၉။ ဘုရားရှင် နာမောရှေယင် အော်လားဂါ

ယောသပ် ဆီးလင်ဂါရပ် အမှာဂါအမျိူးစုတ်ရက်နာ အီဂျစ်ယာဆက်လက်ကို တုံ့လင်ဂါဟေ။ အမှာအိမ်း အမှာဂါနောင်လာ နောင်သားရက်နာ အိမ်းမှနေရာ နှစ်ပေါင်းများစွာတုံ့ကို အဆာ ၊ဆာ အိပ် ရက်ကယ်လင်ဂဟေ။ အမှာရက်အင် ဣသရေလလူမျိူးငါကိုအော်ဂါဟေ။

နှစ်ရာပေါင်းကြားဂရပ် ဣသရေလ လူမျိူးရက်က လူဦးရေနာတစ်ဗျင်း ပြောင်ယောယန်ဂါဟေ။ အီဂျစ်လူမျိူးရက်နာ အမှာရက်အင် ယောသပ်က လုပ်တက်ဟေက ဦဇားစုတ်ရက်အတွက်ကျေး ဇူးတင်ခြင်း အာငါနန်း အမှာရက်နာ ဣသရေလ လူမျိူးရက်နာ တစ်ဗျင်းပိ(ရ်)ယောယန်ဂါ အကြောင်း အိမ်း အစက်ယောယန်ဂဟေ။ မှအချိန်းငါ အီဂျစ်အင်အုပ်ချူပ်က ဘုရင်နာဣသရေလ လူမျိူးရက်အင် အီဂျစ်လူမျိူးရက်ကကျွန်အဖြစ် လုပ်ကဟေ။

အီဂျစ်လူမျိူးရက်နာ ဣသရေလလူမျိူးရက်အင် အဆောက်အဦးရက် အိမ်းမြို့ရက် အင်ပြုက ဖန်းဂဟေ။ အလုပ်ကြမ်းရက်နာ ဆင်းရဲဒုက္ခထုပ်ကယဲ ဘုရားရှင်နာ အမှာရက်အင် ကောင်းကျိူးမင်္ဂလာ အီကို အဆာ၊ဆာအိပ်ရက် ပိ(ရ်)ယာဆာကယ်ဇိဉ်ကဟေ။

ဖာရိုဘုရင်နာ ဣသရေလလူမျိူးရက်က အဆာ၊ဆာအိပ်ဘောင်ကို ကယ်ကပေါ်ကရပ် အမှာက လူရက်အင် ဣသရေလလူမျိူးရက်က တာဆာပြိုင်ရက်အင် ကတိုက်ကို နိုင်းမြတ်ထဲယာ ဝေးဇဉ် လင်ဂါဟေ။

ဣသရေလလူမျိူး တာဆာလှောင်ဟူဝါ်နာ တာဆာပြိုင် ဆာဟူဝါ် ကယ်ဂါဟေ။ မှမန်ဆာနာ အတတ်နိုင်ဆုံးအဆေးပီလင်ဂါဟေ။

အနို(လ်)အဗား(ဖ်)ရက်နာ မှမန်ဆာဆက်ကိုအဆေးကိုအပိလူဂရပ် ကတိုက်စာဟင်းဂါလွပ်မ နိုင်းမြစ် ကမ်းနားက အဖင်းကြားနာအီဖုံ့ယာဖော်တုံ့ကလူမှ ဗရင်းတစ်လုံး အိမ်းပိဒက်လင်ဂါ ဟေ။မှမန်ဆာဂါ ပါမေးနာ မန်ဆာအဆာမီဖြစ်အန်ဂါယာငါကို ဆက်ကိုစောင်ယုတုံ့လင်ဂါဟေ။

ဘုရင်ကအဆာအိပ်ဟူဝါ်နာ ဗရင်းငင်ပေါ်ဂရပ် အထဲယာယူနက်ကရပ်မှမန်ဆာနာပေါ်ကို အဆာအဖြစ်မွေးစားလင်ဂါဟေ။ အမှာနာ ဣသရေလလူမျိူးယာကတာဆာလှောင်ဟူဝါ် မှမန်ဆာ စောင့်ရှောက်ကဇီးငှားရမ်းလင်ဂါဟေ။မှတာဆာလှောင်ဆာနာ မန်ဆာဂါ အနိုး(လ်)အရင်း ဖြစ်တုံ့က အချေပယ် မှမန်ဆာနာ အနိုး(လ်)ဂါစဦးအစိုးနန်းဖြစ်ကိုအရွယ်ထုပ်ကရပ် ဘုရင်ဂါအဆာအိပ်ကမှ့ပြန်ကိုပ(လ်)နက်ကိုမောရှေငါကို အမိန်းအီလင်ဂါဟေ။

မောရှေ အရွယ်ထုပ်ကရပ် ယာတာဂရပ် အီဂျစ်လူမျိူးဟူဝါ်နာ ဣသရေလလူမျိူးဟူဝါ် ပေါက်တုံ့ ကပေါ်ကိုမောရှေနာ ကျွန် ဖြစ်တုံ့ဂါ ဣသရေလလူမျိူးကယ်ကဇီး ကြိုးစားလင်ဂါဟေ။

မောရှေနာ ဟူဝါ်ယဲအပေါ်နန်းထင်ကို အီဂျစ်လူမျိူးယင်ကတိုက်ကို အမှာဂါခန္တာကိုယ် ယင်မြှုပ် လင်ဂါဟေ။ ညီငါဒင်ယဲ မောရှေကလုပ်တက်ဟေက လူဟူဝါ်နာပေါ်လင်ဂါဟေ။

ဖာရိုဘုရင်နာ မောရှေ ကလုပ်ရပ်အင်ချေကံကို အမှာကတိုက်ကဇီးရီဂါရပ် မောရှေနာ အီးဂျစ်ယာဂါတောကန္တာရ ထဲယာ ကပ်လင်းကို ဘုရင်နာ ဖာရိုစစ်ဆာရက်နာ အမှာဆုံးကိုအပေါ်နန်း။

မောရှေနာ အီးဂျစ်အိမ်း လင်စံဟေကမလိမ်းယာ သိုးကျောင်းသားဟူဝါ် ဖြစ်ကို အိမ်းမှားနေရာ တာဆာလှောင်ဟူဝါ်အိမ်လက်ထပ်ကို အဆာနိန်ဟူကယ်လင်ဂါဟေ။

မောရှေစာ အယုံဟာမဂါ သိုးအုပ်ယင်ကျောင်းတုံ့လင်ဂါဟေ။ ယာတာဂါရပ် ချူံပုတ်ဆူယာ အပျက် စီးထိုင်း ဗန်ခြူတုံ့ဂပေါ်လင်ဂါဟေ။အမှာနာ ကနင်းဖူးယူဂဇီးချူံပုတ်နားကပ်ယောလင်ဂါဟေ။ ချူံပုတ်နားတစ်ဗျင်းနီးကပ်ကလင်ဂါရပ်ဘုရားရှင်နာ အမင်မောရှေ နင်ဂါဖိနပ်အင် ချုပ်အင်း နင်နာ မြင့်မြတ်က ကဇက်အာစက်တုံးဂါဖြစ်ဟေ။ ငါကိုင့လင်ဂါဟေ။

ကျီးဂအိမ်း ဘုရားရှင်နာ ငါကလူ့ရက်ဒုက္ခခံစားတုံ့ပေါ်ဂါ ငါပေါ်ဟေ။ ငါ နင်ငင်ဣသရေလလူမျိူးရက်အင် အီဂျစ်ကကျွန်အဖြစ်လွတ်မြောက်ကလူမှဖာရိုဘုရင်ဂါမှဖြောင်နက်အန်ဂါ။ငါ အမှာရက်အင် ခါနန်ငါဟေက အာဗြဟံ၊ဣဇာက်အိမ်း ယာကုပ် ရက်အင် ကတိအီပီဂါကဇက်အင်အီဂါ။

မောရှေနာငင်အယူဖြောက်အန်ဂါယာငါကို လူရက်ကတာနဲ့အဆာမည်ဖြေပေါ်ဂယာငါကို ဘုရားရှင်ထဲကတာလင်ဂါရပ် ဘုရားရှင်နာ ငါအယူယားငါနဲ့ ငါဟုတ်ငါကို အမှာရက်အင် ငဆာနက်လင် ။ငါစာအာဗြဟံ၊ဣဇာက်၊ယာကုပ်ရက်ကိုးကွယ်ဟေက ယဝါ ထာဝရဘုရားဖြစ်ကို မှအမိန်းနာ ငါဂါ ထာဝရအမိန်းဖြစ်ဟေငါကိုင့ဆာနတ်လင်ငါကို ငါလင်ဂါဟေ။

မောရှေနာ ဖာရိုဘုရင်အမင်ဆီးမှာ ကတိုက်ကက်က ချဲကိုအစက်ကို အလင်ကက်ပယ်။ မှအရီ ထိုင် အမှာနာတူးကနင်းဖူးဆာပီ(ရ်)ကအထောက်ကအကြောင်းအိမ်း ဖာရိုဘုရင်ကမှ အလင်ကက်က ဖြစ်ကို မောရှေက အနည်းဆီဖြစ်ဟေက အာရွန်ယင်ဖြောက်နက်ကဟေ။

ကမ္ဘာဦးကျမ်း ၁-၄