6. Keku kə Nyìngòŋ a Azìk

Kəlyɨŋ kətsen kə nzaʔə li mu Abàham ə dwìnə̀ li, Azìk ə̀ nto a wùlɨm, tìʔ ə wen tɨm viʔi la vəwenə djʉ̀ a əloʔ a ghə̀ nlùə̀ fa tsu, ə̀ làm wùwì à Azìk.

Vəwenə njə̀ʔə̀ li ə̀ jèʔ ə̀ djʉ̀ kwen a əloʔ a Abàham ə̀ nlùə̀ fa tsu ə kye vələ̀mə̀ və wen, Nyìngòŋ jèʔsə̀ vəwenə ə̀ djʉ̀ à Rèbekà. Ghə̀ ndìʔ wàyn ə̀ wàyn ə̀ lə̀mə̀ Abàham.

Rèbekà ə̀ mbyɨmə li ə lù ə kye viʔi kəbəŋ ə̀ wen ə djʉ̀ ə ndìʔ wenə̀ Azìk. Ghə̀ nvì kwen tà kwenə Azìk lam ə wen.

Abàham ə̀ ntsi li ə̀ kaʔ ə̀ pfɨ, Nyìngòŋ chòsə̀ məkàyn mə̀ vəwenə a Azìk. Nyìngòŋ ə̀ nkàynə̀ li la ngwàʔ ə̀ Abàham ə̀ lu lwin ə̀ mbyi, a lì tɛ̀ wì ə Azìk, Rèbekà, nko ə̀ bwi.

Azìk ə̀ njɨmə̀ li à Nyìngòŋ byì Rèbekà, Nyìngòŋ kye ghə̀ kiʔi vunə vənyìngòŋ. Vunə avyi nsonə tà a chi əbèm ə̀ Rèbekà ghə̀ bèm à Nyìngòŋ la à chòə̀ ghɔ̀ lɔ.

Nyìngòŋ shə̀ʔtə̀ à Rèbekà, “Ətɨm əbò a fʉ̀ fa vunə vyi vəbò a wù a bwi lì. Vəwenə a soyn ə soyn ə wuto kaʔsə ə shyèʔ à lə̀mə̀ wen ə chetə.”

Rèbekà ə̀ mbwì mbì ə wàyn ghə̀ bàŋə̀ bàŋə̀ nə̀ nyɨŋsə à wen ə wen. Və chʉ əzhiʔ ə wen nə̀ Esò. Əbam ə wen ə sə fʉ̀ mu ghə̀ ghaʔ li ətsɨŋ ə kə̀wu ə̀ Esò, və chʉ əzhiʔ ə wen nə̀ Yàkob.

Fətitì fa nwàʔlə̀ ə̀ Nyìngòŋ//: Jènesìs 24:1-25:26//