46. O Pavle čerdol hrišćanino

O Savle si kova čhavo savo arakhlja e šeja kole manušenđe so mudarde e Stefane. Vov ni pačhaja ano Isus, golese but progonisada kolen save pačan. Đala taro čher ko čher ano Jerusalim te bi dolola e muršen thaj e đuvljen thaj čhudola len ano phanglipe. O anglunosvešteniko mukhlja e Savle te đal ano Damask te bi dolola e hrišćanuren thaj te irilen ano Jerusalim.

Dok o Savle sasa po drom zako Damask, zuralo svetlo taro nebo svetlisada paše leste, i vov pelo ki phuv. O Savle šunda nekas sar vačarol: "Savle! Savle! Sose progonima?" O Savle pučlja: "Ko san tu Rajo?" O Isus vačarda lese: "Me sem o Isus. Tu man progoni!"

Kana o Savle uštilo, naštine te dičhol. Lese amala ande le ando Damask. O Savle ni xalja ni pilja khanči trin đive.

Ano Damask sasa jekh učeniko leso alav sasa Ananija. O Dol vačarda lese: "Đa ano čher kaj si o Savle. Čhuv će vasta pe leste te bi šaj vov dičhola ponovo." A o Ananija vačarda: "Rajo, šundem kaj gova manuš gonil e vernikuren." O Dol vačarda lese: "Đa! Le odabirisadem te vačarol tare mo alav e Jevrejenđe, thaj e manušenđe tar aver narodura. Vov but ka trpil me alavese."

Gija o Ananija đelo ko Savle, čuta pe vasta pe leste, thaj vačarda: "O Isus, kova kas dikhljan ko drumo akari kana aviljan, bičhalda ma te šaj iriv ćo dičhipe thaj te ave pherdo Dux Sveti." O Savle odma lija te dičhol, a o Ananija krstisada le. O Savle xalja khanči thaj lesi zor irisajli.

O Savle odma lija te propovedil e Jevrejenđe ano Damask, vačarola: "O Isus si o Čhavo e Devleso!" E Jevreja sesa zadivime e manušesa savo manglja te mudarol e vernikuren akana pačal ano Isus! A o Savle vačarola e Jevrejenđe, kaj si o Isus o Mesija.

Pale but đive, e Jevreja čerde plan sar te mudaren e Savle. Bičhalde manušen te roden le ke forurenđe vudara te bi mudarena le. A o Savle šunda paš gova plan, thaj lese amala pomognisade lese te našol. Jekh rat mukhlje le tare duvara andi krošnja. Palo našipe e Savleso taro Damask, vov ni ačhilo te vačarol taro Isus.

O Savle đelo ano Jerusalim te aračhol pe e učenikurencar, a von darajle lestar. Tegani o pobožno kaso alav sasa Varnava inđarda e Savle ke apostolura, thaj vačarda lenđe sar o Savle bi darako vačarda ano Damask. Pale gova e učenikura prihvatisade e Savle.

Nesave vernikura save našle andaro Jerusalim kaj sesa progonime đele dur ano foro i Antiohija thaj vačarde taro Isus. Po but đene ani Antiohija ni sesa Jevreja, thaj, angluno drom, but đene lendar postanisade kola save verujin. O Varnava thaj o Savle đele odori te sikaven kalen neven vernikure po but taro Isus thaj zurade i kanđiri. Taj angleder ani Antiohija e vernikura ano Isus dobisade alav "Hrišćanura".

Jekh đive, dok e hrišćanura ani Antiohija postisade thaj molisade, o Dux Sveti vačarda lenđe: "Crden manđe e Varnava thaj e Savle te čeren buči zaki savi me akhardem len." Gija i kanđiri ani Antiohija molisajli e Varnavese thaj e Savlese thaj čute pe vasta pe lende. Gothar bičhalde len te vačaren o šukar lafi taro Isus ke but avera thana. O Varnava thaj o Savle sikade buten manušen tare but narodura, thaj but đene veruisade ano Isus.

Biblisko paramič andaro: Buča e Apostolurenđe 8,3; 9,1–31; 11,19–26; 13,1–3