11. Faasiga

Yalli lel amaa Fircawun Israa-eel xiyaw natsah yadawna ten xabo xinemko, umbuka Masri xiyaw kee bahayimko lab riish akko yagdafo kinam kaa asuuse. Fircawun tayim yoobbe hanik yaamano kee Yalla yaabbo xine.

Yalli lel inkoh kayyah yeemene marih riish akah raacisha arax abe. Umman dik lel muluu kin ciidotta dooreenih yarxadoona alle tine.

Yalli Israa-eel xiyawak amaa ciidottih biilo sinni carafak hayniyaako gabalaceenih amaa xazo soleenih muluxinnixe cagunko aben qichchachlih beetoona akah warishe. Amayim beeteenik sarrah lel Masriikohi muucuh yanqarraboona akah warishe.

Israa-eel xiyaw lel tamaa Yalli aboona akah ten yeemereekah aben. Barti abrhah lel Yalli muluu Masrille yadiyeedo umbuka riish yigdife.

Umbuka Israa-eel xiyaw sinni carafakke biilo lii yinin, amaymih lel Yalli amaa carwa xabeh akko tillaabe. Amadde tinem lel inkoh nagaadde raacen. Usun lel amaa ciidottih biilohi sabbatah nagaadde raacen.

Masri xiyaw laakin Yallah maamaninnooni, Yalli yerhxem lel maabinnooni. Amaymih Yalli ten carwa xabeh akko mitillaabinna. Yalli inkoh Masri xiyaw riish yigdife.

Masri xiyaw riishosh inkoh raben. Xabshedde yinetiih riishko aykee Fircawun riish fanah inkoh raben. Masrille mango mari xazan sabbatah inkoh weecen.

Amaa baradde lel, Fircawun Moosa kee Ahaaroonuh deecimeh: "Israa-eel xiyaw bishshitteenih kadookoh aduwanta!" akye. Masri xiyaw yakkeedo Israa-eel xiyaw akkanih yadawna akah warishen.

Quddus kin Kitaabhi zanta: Muuca 11:1-12:32