Gurbet (Vlach Romani): Biblijske priče za sve

Updated ? hours ago # views See on DCS

42. O Isus irilpe ano nebo

OBS Image

Ko đive kana o Isus uštilo tare mule, duj lese učenikura sesa ano foro savo sasa paše. Dok phirde, vačarde maškare peste so sasa e Isusesa. Nadisajle kaj si vov o Mesija, a akana mudardo. Akana e romnja vačaren kaj si đuvdo. Ni đanglje so te pačan.

OBS Image

O Isus avilo paše lende thaj lija te phirol lencar, al von ni pinđarde le. Pučlja len sostar vačaren, thaj vačarde lese tare but šukar buča save sesa e Isusesa kala nesave đive save nakhle. Von mislisade kaj vačaren nesave manušesa savo avilo te dičhol o foro savo khančhi ni đanglja so sasa kala đive ano Jerusalim.

OBS Image

Tegani o Isus sikada len so vačarol o Lafi e Devleso taro Mesija. Anda len ani gođi so vačarde e prorokura, kaj vačarde kaj o Mesija mora te patil thaj ka avol mudardo, thaj kaj ka uštol o trito đive. Resle ando foro kaj manglje te aven kala duj đene, paše peli i rat.

OBS Image

Kala duj manuša akharde e Isuse te ačhol lencar, thaj vov ačhilo. Kana sesa spremna te xan večera, o Isus vazdija o mangro, zahvalisada e Devlese, thaj phaglja le. Tari jekh drom von pinđarde kaj si vov o Isus. Ali ane gova trenutko, o Isus hasajlo angle lenđe jakha.

OBS Image

Solduj manuša vačarde jekh averese: "Kava sasa o Isus! Golese amare ile phabile kana vačarda amenđe taro Lafi e Devleso!" Sigate đele ando Jerusalim. Kana resle, vačarde e učenikurenđe: "O Isus si đuvdo! Dikhljam le!"

OBS Image

Dok e učenikura vačarde maškar peste, o Isus tari jekh drom sasa ani soba thaj vačarda: "Mir tumencar!" E učenikura mislisade kaj dikhlje duxo, a o Isus vačarda: "Sose sen darade thaj sumnjin? Dičhen me vasta thaj me pingre. E duxuren naj telo sar man so isi." Te bi sikavol lenđe kaj naj dux, rodija hamase. Dijele kotor peče mačhe, thaj vov xalja.

OBS Image

O Isus vačarda: "Vačardem tumenđe da sa so pisil ano Lafi e Devleso ka ispunil pe." Tegani putarda lenđi gođi te šajine razumin o Lafi e Devleso. Vačarda: "Odavno sasa pisimo kaj o Mesija ka patil, ka merol, thaj ka uštol o trito đive."

OBS Image

"Gija vačarol o Lafi kaj mingre učenikura ka vačaren savorenđe te pokajin pe thaj te len o oproštenje pumare bezehenđe. Ka počnin taro Jerusalim, thaj ka đan ke sa e thana thaj ka vačaren e manušenđe. Tumen sen svedokura kalestar."

OBS Image

Ke gola saranda đive, o Isus iklilo pe učenikurenđe but droma. Jekh drom paše 500 đenenđe tari jekh drom! Dokažisada pe učenikurenđe ke but načinura kaj si vov đuvdo, thaj sikada len taro Carstvo e Devleso.

OBS Image

O Isus vačarda pe učenikurenđe: "Sa o vlast ko nebo thaj ki phuv dija pe manđe. Golese, đan, čeren učenikuren tare sa e narodura gija kaj krstin len ko alav e Dadese, e Čhavese, thaj e Duxo Svetoso, sikaven len te aven kola save ka šunen so me tumenđe vačardem. Den tumen gođi, me ka avav uvek tumencar."

OBS Image

Pale saranda đive so uštilo o Isus tare mule, vačarda pe učenikurenđe: "Ačhen ano Jerusalim dok mo Dad ni dol tumen o zuralipe tegani kana perol o Dux Sveti pe tumende." Tegani o Isus uštilo ano nebo, o oblako garada le tare lengo dičhipe. O Isus bešlo ki desno strana e Devlese te vladil pe sa.

Biblisko paramič andaro taro Matej 2 Lačho lafi 8,16–20; Lačho lafi taro Marko 16,12–20; Lačho lafi taro Luka 24,13–53; Lačho lafi taro Jovan 20,19–23; Buča e Apostolenđe 1,1–11