၅၀။ ကိုယ်တော်ယေရူ ပြန်ကိုကြွယောယန်က

ကမ္ဘာတစ်ဝန်းလုံးယာက ငါဟေကလူ့ဘောင်းကိုယ်စာ မေရှိယဖြစ်ဟေက ကိုယ်တော်ယေရူက သတင်းမီရက်အင် အယောက်ကနှစ်ပေါင်းဘောင်းကိုကြားမနီး ချေးကိုတုံးကဟေ။ ဘုရားရှင်က နိဗ္ဗာန်ရွှေမြို့တော်ယဲ့ဆက်လက်ကို ပြောင်ကိုကျယ်ပြန့်ယောယန်ကဟေ။ ကိုယ်တော်ယေရူနာ အမှာစာ ကပ်ကမ္ဘာဆုံးကရပ် ပြန်ကိုကြွယောယန်ကငါကို ငါ့ပီဒက်ဟေ။ အတတ်ကအခါ ပြန်ကိုကြွယောယန်က အငါကယဲ့ အမှစာ အမှာကအဆာယင် တည်ကိုအီယန်က။

ညီရက် ကိုယ်တော်ယေရူက ပြန်ကိုကြွယောယန်က စောင့်တုံးကအချိန်ယာ ဘုရားရှင်နာ ညီရက်စာ အမင်ကောင်းချီးအီကို အမှာငါ့ပီကအတိုင်း တုံးဇိဉ်ကက်ကဟေ။အမှာစာ ညီရက်အင် အမှာက နိဗ္ဗာန်ရွှေမြို့တော်အကြောင်းယင် အယောက်ကလူ့ရက်အင် ငါ့ဆနပ်ဇိဉ်ကက်ဟေ။ ကိုယ်တော်ယေရူစာ ကမ္ဘာပေါ်ယာ တုံးကရပ် “ငါက အတပည့်နောက်လိုက်ရက်စာ ကမ္ဘာပေါ်ယာငါဟေက နေရာတိုင်းယာပင် လူရက်အင် ဘုရားရှင်ကနိဗ္ဗာန်ရွှေမြို့တော်က မီကအကြောင်းယင် ကမ္ဘာနေရာအသီးသီးယာ ဆနိန်အီပေါ်ကဖြစ်ကို ကပ်ကမ္ဘာကနောက်ဆုံးအချိန်ယာ ထုပ်ဗား(ဖ်)လင်က”ငါကို ငါ့ပီဒက်လင်ကဟေ။

ဘောင်းကိုကလူရက်စာ ကိုယ်တော်ယေရူအကြောင်းယင် တိုက်ပေါ်ကအငါ့ပါ(လ်)။ ကိုယ်တော်ယေရူစာ နိဗ္ဗာန်ရွှေမြို့တော်ယာ ပြန်ကိုအကြွမီး အမှာက အတပည့်နောက်လိုက်ရက်အင် အိမ်မှာသတင်းမီရက်အင် အတိုက်ပေါ်နိန်ကလူရက်အင် မျှဝေအီးကဇိဉ် ငါ့ပီဒက်လင်ကဟေ။အမှာစာ “လူမျိူးအသီးသီးရက်အင် အတပည့်နောက်လိုက်ငါမနီး လင်ကိုလုပ်အင်း လယ်ပြင်ယာ ကောက်ဖင့်ရက် ရိတ်သိမ်းကဇိဉ် အဆင်သင့်ဖြစ်တုံးနန်းဖြစ်ဟေ။”ငါကို ငါ့နက်ကဟေ။

ကိုယ်တော်ယေရူနာ “လူ့ဟူးဝါက အငှားဆာစာ အမှာကပိုင်ရှင်တောင်မှ မြင့်မြတ်ကအငါပါ(လ်) မှကမ္ဘာအရေးပါကလူရက်စာ ငင်မုန်းတီးကို နင်ငင်ယဲ့ ငါကအကြောင့် နှိပ်စက်ညှင်းပန်းကို ကတိုက်လင်က။မှကမ္ဘာနား နနိန်ရက်ဒုက္ခခံစားပေါ်ကယဲ့ စိတ်ဓာတ်ခိုင်မာမှ ပီယင့် ။အဇာရီကအကြောင်းယားငါနဲ့ ငါစာ မှကမ္ဘာယင် အုပ်ချူပ်ကလူ့စာတန်မာရ်နတ်အင် အနိူင်လာပြီးသားဖြစ်ဟေ။ ငါကအပေါ်ယာ အဆုံးထိ နနိန်ရက် ယုံကြည်နဲ့ ဘုရားရှင်စာ နင်ငင်ကယ်တင်ယန်က”ငါကို ငါ့နက်ကဟေ။

ကိုယ်တော်ယေရူစာ လူရက်အင် ကမ္ဘာကြီးပြီးဆုံးချိန်ထုပ်နဲ့ အဆာမည်ကဦဇား ဖြစ်အန်ကရှင်ပြ ဆနပ်ကဇိဉ် အမှာကနောက်လိုက်အတပည့်ရက်အင် တန်ဒူတစ်ပုံအိမ်း ငါ့ပီးဒက်ကဟေ။ အမှာစာ “လူ့ဟူးဝါစာ အမှာကလယ်ပြင်ယာ မီဟေကအတူ(ဖ်)ရက်အင် စုပ်ပီဟေ။ အမှာ အိပ်တုံးကအချိန်ယာ အမှာက ရန်သူစာ ဂျူံအတူ(ဖ်)ယာ ပေါင်းမြက်အတူ(ဖ်)ယင် ဗန်(ဖ်)ကိုဆတ်ကို ကျီးကအိမ်း ပြုကလင်ကဟေ။”ငါကို ငါ့နက်ကဟေ။

“အဖင့်ရက်ဖော်ယောယန်ကရပ် အမှာက အငှားဆာရက်စာ အိမ်မှာလူ့ယင် “ဆရာခင်ဗျား မှလယ်ပြင်ယာ မီဟေကအတူ(ဖ်)ရက်အင် တိမ်ပီကိုယဲ့ အဇာရီကပေါင်းမြက်ရက် ငါတုံးကယား”ငါကို ကထာနက်ကရပ် အိမ်မှာလူစာ “ငါက ရန်သူမယ် မှအဖင့်ရက်အင် စုပ်အန်ကဖြစ်ကို မှအဖင့်ယင် စုပ်ကလူ့ယဲ့ ငါကရန်သူမယ်ဖြစ်ဟေ”ငါကို ဖြေနက်ကဟေ။

“အိမ်မှားအငှားဆာရက်စာ အမှာကသခင်ယင် ညီရက်မှအဖင့်ယင် အပေါက်သင့်ဟေလဲ”ငါကို ပြန်ကိုကထာလင်ကဟေ။ ဆရာနာ “အလုပ်အဲ့ နနိန်ရက် အတတ်ကဒေလုပ်နဲ့ ဂျုံဖင့်ယင် အပေါက်တိမ်ယန်က ဟန်ကကျီးမှစောင်ယင့်။ကျီးနဲ့ အိမ်မှာပေါင်းဖင့်ရက်အင် ဗန်(ဖ်)တိ(လ်)လူမှနီး တစ်စုတစ်စည်းတည်ပုံပီနက်အင်။ညီးငါဒင်းယဲ့ ဂျုံဖင့်ယင်က(လ်) ငါကသိုလှောင်ရုံတာဟုန်းယာ လာကန်း”ငါကို ငါ့နက်ကဟေ။

နောက်လိုက်ရက်စာ အိမ်မှာတန်ဒူက အဓိပ္ပာယ်ယင် နားအလည်ကအကြောင့် ကိုယ်တော်ယေရူယင် ရှင်းပြဇိဉ်ကက်ကဟေ။ကိုယ်တော်ယေရူနာ “အတူ(ဖ်)မီယင် စုပ်ကလူ့စာ မေရှိယယင် ကိုယ်စားပြုကို လယ်ပြင်စာ ကမ္ဘာမြေကြီးယင် ကိုယ်စားပြုုဟေ။အတူ(ဖ်)မီရက်စာ ဘုရားရှင်ကနိဗ္ဗာန်ရွှေမြို့တော်ယာ ဆင်ကိုထုပ်ဗာ(ဖ်)က လူ့ရက်အင် ကိုယ်စားပြုဟေ။”

“ပေါင်းဖင့်ရက်စာ အမီကလူရက်အိမ်သက်ဆိုင်ဟေကလူရက်အင် ကိုယ်စာပြုကို ပေါင်းဖင့်ယင် စုပ်တက်ကရန်သူစာ စာတန်မာရ်နတ်အင် ကိုယ်စားပြုဟေ။ဟန်ဟေကဂ(လ်) ကမ္ဘာကြီးကနောက် ဆုံးယာဆနပ်ကို ဟန်ဟေကလူဂ(လ်) ဘုရားရှင်က ဟမန်းဗြောင်ရက်အင် ကိုယ်စားပြုဟေ”။

ကမ္ဘာကြီးပြီးဆုံးကရပ် အမီကဟမန်းရက်အိမ်း သက်ဆိုင်ဟေက လူ့စုတ်ရက်အင် မက်တာဖြစ်မှကအတွက် တမန်တော်ရက်စာ ရနက်ကိုစုဆောင်းလင်ကဖြစ်ဟေ။ တမန်တော်ရက်စာ အမှာရက်အင် တဗျင်းကားဟေက ဗန်(ဖ်)ထဲယာ ဝေးကိုမလောက်နက်အန်က ဖြစ်ဟေ။ အမှာရက်စာ အဆာဗာ(ဖ်)ကမ်းပက်ကို ငိုကြွေးကို တဗျင်းဆိုးရွားဟေက ဒုက္ခဆင်းရဲယင် ခံစားလင်ပေါ်ကဖြစ်ဟေ။ ငါဒင်းယဲ့ ကိုယ်တော်ယေရူက နောက်လိုက်ရက်ဖြစ်ကို မှန်ကန်ဖြောင့်မတ်လူ့ရက်အင် အဗား(ဖ်)ဘုရားရှင်က နိဗ္ဗာန်ရွှေမြို့တော်ယာ စမိတ်တလေ အရောင်းပြုကိုငန်က” ငါ့ကို ငါ့နက်ကဟေ။

ကိုယ်တော်ယေရူစာ ကပ်ကမ္ဘာအဆုံးမီး ကမ္ဘာပေါ်ယာပြန်ကို ကြွယောယန်က ငါကိုယဲ့ ငါ့ပီဒက်ဟေ။အမှာစာ အမှာကပြုကလင်ကအတိုင်း ပြန်းဗန်ကဖြစ်ကို အတတ်ကဒေငါပေါ်ကနာ အမှာစာ ခန္တာကိုယ်အစစ်ဆူးယာလူကို ကောင်းဂါလက်အာက ဟင်းဂြပ်ဖုံးယာ ပြုယောယန်ကဖြစ်ဟေ။ ကိုယ်တော်ယေရူပြန်ကိုဖော်ယောယန်ကရပ် ဆီးကလင်နန်းဖြစ်ဟေက အမှာကနောက်လိုက်ရက်အ(လ်) ဆီးကမှပင်ပြန်ကို ရိပ်ယောယန်ကို အမှာအိမ်းနိဗ္ဗာန်ရွှေမြို့တော်ယာ လက်အန်ကဖြစ်ဟေ။

ကျီးကအိမ်း ကိုယ်တော်ယေရူက အဆက်ဆိမ်းတုံးကနောက်လိုက်ရက်အ(လ်) ကောင်းဂါလက်အာ ချေကလင်ကို ကိုယ်တော်ယေရူဆီးကမှပင် ပြန်ကိုရိပ်ယောယန်က အတပည့်ရက်အိမ်း လက်အန်ကဖြစ်ဟေ။ အိမ်မှာလူစုတ် ကိုယ်တော်ယေရူအိမ်း အိမ်မှနေရာယာ ငါတုံးလင်ကဖြစ်ကို အမှာကလူရက်အိမ်မက်တာ တုံးကိုငြိမ်းချမ်းမူရက်လူလင်ကဖြစ်ဟေ။

ကိုယ်တော်ယေရူစာ အမင်ယုံကြည်ကလူတိုင်းယင် ကတိဆူးယာအီလင်ကဟေ။ အမှာရက်စာ ဦဇားစုတ်ရက်ကအပေါ်ယာ ဘုရားရှင်အိမ်းမက်တာ အုပ်ချုပ်ကလင်ကဖြစ်ကို ပြီးပြည့်စုံဟေက ငြိမ်းချမ်းမူရက်အင်ယဲ့ လူလင်ကဖြစ်ဟေ။

ညီးငါဒင်းယဲ့ ဘုရားရှင်စာ ကိုယ်တော်ယေရူယင် အယုံကြည်ကလူတိုင်းယင် အပြစ်အီယန်က ဖြစ်ကို အမှာရက်အင် ငရဲထဲယာမလောက်နက်အန်က ဖြစ်ဟေ။အမှာရက်စာ အိမ်မှာနေရာ အဆာဗား(ဖ်)ကမ်းပက်ကို ငိုကြွေးတုံဇမ်း ဒုက္ခဆင်းရဲ ထာဝရခံစားကလင်ပေါ်ကဖြစ်ဟေ။ ဟက်တာယဲ့ငြိမ်းချမ်းက အငါကဗန်(ဖ်)ယဲ့ အမှာရက်အင် ထာဝရဟူ(ရ်)ဇိဉ်လင်ကဖြစ်ကို ကတုမ်ရက်အ(လ်) အမှာရက်အင် ထာဝရဆာကိုတုံးလင်ကဖြစ်ဟေ။

ကိုယ်တော်ယေရူပြန်ကိုကြွယောယန်ကရပ် စာတန်မာရ်နတ်အိမ်း နိူင်ငံတော်ယင် အပြီးပိုင် အစီးနက်အန်ကဖြစ်ဟေ။ အမှာစာ စာတန်မာရ်နတ်ယင် ငရဲတဟုန်းယာ မလောက်နက်အန်ကဖြစ်ကို ဘုရားရှင်ယင် အယုံကြည်ထမ်း စာတန်မာရ်နတ်ကအလိုယာယော့ဒက်က လူတိုင်းအိမ်းမက်တာ အိမ်မှနေရာ ထာဝရလောင်ကျွမ်းတုံးလင်ကဖြစ်ဟေ။

အာဒံအိမ်းဧဝရက်စာ ဘုရားရှင်ယင် လိုက်နာကအငါ့ထမ်း မှကမ္ဘာမြေယာအပြစ်ရက်အင် လာကိုင်းအကြောင်း ဘုရားရှင်စာ မှကမ္ဘာမြေယာကျိန်စာတိုက်ကို ဖျက်ဆီးကဇိဉ် ဆုံးဖြစ်နက်ကယဲ့ ဘုရားရှင်စာ ပြီးပြည့်စုံက ကမ္ဘာအနန်းဖန်တီးယန်ကဖြစ်ဟေ။

ကိုယ်တော်ယေရူအိမ်းအမှာက နောက်လိုက်ရက်စာ အိမ်မှာကမ္ဘာအနန်းယာ လင်ကိုတုံးယန်က ဖြစ်ကို ဦဇားစုတ်ရက်ကအပေါ်ယာ ထာဝရကြီးစိုးလင်ကဖြစ်ဟေ။အမှာစာ လူရက်က အမအိ(လ်)ရက်အင် ဖယ်ရှားအီကို ဟူးဝါယဲ့ဒုက္ခထုပ်ကို ဝမ်းနည်းတုံးက အငန်ပါ(လ်)က။အမှာရက်စာ ငိုကြွေးယန်ကအရိမ်ထမ်း အကျန်းမာက၊ဆီးဟေကရက်အ(လ်) ငန်ကအရ်ိမ်နန်း ။ကျီးကအိမ်း အိမ်မှာနေရာယာ ဆူးယဲ့ကအမီကဦဇားရက်ငန်ကအရိမ်းနန်း။ကိုယ်တော်ယေရူစာ အမှာက နိူင်ငံတော်ယင် တရားမျှတမနီး ငြိမ်းချမ်းမနီးအုပ်ချူပ်ကလင်ကို အမှာကလူရက်အိမ်း ထာဝရမက်တာတုံးယန်က ဖြစ်ဟေ။

မဿဲ ၂၄း၁၄; ၂၈း၁၈; ယောဟန် ၁၅း၂၀, ၁၆း၃၃; ဗျာဒိတ်ကျမ်း ၂း၁၀; မဿဲ ၁၃း၂၄-၃၀, ၃၆-၄၂; ကောရိန္သုဩဝါဒပဌမစောင် ၄း၁၃-၅း၁၁; ရှင်ယာကုပ်ဩဝါဒစာ ၁း၁၂; မဿဲ ၂၂း၁၃; ဗျာဒိတ်ကျမ်း ၂၀း၁၀, ၂၁း၁-၂၂း၂၁