15. Đəgasa ŋen ŋalo

Frame 15-01

liga ldǝrǝmaṯe đege ildi ṯa leđa Lisrayil alënṯi alo yǝkanan alo isi Rǝmwa rëɽu. Jasua naŋəđwaṯe leđa ləɽijan ildi leŋaməɽa irənuŋ gǝkanan alo yəjariko isi yəfo yirǝmujǝnia nṯwana nonḏoṯo. Irənuŋ gakǝl wuji gafo gənəŋ gəɽo alain̄ gəbërnia Riab gënəŋu naŋobaje leđa leŋaməɽa na naŋəlamađaṯe ṯa aləmən̄e. Gënəŋu giđu ṯia ŋen ŋanṯa gëndu ŋen ŋə-Rəmwa. Lënəŋulu lëɽi ŋen ṯa liđ alɽrəmoṯe Riab na eɽa gəllaɽəŋu ndə leđa Lisrayil ləgera alo irənuŋ gə-Jariko.

Frame 15-02

Leđa Lisrayil luɽǝđi eđǝbarlda đurḏun ṯa alënṯi alo isi laɽənṯu.Rəmwa ndrǝlwaɽǝṯi Jasua ṯa,"aŋëfiđi leđa nën̄ua ildi ləɽo kanna."Ndə leđa ləkanna ləṯəmaiđo eđəparnda đurḏun,ŋawa naŋəđuri iŋi ŋəfo ŋiruwa ṯa leđa l-Israyil aləṯəbđe đǝbarndano ekəl yuđu.

Frame 15-03

Ndə leđa luɽǝđu eđəbarnda Đurḏun,Rəmwa ndraŋaici Jasua ŋen iŋi giđ aŋëndi irnuŋ gə-Jariko igi gerṯo ŋabəɽa ŋwain̄a. Orn leđa ldənaṯe Rəmwa ŋen ŋarno Rəmwa rəlwaɽəṯəlo ṯa aliđi,ṯrui na kanna nalaɽǝđaiđe irnuŋ elɽo gə-Jariko lomanto n̄oman đenəŋ nəŋəmən̄e lonto.

Frame 15-04

Orn en̄oman in̄i n̄ǝɽo đenəŋ nalo n̄ǝɽijan,leđa lǝ-Israyil laɽəđaṯe irnuŋ elɽo n̄oman đenəŋ nalo n̄əɽijan tǝŋ.ŋen lǝbaɽəđaṯa irnuŋ elɽo iliga lənḏurṯualo,ṯrui ṯađərǝjaico olia,na kana ṯaiyëri rəl.

Frame 15-05

Orn nṯua ini nađaiđo alo Yariya elɽo naliɽi! Orn leđa lisrayil ldəgere laŋge pređ lirnuŋ gakəl ŋen ŋarno Rəmwa rəlwaɽəṯəlo.Lënəŋulu ldəŋgiṯi Riab na eɽa gəlëɽəŋu, ildi ləɽo lonto leđala Lisrayil. Ndə leđa ləno ŋen ildi ləfo alo yirənuŋ gə-kanan ṯa leđa lisrayil lagero alo Yariya,lënəŋulu ldǝđin̄iṯi alo ṯa leđa lisrayil liđi alëndi com.

Frame 15-06

Rəmwa ndrəlwaɽəṯi leđa lisrayil alkanuniya ṯa alerṯe ləbǝđia đeɽəbəđia eŋen ŋǝđëuṯaralo leđala ləɽo nǝlǝŋ lalo e-Kanan.Orn elɽo lonto lǝleđa lə-Kanan,ildi lǝbërnia Gibonaiṯ,ldəgəbṯi Jasua alo ldəmeiṯi ṯa lënəŋulu laleđa nwaldaŋ gerṯa la-kanan. Lënəŋulu ndeɽəđe Jasua ṯa aleɽəbəđəlda eŋen ŋəđərreiđia ŋen ŋəđëuṯaralo. Josua na leđa Lisrayil lderṯe ləbeɽəđia Rəmwa ṯa leđa lə-Geboniṯ leṯo ŋga.Naṯia Jasua ldərreiđinda ŋen ŋəđëuṯaralo.

Frame 15-07

Orn leđa lisrayil lafo leicəno ndə ləfiđu ŋen ṯa leđa lə-Gaboniṯ lagəbəṯəlo alo,orn lënəŋulu ldərəmoṯe đərreiđia ŋen đəđëuṯa aralo iđi ləfo liđunda ŋen ŋanṯa ŋen ŋafo ŋagəsənu Rəmwa nën̄ua.Iliga lobəlano,Eləŋ gənəŋ gəleđa lalo yə-Kanan,ildi ləɽo Amoriṯ,naŋəne ṯa leđa lə-Gaboniṯ liđu đərreiđia ŋen đəđëuṯa aralo leđala Lisrayil,lënəŋulu ldərraiđi Ṯrui ləɽo ləbrano ṯa alëndi leđa lə-Gaboniṯ.Leđa lə-Gaboniṯ ldəđwaṯe olia đeɽəđiađa ṯa Jasua aŋəlaməđaṯe.

Frame 15-08

Nṯia Jasua naŋərreiđi Ṯrui đəleđa l-Israyil na ṯa lënəŋulu alernde uləŋgələŋ ṯa alɽrəmaṯe alo yəleđa lə-Gaboniṯ. Naṯia bǝrnia bǝrnia lënəŋulu ldirwi ṯuri ano đə-Amorit nalëndi .

Frame 15-09

Rəmwa ndrəbəđeiđi leđa l-Israyil eloman indei. Rënəŋu ndruđaiđi leđa l-Amoriṯ eŋoɽwa na narəđwaṯe ŋotəđa ŋoɽra ṯa aŋəɽin̄e leđa lwain̄a l-Amoriṯ.

Frame 15-10

Naṯia com Rəmwa ndriđi ađən̄ina ṯa ayəɽaŋe alo yonto elambal ŋenŋanṯa Israyil ayerṯe liga ləprano ṯa ayəđame leđa lamoriṯ tǝmtǝm.Eloman ildei,Israyil niyəđame ëpwa ŋenəŋa ŋə-Rəmwa.

Frame 15-11

Ndǝ Rəmwa rəđamo Ṯuri đakəl, leđa lwain̄a lǝmaṯan ləleđa lalo yə-kanan ldəraiđe ṯa alëndi Israyil.Nṯia Jasua na leđa lisrayil ldëndi na ldǝkere ŋen eŋen.

Frame 15-12

Ndə liga ləbɽo ləđəbwan̄əđia lǝŋgaṯo đǝge,Rəmwa ndrənaice iuwər pređ y-Israyil alo isi rënəŋu rəfo rəɽǝṯǝlu.Nṯia Rəmwa ndrənaice leđa lisrayil đëuṯa aralo erəɽe pređ eren.

Frame 15-13

ŋen Jasua gǝɽo uṯëɽi đǝge,gënəŋu naŋundəđəci leđa ləɽo pređ ildi l-Israyil.Orn Jasua naŋələŋəđaji leđa eŋen ṯa alëndi ŋen na ṯa aləđən̄ëđəṯi đərreiđia eŋen iđi Rəmwa riđu leđala l-Israyil nayien yə-Saiḏun. Leđa lǝɽi ŋen ṯa liđi aləfeṯe eđwonaṯa đə-Rəmwa na ṯa altateṯe alkanun isi rënəŋu rənaicəlo.

Đumëđəniya Egađam:Gə-Jasua1-24

open-licensed biblical content

Moro: Open Bible Stories

Source

15. Đəgasa ŋen ŋalo