32. Yeesus yimjinnine xiyawto kee laxutte numa urusa

Wuli max, Yeesus kee kaa darasa amaa igilko jalbah amaa Geraasat mara akan xiyaw alle yinin manthqahalle taben.

Usun amaa igilko amaa carhalle taben gedda wuli yimjinnine xiyawti ardik Yeesusulle yemeete.

Ta xiyawti lel xayli sabbatah walaa inketti yazgiriretiya kii miyine. Xiyaw lakuk kee xaruu gantah katiinah akko yarhuyin hanik ummaan yattigirriceh adii yine.

Amaa xiyawti amaa wakalih qabuuradde maraa yine. Ta xiyawti muluu bar kee muluu lellec zeera yine. Usuk sara misarita, ishi nabse lel dhaytih ageereci yine.

Amaa xiyawti Yeesusulle yemeete gedda, gulubulle akkoobe. Yeesus lel amaa jinnettak: "Ta xiyawtooko akko ewec!" ake.

Amaa jinnetta le xiyawti wac-yerhxeyaako: "Nabamko naba Yallih Barha kin Yeesuso, ayim yodde farhaa tanito? Ku beezza yi maacazzabin" ake. Sarrah Yeesus amaa jinnettak: "Miyatto ku migac?" ake. Usuk lel: "manginomhi sabbatah yi migac Lejiyon kinni" ake. ('Lejiyon' wuli mango shiixaat kin Roomaati caskar hi migac kii yine".)

Amaa jinnetti Yeesus: "Ku beezza ta manthiqhaako akuulalle ni mirhirhiin!" yeenih kaa dhaacimen. Amaa wakalih koomalle taloole casama tine. Amaa junuun lel: "Amayidhdhah ta xasamadde ni dhirhii, ku beezza!" yeenih kaa dhaacimen. Yeesus: "Aduwanta!" ake.

Amaa junuun amaa xiyawtooko yewciinih amaa xasamadde sayen. Amaa xasama guballe xarhiteenih igilidde yixriqhin. Amaa xasama lel 2000 takkem kii tine.

Amaa xasamah zan abtam tekkem yublin gedda, katama fanah yerdiinih amaa Yeesus abeh yinem ummantiyah warishen. Xiyaw amaa katamaako yemeetiinih lel amaa junuun lii yine xiyawto yublin. Usuk sara hashshiiteh sik-yeh defeyaako saxxa le xiyawti abam abaa tine.

Amaa xiyaw mangum mashshiiteenih Yeesusuk, 'nokko aduu' aken. Amaa gedda Yeesus yadaw yeh jalbadde kore. Amaa junuun lii yine xiyawti lel kaalih yadaw kaa dhaacime.

Yeesus laakin: "Maale, anu, atu careh tedeyeyaako, Yalli koh abeh yanem kee aaginah kolle raxmateh yanem, ishi dik kee ishi kaxantoolitih warishsham kinni kok farham" ake.

Amaa gedda amaa xiyawti yedeeh amaa Yeesus akah abeh yinem inkoh ummantiyah warishe. Inkoh kaa zanta yoobbe mari lel magnum cibrah raben.

Yeesus amaa igilko amaa carhalle gaxe. Amakke gufek sarrah lel mango xiyaw yekettiniyaako kaa makareenih kaa yeytseqheeqhethin. Amaa mango xiyawhi addadd lel wuli lammankee taman iggidiya biilo zarta numa tine. Lii tine solaadi lel tee urusoona xakaayimille teylee, toomem kibah lee akah tur-huwem male.

Yeesus mango xiyaw uruseh yinem toobbeh tineh lel: "Yeesus sareena bisah dhag-ishemko anu gantah uro kiyom mudhdhug kinni!" teh texeesebe. Amaymih Yeesus caazaako temeeteh kaa sareena dhagte. Dhag-ishshe geddaakoh lel ama biili daw-yerhxe.

Akkanih lel Yeesus xayli akko yewcem yeerhege. Caazalle umfukun-yeh lel: "Miyatto kinni yi dhageti?" yeh essere. Amaa darasa lel: "Mango xiyaw ku codhdhoh ku makareenih ku dufuffuwaa yanin. Tayimhi fanadde: 'Miyatti yi dhage?' tah aaginah esserta?" aken.

Amaa numa mashshitteyaako qathqath-teh Yeesus gulubulle radde. Sarrah ayim abtem akah warishsheyaako urte. Yeesus: "Ku imaan kuuruseh yane. Salaamdde aduu" ake.

Quddus kin Kitaabhi zanta: Maatiyos 8:28-34; 9:20-22; Markos 5:1-20; 5:24b-34; Luukas 8:26-39; 8:42b-48