၂၉။ ကျေးဇူးအချဲ့ထောင်းက အငှားဆာဟူးဝါက တန်ဒူ

ယက်တာကရပ် ပေတရုစာ ကိုယ်တော်ယေရူယင် “အရှင်၊ငါကအပေါ်ယာ ငါကအနည်းဆီစာ အပြစ်ရက်ကျူးလွန်ဟေက အဆာတာဟက် ခွင့်လွှတ်အီပေါ်ကယား။ ခုနှစ်ခေါက်တတ်ခွင့်လွှတ် အီပေါ်ကလဲ့”ငါကို ကထာလင်ကဟေ။ကိုယ်တော်ယေရူစာ “ခုနှစ်ခေါက်တတ်အရီပါ(လ်) အခေါက်ခုနှစ်ဆယ် ခုနှစ်ခေါက် ဆဲ့ဟင်းကိုခွင့်လွှတ်အီပေါ်က”ငါကိုပြန်ကိုဖြေနက်ကဟေ။ အတတ်ကတေ င့နက်ကနာ ရက်ပိုက်ခွင့်လွှတ်အီကဇိဉ် င့ပီဒက်ကဖြစ်ဟေ။ကျီးကအိမ်း ကိုယ်တော်ယေရူစာ မှတန်ဒူယင် ပြန်းဆနပ်လင်ကဟေ။

ကိုယ်တော်ယေရူနာ “ဘုရားရှင်က သာသနာတော်ယာက အငှားဆာရက်က အကြွေးရက်အင် လျော့အီနက်က ဘုရင်ဟူးဝါအိမ်းတူဟေ။ အိမ်းမှာဘုရင်ကမှာ အမှာကအငှားဆာဟူးဝါနာ နှစ်ပေါင်းနှစ်သိန်းခန့် ဆပ်ပေါ်က အကြွေးပမာဏတင်ငါလင်ကဟေ။

ညီးငါဒင်းယဲ့ မှအငှားဆာစာ “အကြွေးရက်အင် အဆပ်လူကို ဘုရင်စာ အိမ်မှာလူအိမ်း အမှာကမိသာစုရက်အင် အကြွေးဆပ်လူမှား ကျွန်အဖြစ်အချေစေ”ငါကို အမိန့်အီနက်ကဟေ။

“အငှားဆာစာ ဘုရင်ကရှေ့ယာ ဒူးထောက်ကို တုံးနက်ကို “ငင် စိတ်ဆာဆဲ့ဟင်းအီယန်၊ ငါအီကငှာဟေက အကြွေးရက်အင် ငါကျီးမှဆပ်အန်နက်ကဟုန့်”ငါကို င့နက်ကရပ် ဘုရင်စာတစ်ဗျင်း သနားစိတ်ဖြစ်ကလင်ကို အိမ်မှား အငှားဆာကအကြွေးရက်အင် လျော့အီကို လင်ကခွင့်အီနက်ကဟေ။

“ညီငါဒင်းယဲ့ အငှားဆာစာ ဘုရင်ကမှပင် ပြုယောယန်ကရပ် အမှာဇိဉ် လေးဆာဓားဇိဉ် အကြွေးဆပ်က ငါကအငှားဆာဟူးဝါအိမ်း လက်ကဟေ။မှအငှားဆာစာ အကြွေးငါဟေက အငှားဆာယင် ရိမ်ကို “ငါဇိဉ်အီကငါဟေက အကြွေးယင် အီယန်”ငါကို င့နက်ကဟေ။

“အကြွေးတင်တုံးကအစေခံစာ ဒူးထောက်ကိုတုံးနက်ကဟေ “ငါကအပေါ်ယာ စိတ်ရှည်သည်းခံအီးယန်နက်နိမ့် ငါကအပေါ်ယာငါဟေက အကြွေးစုတ်ရက်အင် ဆပ်အန်နက်ကဟုတ်” ညီငါဒင်းယဲ့ အိမ်းမှာအငှားဆာစာ အမှာကပေါ်ယာ အကြွေးငါဟေက အငှားဆာယင် အကြွေးမဆပ်မချင်း ထောင်ထဲယာ ထည်ပီလင်ကဟေ။

“ကျန်ဟေကအငှားဆာရက်စာ မှအဖြစ်ပျက်ရက်အင် ပေါ်ကရပ် တစ်ဗျင်းမန်ချေကို အကြောင်းရာစုတ်ရက်အင် ဘုရင်ဇိဉ်လျှောက်တင်လင်ကဟေ။

“ဘုရင်စာ မှအငှားဆာအော်ကို “နင်စာ ကောက်ကျစ်စေဟေက အငှားဆာဖြစ်ဟေ။ နင် ငင်တောင်းပန်ကအကြောင်းအိမ်း ငါစာ နင်ကအကြွေးယင် လျော့အီးကဒေ နင်ယဲ့ အတတ်ကတေ လုပ်ပေါ်ကဖြစ်ဟေ”ငါကို င့နက်ကဟေ။ဘုရင်စာ တစ်ဗျင်းမန်ချေကို မှအငှားဆာစာ အမှာကအကြွေးယင် မဆပ်မချင်း ထောင်ထဲယာ ထည်ပီလင်ကဟေ။

ကျီးကအိမ်း ကိုယ်တော်ယေရူစာ “မှဦဇားရက်အင် နနိန်ရက်က နှလုံးသားထဲယာ သည်းခံခွင့်အလွတ်လူနဲ့ ညီရက်ကနိဗ္ဗာန်ရွှေမြို့တော်ယာက အဗား(ဖ်)စာ နနိန်ရက်က နည်ဆီဖုံနားရက်အင် အတတ်ကတေလေ လုပ်လင်က”ငါကို င့နက်ကဟေ။

မဿဲ ၁၈း၂၁-၃၅