Gurbet (Vlach Romani): Biblijske priče za sve

Updated ? hours ago # views See on DCS

32. O Isus sastarol opsednutime manuše thaj e nasvale đuvlja

OBS Image

Jekh đive, o Isus taj lese učenikura nakhle čamcosa ano than kaj živina e Gerazencura.

OBS Image

Kana resle ki dujto strana taro jezero, manuš opsednutimo bengencar prastija nakaro Isus.

OBS Image

Kava manuš sasa gači zuralo kaj khoni naštine te anol le ko redo. E manuša phanglje lese pingre thaj lese vasta lancurencar, čak i len šajine te čhinol.

OBS Image

Gova manuš bešola paše limora ane gova than. Kava manuš bi dola vika celo đive thaj celo rat. Ni phirada šeja thaj stalno čhinola pe barencar.

OBS Image

Kana avilo gova manuš ko Isus, pelo ke pe koča angle leste. O Isus vačarda e bengese: "Iklji tar kava manuš!"

OBS Image

O opsednutimo manuš dija vika zurale: "So manđe mandar Isuse, Čhaveja e Devleso Najbareso? Moliv tut, ma mučima!" Tegani o Isus pučlja e benge: "Sar ćo alav?" Kava vačarda lese: "Mo alav si Legija, golese kaj sam but đene." (Legija si grupa tare nekolko milja vojnikura ani rimsko vojska.)

OBS Image

E benga molisade e Isuse: "Moli tut ma bičhal amen averthe tare kava than." A gothe paše sasa paše pherdo bale save hana ko brego. E benga molisade e Isuse: "Moli tut bičhal amen ane bale mesto gova!" O Isus vačarda: "Đan!"

OBS Image

E benga iklile andaro manuš thaj đele ane bale. E bale prastaje tari litica ano jezero thaj tasile. Sesa paše 2.000 bale ane gova krdo.

OBS Image

Kana e manuša save arakhlje e balen dikhlje so sasa, prastije ano foro thaj savorenđe vačarde so dikhlje so čerda o Isus. E manuša taro foro avile te dičhen e manuše savo sasa pherdo benga. Bešlo šukar, sasa urado šeja, thaj ponašisajlo sar normalno manuš.

OBS Image

E manuša but darajle i rodije o Isus te đal lendar. Gija o Isus uklilo ano čamco thaj spremisajlo te đal. O manuš savo sasa opsednutimo molisada e Isuse te đal pal leste.

OBS Image

A o Isus vačarda lese: "Na, mangav te ačhe čhere thaj te vačare će amalenđe thaj će familijaće so o Dol čerda tuče thaj sar vov arakhlja tut."

OBS Image

Gija o manuš đelo thaj vačarda savorenđe golestar so o Isus čerda lese. Savore save šunde so čerda lese o Isus sesa ano čudo.

OBS Image

O Isus irisajlo ki dujto strana e jezerosi. Kana reslo odori, but đene čidije pe paše leste thaj čičidijele. Ane gola but manuša sasa jekh romni savi dešuduj berš sasa nasvali taro thavdipe o rat. Dija sa pe pare ke doktora te sastaren la, a sasa lačhe po bilačhe.

OBS Image

Šunda kaj o Isus sastarol bute nasvalen manušen thaj mislisada: "Sigurno sem ako dolama pe Isusese šeja, ka avav i me sasti." Gija avili palo Isus thaj dolda pe ke lese šeja. Samo so dolda pe, o rat ačhilo.

OBS Image

O Isus odma osetisada sar zuralipe iklilo lestar. Irisajlo thaj pučlja: "Ko dolda ma?" E učenikura vačarde lese: "Gači manuša si paš tute thaj gurin pe an tute. A tu puče: 'Ko dolda ma?'"

OBS Image

I romni peli ke pe koča anglo Isus, tresisada thaj but darajli. Tegani vačarda e Isusese so čerda i kaj si akana sasti. O Isus vačarda lače: "Ći vera sastarda tut. Đa ano mir."

Biblisko paramič andaro: Lačho lafi taro Matej 8,28–34; 9,20–22; Lačho lafi taro Marko 5,1–20; 5,24b–34; Lačho lafi taro Luka 8,26–39; 8,42b–48