင်စာ ဘုရားရှင်က အဆွေခင်ပွန်းဖြစ်ကို ဆရာဖြစ်ဟေကကိုယ်တော်ယေရူက အတပည့်ဟူးဝါဖြစ်နဲ့ ကိုယ်တော်ယေရူစာ နင်ငင် ဆနိန်အီတုံးကဦဇားရက်အင် နနိန်ရက်လိုက်နာကက်အန်က ဖြစ်ဟေ။ နင်စာ ကိုယ်တော်ယေရူကနောက်လိုက်ဟူးဝါဖြစ်ကယဲ့ စာတန်မာရ်နတ်စာ နင်ငင်အပြစ်ရက်ကျူးလွန်မှ မြှူဆွယ်ယန်ကဖြစ်ဟေ။ ညီငါးဒင်းယဲ့ ဘုရားရှင်စာ အမှာလုပ်ကငါဟေက ဦးဇားစုတ်ရက်အင် ရက်ပိုက်လုပ်ဟေ။ နင်စာ နင်ကအပြစ်ရက်အင် အမှာကမှ ဝန်ခံနဲ့ နင်ကအပြစ်ရက်အင် ခွင့်လွတ်အီးကငါကို ငါ့ပီဒက်ဟေ။ အမှာစာ နင်ငင် အပြစ်ဒုစရိုက်ရက်အိမ်း တိုက်ပွဲဆင်လူမှ တာဟောင်အီလင်ကဖြစ်ဟေ။

ဘုရားရှင်စာ နနိန်ရက်အင် ဆုစိန်ကိုအိမ်းအမှာကနူတ်ကပတ်တော်ရက်အင် လေ့လာကဇိဉ် ငါ့ပီဒက်ဟေ။ အမှာစာ နင်ငင် အယောက်ကကိုယ်တော်ယေရူက နောက်လိုက်အတပည့်ရက်အိမ်း မက်တာဝတ်ပြု ဆုစိန်ကဇိဉ် ငါ့ပီဒက်ဟေ။ နင်ယဲ့ နင်ကအတွက် ဘုရားရှင်ကလုပ်တက်က သမ္မာတရားရက်အင် အယောက်ကလူရက်အင် ငါ့ဆနပ်သင့်ဟေ။ နင်မှဦးဇားစုတ်ရက်အင် လုပ်နဲ့က(လ်) အမှာက ခိုင်မြဲ့က အဆွေခင်ပွန်းဟူးဝါဖြစ်ဗား(ဖ်)က။

ရောမဩဝါဒစာ ၃း၂၁-၂၆, ၅း၁-၁၁; ယောဟန် ၃း၁၆; မာကု ၁၆း၁၆; ကောလောသဲဩဝါဒစာ ၁း၁၃-၁၄; ကောရိန္သုဩဝါဒစာ ၅း၁၇-၂၁; ယောဩန် ၁း၅-၁၀