10. Ngəʔsə ə̀ Wum

Musìs wenə̀ Aròn ndjʉ̀ə̀ li a Ferò. Vəwenə gàʔ a wen, “Nyìngòŋ ə̀ Isrèl gàʔ, ‘Kye viʔi ə vwɔmə və djʉ̀!’” Ferò nchen li ə̀ bòŋsə̀ nè la vəwenə nshyèʔə̀ chò jì a vəwenə tə nshyèʔə̀!

Ferò faŋ ə̀ sə̀ chenə ta chenə, Nyìngòŋ tɨm ə ngəʔsə ə wum a Igyìb. Nyìngòŋ ə̀ tɨm ə ngəʔsə asèn ti jìʔ a Ferò nə̀ Igyìb noʔə̀ ətsèm la yì toə chòə̀ Ferò nə̀ vənyìngòŋ və Igyìb noʔə̀ vətsèm.

Nyìngòŋ ə̀ nkaʔsə li muʔu mə̀ Naìl a mənlyuŋ, tɛ̀ a li Ferò ə nko kye vunə Isrèl ə və djʉ̀.

Nyìngòŋ ə̀ ntɨm li ənsoyn və lwinsə Igyìb. Ferò ə̀ nsensə li Musìs la ghə̀ nè ənsoyn avyì və djʉ̀. Musìs ə nnèə̀ li ənsoyn avyi pfɨkə. Noʔə̀ əzhʉ əkɔ̀ Ferò bɛ̀ tosə ətyɨm ə wen ə̀ chen la kə vunə Isrèl djʉ̀.

Nyìngòŋ bɛ̀ tɨm mənjìnjì mə̀ lwinsə əshi. Ferò dzàŋ Musìs wenə̀ Aròn ə̀ gàʔ à vəwenə la sətsèn vəwenə dzɨ̀m mənjìnjì amyì yì a kye vunə Isrèl ə lù fa Igyìb. Musìs ə̀ njɨ̀mə̀ li, Nyìngòŋ lyìsə̀ mənjìnjì amyì fa Igyìb. Mə̀ mè tà mè Ferò bɛ̀ tosə ətyɨm ə wen ə̀ chen la kə vunə Isrèl ə djʉ̀.

Nyìngòŋ tsuʔ fa tsu ə̀ nè la nyamsə viʔi ə Igyìb sə kwaʔə ə̀ pfɨkə noʔə̀ sətsèm. Tɛ̀ a lì Ferò tosə ətyɨm ə wen tà tosə ə̀ chen la kə vunə Isrèl ə djʉ̀.

Nyìngòŋ gàʔ a Musìs la ghə̀ zòʔ kəbʉ́ a əkaŋ a əshɨ ə̀ Ferò. Ghə̀ zòʔ noʔə̀ əzhʉ əkɔ̀, məsò fʉ̀ tà a təwen ə viʔi Igyìb mə̀ ə ko fʉ̀ a təwen ə viʔi Isrèl bwen. Nyìngòŋ tosə ətyɨm ə Ferò tà tosə ghə̀ chen la kə vunə Isrèl ə djʉ̀.

Ə sə tsuʔ fa tsu Nyìngòŋ tɨm awoŋ ghə byɨfsə təsɨm ə̀ zhwilə viʔi a və mfʉ̀ə̀ a kəbəŋ. Ferò dzàŋ Musìs wenə̀ Aròn ə̀ gàʔ à vəwenə, “Mà ə nèə̀ li mbyɨ à ghə̀ŋ. Ghə̀ŋ djʉ̀.”Musìs mə̀ jɨ̀m, awoŋ ə kye ghə ko bɛ̀ shiə fa əkaŋ.

Ferò bɛ̀ kwitə ətyɨm ə wen ə̀ bɛ̀ chen la kə vunə Isrèl ə djʉ̀.

Nyìngòŋ mə̀ tɨm ə ngùməsə a Igyìb, sə vì ə̀ lò noʔə̀ əfo ətsèm a awoŋ ə nko byɨfsə.

Əchò fa tsu Nyìngòŋ nè əshi fen a məntsi ə̀ ntaʔ. əshi fen a jì a viʔi Igyìb ə nko zì və fʉ̀ a kəbəŋ, a lì əshi banə a əshi a vunə Isrèl ə ndìʔ tsu.

Tɛ̀ ngəʔ sensə àbʉ̀muʔ nko nnè Ferò kwitə ətyɨm ə wen ə̀ mòʔtə̀ vunə Isrèl avyi və djʉ̀ bwen. Andə Ferò nko kwitə li Nyìngòŋ wʉ la yì bɛ a tɨm ə ngəʔ mùʔ a ghə̀ a nè la Ferò kwitə ətyɨm ə wen.

Fətitì fa nwàʔlə̀ ə̀ Nyìngòŋ//: Eksedòs 5-10//