5. Ɖəgasa ŋen ŋiđia
Nṯia Ibrayim naŋəme Ajra. Ajra naŋələŋe ŋere ŋəɽorra, na Ibrayim naŋəmënǝci ṯa Isamyil. Orn Sarai naŋgiace Ajra eŋen. Nda Ismayil gerəṯo nṯəlia ređ nalo niɽijin, Rəmwa ndrǝlwaɽəṯi Ibrayim təŋ.
Rəmwa ndraṯa, egaɽo Rəmwa roɽra. "Lagiđi alerṯe đərreiđia eŋen." Nṯia Ibraiym naŋëraṯe ndrianalo ldabate. Rəmwa ndrəiṯi Ibrayim com ṯa, "agiđi ŋaɽeṯe papa gəleđa lwaiña. Igiđi eŋanaice na leđa lëləɽəŋa alo yəkanan garno laŋge elden na igiđi eɽeṯe Rəmwa eren pəɽəbəte. Uɽëđi leđa lɽrrowa leɽa gǝlëɽəŋa."
Eloman lakəl Ibrayim nəŋuɽǝđi leđa lɽorra pređ leɽa gëləɽəŋu. Igiṯəliaŋ gomǝn gəbəɽo, ŋen Ibrayim gerṯo nṯǝlia ndređia ređ na sara gerṯo nṯǝlia ndređia đenəŋ nalo marldwan, Sara naŋələŋëṯi Ibrayim ŋere ŋəɽorra. Lënəŋulu ldënǝci ṯa Esag ŋen ŋarno Rəmwa rəlwaɽəṯəlo.
ŋen Esag gəɽo ummia gəta, Rəmwa ndrinḏeici Ibraiym eđwonaṯa đǝlëɽəŋu ndraṯa, " mamo Esag, iđiaŋgalo igi gǝɽo gonto, na ŋamaɽiñe ŋen ŋanṯa aŋəɽeṯe điɽəđənia đëləɽəñi." Təŋ Ibraiym naŋəđəñiađǝṯi Rəmwa eŋen na naŋətoɽəđaini ṯa aŋiđi iđia gëlǝɽǝŋu điɽəđənia .
ŋen Ibraiym na Esag ləbəṯa alo yəđiɽəđənia, Esag nəŋeɽəđe ṯa," papa, lagerṯo oṯe gəđiɽəđənia, orn lɽruma luŋga?" Ibraiym naŋəmuɽəbiṯi eŋen ṯa," Rəmwa riđi arndənaici lɽruma ləđiɽəđənia, iđia gələɽən̄i"
ŋen ɽrəmaṯo alo yəđiɽəđənia, Ibraiym nəŋgase iđia gëləɽəŋu Esag na nəŋəmandri ađuna eđəpe yəđiɽəđənia. Gënǝŋu gafo gwonaṯa gəɽin̄a iđia gǝlëɽǝŋu ŋen Rəmwa rəlwaɽəṯəma ṯa," đəruŋ, ŋerṯe agəɽin̄a umia! Đən̄iđi egaləŋeṯo ŋen ṯa agađǝn̄ian̄e ŋen ŋanṯa agero agərəmoṯwa iđia gëləɽəŋa gonto ŋen ŋanṯa n̄i."
Ibraiym naŋənwane ɽruma ləkasainǝma nḏǝɽe. Rəmwa raɽo ɽruma ṯa aŋəɽeṯe đəɽəđənia đesag. Nṯia Ibrayim naŋənaiđe ɽruma ləɽo điɽəđənia đəŋərađa nano.
Nṯia Rəmwa ndreiṯi Ibrayim ṯa, "ŋen ŋanṯa aganəŋa agëŋənṯu ŋen ṯa ŋan̄ənaice laŋge pređ, com iđia gëləɽəŋa, ləgakəsa ŋen ṯa iŋabuŋǝṯi. Ɖələŋe đəlëɽəŋa điđi ađwain̄əṯe đemən̄aṯo ropa relo. ŋen ŋanṯa agənaṯən̄e, leđa pređ ildi lǝfo alo liđi aləbuŋənṯi ŋen ŋanṯa ŋa,"
Đumëđənia eg-ađam gəđǝtwođalo: 16:22