4. Ɖərreiđia eŋen iđi Rəmwa riđu Ibrayimga
Inṯəliaŋ nwain̄a eŋau iŋi ŋərrarređa alo, leđa lafo lwain̄a eləbate təŋ, na lafo ləɽwata ole gonto. Garno ṯa alonṯəcaice ləbate ŋen ŋarno Rəmwa rəlwaɽəṯalo, orn lënəŋulu ldərarreiđe ndǝɽo na ndabəđe irnuŋ.
Lënəŋulu lafo lëmina bəɽan, na lero lɽrǝmoṯwa ŋen iŋi Rəmwa rəɽwata. Nṯia lënəŋulu ṯaləbəđo eɽa gwalla gəđaŋṯa elo. Orn Rəmwa ndrəseici ŋen ṯa ndə lënǝŋulu ləbđia ŋəmëɽria ndəɽo ṯa aliđi ŋen ŋeicia, liđi aliđi ŋen ŋeicia ŋwain̄a đurri.
Nṯia Rəmwa ndrərriđi ole egen ṯaləɽwato ole ŋəɽwa ɽetəɽeteo na ndrəlalɽǝđi alo nano pređ. Irnuŋ igi lwonaṯa ṯa ləbəđa gafo gǝbërnia Babil, ŋen ŋanṯa ṯa, "đəređe nano."
Inṯəlia ndređa eređia ređ, Rəmwa ndralwaɽəṯi maje gəbërnia Ibraiym. Rəmwa ndrəmalwaɽəṯi ṯa," məño irnuŋ na eleđa leɽa gëləɽəŋa na ŋaɽe alo isi igiđi iŋaŋaici. Igiđi iŋabuŋṯi na iŋiđi agoɽra irnuŋ. Igiđi n̄iđi irəŋ gëləɽəŋa goɽra. Igiđ n̄abuŋṯi leđa ildi ləŋabuŋṯia na leđa ildi ləŋaboŋwa igiđi elaboŋwe. Leđa pređ lalo liđi alɽeṯe labuŋǝnṯu ŋen ŋanṯa ŋa."
Nṯia Ibrayim nəŋəđen̄iađëṯi Rəmwa eŋen. Naŋəme wasen gëləɽəŋu, Sarai, ləbaila ildi ləmađuɽəđinṯia pređ na laŋge ildi gerṯəlo na naŋəɽe alo Yəkanan isi Rəmwa raŋaicima.
ŋen Ibrayim gərmaṯo alo yə-kanan, Rəmwa ndrəmaiṯi ṯa," sëiđu alo pređ isi yaɽəđaṯaŋa eɽo. Igiđi eŋanace labate pređ ildi agəsecia na đələŋe đələɽəŋa garno đǝraṯe elaŋge." Nṯia Ibrayim naŋəfeṯe alo yakəl.
Eloman lənəŋ, Ibraiym ldopəđaiđe Malkisaḏaka, igi gəɽo kana I-rəmwa irri roɽra elaŋge pređ. Malkisaḏak nəŋbuŋṯi lbrayim na naŋaṯa," wande ṯa Rəmwa irri roɽrəṯu laŋge pređ irri rerəṯo elo na alo arabuŋṯi Ibraiym. Nṯia Ibraiyam naŋənace Malkisaḏak laŋge elaŋge ildi əllëɽəŋu lǝɽo ređ.
Inṯəlia nwaiña nəbəɽo, orn lbraiym na sarai məldin lero ləberṯia ŋere. Rəmwa ndrəlwaɽəṯi Ibraiyam na ndrəɽi ŋen təŋ ṯa giđi aŋerəṯe iđia gǝɽorra na đələŋe đəwaiña đarno ropa relo. Nṯia Ibraiyam nəŋëndi ŋen ŋ-Eləŋ Rəmwa. Rǝmwa ndraŋaiđi Ibrayim ṯa gënŋu gađurwaṯo eŋen ŋen ŋanṯa gënǝŋu gëndu ŋen ŋǝđǝgasa.
Nṯia Rəmwa ndriđi đərreiđia eŋen Ibrayimga, đərreiđia eŋen đaɽo đeɽəbəđia eŋen. Rəmwa ndrəmeiṯi ṯa," Igiđi eŋanaice ŋere egaŋəno yǝlëɽǝŋa. Igiđi enaice đələŋe đəlëɽəŋa alo yi-kanan," orn Ibraiym gafo gero gəbərṯa ŋere məldin.
Đumëđənia iđigiđia Ađam: Gəđətođalo 11-15