Gurbet (Vlach Romani): Biblijske priče za sve

Updated ? hours ago # views See on DCS

47. O Pavle thaj o Sila ano Filipi

OBS Image

Dok o Savle putujisada andaro Rimsko Carstvo, lija te koristil po rimsko alav: "Pavle". Jekh đive, o Pavle thaj leso amal o Sila đele ano foro Filip te bi vačarena o šukar lafi taro Isus. Đele ko than paši len avral taro foro e manuša kaj čidije pe te molin pe. Gothe arakhlje jekha đuvlja lako alav si Lidija savi sasa trgovkinja. Voj manglja thaj klanjisajli e Devlese.

OBS Image

O Dol putarda e Lidijako ilo te pačal ano vačaripe taro Isus, pale gova voj thaj lači familija krstisajle. Voj dija vika e Pavle thaj e Sila te ačhen ane lako čher, thaj von ačhile ke late thaj ke lači familija.

OBS Image

O Pavle thaj i Sila but droma arakhlje pe manušencar ko than za molitvu. Svako đive dok phirde đi odori, jekh ropkinja savi sasa opsednutimi bengesa phirola pale lende. Prekal kava beng, voj dikhljarola e manušenđe i vačarola lenđe so ka avol lencar, but pare anola sa pe gospodarenđe sar dikhljarola.

OBS Image

I dok phirola, i ropkinja dola vika: "Kala manuša si sluga e Devlese Najbarese. Von vačaren tumenđe taro spasenje!" Voj čerda gači but droma da gova e Pavlese dosadisajlo.

OBS Image

Jekh đive, kana lija i ropkinja te dol vika, o Pavle irisajlo kare late i vačarda e bengese savo sasa ane late: "Ane Isuseso alav, iklji latar." O beng sigate ačhada la.

OBS Image

E manuša save sesa lače vlasnikura but holajle! Đanglje kaj, bize benga, i ropkinja naštine e manušenđe te dikhljarol so ka avol lencar. Gija e manuša ni počinena khanči lače vlasnikurenđe golese so voj naštine te vačarol so ka avol lencar.

OBS Image

Gijate e vlasnikura gole ropkinjaće inđarde e Pavle thaj e Sila ke rimska anglune, a von marde len thaj čute len ano phanglipe.

OBS Image

Čute e Pavle thaj e Sila ano naj arakhado phanglipe thaj phanglje lenđe pingre. A von, ani sred rat, đilabena đilja save slavina e Devle.

OBS Image

Tari jekh drom sasa baro potres! Sa e vudara ano phanglipe putajle thaj e lancura tare phangle manuša pele.

OBS Image

O tamničari savo arakhlja len đungajlo, kana dikhlja kaj sa e vudara taro phanglipe sesa putarde, darajlo! Mislisada kaj sa e phangle manuša našle, golese manglja te mudarol pe. (Đanglja kaj e rimska anglune ka mudaren le kaj mukhlja e phangle manušen te našen.) A o Pavle dikhlja gova thaj vačarda: "Ač! Ma te mudare tut, amen sam kate."

OBS Image

O tamničari sa izdraja dok avilo pašo Pavle thaj pašo Sila thaj pučlja: "So trubul te čerav te bi avava spasimo?" O Pavle vačarda lese: "Veruji ano Isus, ano Rajo, tu thaj ći familija ka aven spasime." Tegani o tamničari inđarda e Pavle thaj e Sila ane po čher thaj thoda lenđe rane. O Pavle vačarda o šukar lafi taro Isus savorenđe ane leso čher.

OBS Image

O tamničari thaj celo leso čher veruisade ano Isus thaj sesa krstime. Pale gova o tamničari dija e Pavle thaj e Sila te xan thaj katane sesa bahtale.

OBS Image

Aver đive e anglune e forose mukhlje e Pavle thaj e Sila taro phanglipe thaj manglje te đan taro foro o Filip. O Pavle thaj e Sila sesa ki Lidija thaj avera amala so sasa len thaj ačhade o foro. O šukar lafi taro Isus lija te širil pe, a i Kanđiri lija te barol.

OBS Image

O Pavle thaj avera hrišćanska anglune phirena ane but forura, vačarena thaj sikavena e manušen taro šukar lafi taro Isus. Gijate pisisade but lila te bi ohrabrina pe thaj te sikaven e vernikuren ane kanđira. Nesave tare gola lila si akana ani Biblija

Biblisko paramič andaro: Buča e Apostolurenđe 16,11–40