37. O Isus vazdol e Lazare tare mule

Jekh đive, e Isusese avilo haberi kaj o Lazar si but nasvalo. O Lazar thaj lese duj pheja, i Marija thaj i Marta, sesa but paše amala e Isusese. Kana o Isus šunda o haberi, vačarda: "Kava nasvalipe ni ka ačhol ano meripe nego ani slava e Devlese." O Isus but manglja pe amalen, a ađučarda te načhen vađi duj đive.

Kana nakhle duj đive, o Isus vačarda pe učenikurenđe: "Ka iri amen ani Judeja." E učenikura vačarde: "Ali Učitelju, ni nakhlo but sar odori manglje te mudaren tut!" O Isus vačarda lenđe: "Amaro amal o Lazar zasuta, ka đav te vazdav le."

E Isusese učenikura vačarde: "Rajo, ako o Lazar sovol, vov ka sastol." Tegani o Isus jasno vačarda lenđe: "O Lazar mulo. Šukar si kaj ni sema gothe, te bi tumen šaj verujina ane mande."

Kana o Isus reslo ane Lazareso bijando foro, o Lazar sasa mulo već štar đive. I Marta iklili anglo Isus thaj vačarda: "Rajo, te avesa gothe, mo phral ne bi merola. A me verujiv kaj o Dol ka dol tu sa so manđe Lestar."

O Isus vačarda: "Me sem o Uštipe (Uskrsnuće) thaj o Životo. Ko verujil ane mande, ka živil, pa iako merol. Svako ko verujil an mande nikad ni ka merol. Veruji li gova?" I Marta vačarda lese: "Va, Rajo! Verujiv kaj san tu o Mesija, Čhavo e Devleso."

Tegani thaj i Marija resli. Peli e Isusese angle čanga thaj vačarda: "Rajo, te avesa gothe, mo phral ne bi merola." O Isus pučlja: "Kaj čuten e Lazare?" Vačarde lese: "Ano limori. Av thaj dik." Tegani o Isus ruja.

O limori sasa pećina kaj sasa učhardi jekhe bare baresa. Kana reslo o Isus đi ko limori, vačarda lenđe: "Crden o bar." A i Marta vačarda: "Mulo si već štar đive. Ka khandol."

O Isus vačarda: "Ni li vačardem tuče kaj ka diče i slava e Devlesi ako veruji ande mande?" Tegani crdije o bar.

Tegani o Isus dikhlja ano nebo thaj vačarda: "Dade, hvala tuče so šune ma. Me đanav kaj tu uvek man šune, a kava vačarav zbog kala manuša so ačhen kate, te bi verujina kaj Tu bičhaldan ma." Tegani o Isus dija vika: "Lazare iklji!"

I o Lazar iklilo! Vađi sasa učhardo ane mulikane šeja. O Isus vačarda lenđe: "Pomožin lese te uljarol kala mulikane šeja taj crden lestar gova!" But Jevreja veruisade pale gova ano Isus so čerda kava čudo.

A e verska anglune e Jevrejenđe sesa ljubomorna pa čidijepe zajedno te vačaren sar te mudaren e Isuse thaj e Lazare.

Biblisko paramič andaro: Lačho lafi taro Jovan 11,1–46