39. O Isus si osudimo

Kava sasa ani rat. E vojnikura inđarde e Isuse ano čher e anglunesveštenikoso te bi šaj o anglunesvešteniko pučola le. O Petar pratisada len odural. Kana e Isuse čute andre ano čher, o Petar ačhilo avral thaj tatilo paši jag.

Andre ano čher, e jevrejska anglune sudina e Isuse. Ande hohavne svedokuren te hohaven lestar. Al lengo hohaipe naj sasa isto, golese e jevrejska anglune naštine te dokažin kaj si o Isus bango kančhese. O Isus khanči ni vačarda.

Ko krajo, o anglunesvešteniko dikhlja e Isuse thaj vačarda: "Vačar amenđe, tu li san o Mesija, Čhavo e đuvde Devleso?"

O Isus vačarda: "Va, thaj ka dičhen ma sar bešav e Devlesa thaj avav tare nebesura." O Anglunesvešteniko pharada pe šeja ani holi thaj avere verskone anglunenđe vačarda: "Ni trubun amen svedokura! Šunden kaj vačarda kaj si e Devleso Čhavo. So si tumari presuda?"

E jevrejska anglune vačarde: "Vov zaslužil te merol!" Tegani e Isusese jakha phanglje, čhungarde le, čalade le thaj marde muj lesa.

Sar o Petar ađučarda anglo čher, jekh sluškinja dikhlja le taj vačarda lese: "Tu sana e Isusesa!" O Petar vačarda kaj ni pinđarol le. Pale gova, aver sluškinja gova isto vačarda, a o Petar vačarda kaj ni pinđarol le, vađi jekh drom. Posle e manuša vačarde: "Đana kaj sana e Isusesa, so duj đene sen tari Galileja."

O Petar lija te hal sovli, vačarola: "O Dol nek prokletil man ako pinđarav kale manuše!" Thaj tari jekh drom o bašno lija te đilabol, thaj o Isus irisajlo thaj dikhlja e Petre.

O Petar đelo thaj but ruja. Ane gova vreme o Juda, o izdajniko, dikhlja kaj e jevrejska anglune osudisade e Isuse ko meripe. O Juda pherdo tuga, crdija pe gothar, thaj mudarda pe.

Sabalje rano, e jevrejska anglune inđarde e Isuse ko Pilat, ko rimsko upravitelji. Nadisajle kaj o Pilat ka osudil e Isuse thaj ka vačarol te mudaren le. O Pilat pučlja e Isuse: "Tu li san o Caro e Jevrejengo?"

O Isus vačarda lese: "Korkoro tu vačardan gova, al mingro carstvo naj tar kaja phuv. Te avol gija, me sluga bi borinape manđe. Aviljem ki phuv te vačarav o čačipe e Devleso. Savore save manđen o čačipe, šunen ma." O Pilat pučlja: "So si čačipe?"

Palo vačaripe e Isusesa, o Pilat iklilo maškare but manuša thaj vačarda: "Me ni dikhav nisavo krivnja ane kava manuš." A e jevrejska anglune thaj but đene vačarde: "Razapnin le!" O Pilat vačarda: "Naj vov krivo." A von dije vika po zurale. Tegani o Pilat vačarda trito drom: "Naj vov krivo!"

O Pilat darajlo da kala but manuša ka bunin pe, thaj dija ke pe vojnikura te razapnin e Isuse. E rimska vojnikura šibisade e Isuse thaj čute lese carska šeja pe leste thaj kruna čerdi tare kare. Marde muj lesa thaj vačarde: "Dik, o caro e Jevrejengo!"

Biblisko paramič andaro: Lačho lafi taro Matej 26,57–27,26; Lačho lafi taro Marko 14,53–15,15; Lačho lafi taro Luka 22,54–23,25; Lačho lafi taro Jovan 18,12–19,16