12. Ađam gəđəmən̄a

Frame 12-01

Leđa lisrayil lafo laŋəra nano ṯa alṯađe alo yi-masr. Lënǝŋulu lero ləɽia ləbai đəge, na lënǝŋulu lafo lǝmǝn̄a alo isi Rəmwa rǝlwaɽəṯəlu! Nṯia leđa li-Masr lənaice leđa laŋge lisrayil ildi lënǝŋulu leɽəđəlo, lwandra lwain̄a iliano na gurus na laŋge ləmaṯan laŋǝra. Leđa lirənuŋ ləmaṯən lëndu ŋen ŋə-Rəmwa na ləmin̄e leđala lisrayil ŋen lënǝŋulu lǝṯađo alo yi-Masr.

Frame 12-02

Rəmwa ndrəlirldi đabađa đwəla đeđaŋəṯo elo đǝfo nëin̄ua đǝbaŋëiđia ëđǝn̄in, na uləŋgi nađəɽeṯe sia. Rəmwa rafo rafo leđala jaica jaica na ṯaŋǝlɽrǝmoṯo ŋen lënǝŋulu ləpərlda. ŋen pređ iŋi lënǝŋulu lǝbǝđia fǝŋuŋ ṯa aləmadadeṯe.

Frame 12-03

Iliga lətëfr, Fero na leđa ǝllëɽǝŋu ldriđi ŋəṯəɽa eŋen na ṯǝlwonaṯo ṯa leđa lisrayil alɽeṯe ləbai təŋ. Rəmwa ndriđi Fero gǝɽo ađǝna ŋen ŋanṯa leđa aləseici ŋen ṯa rënǝŋu raɽo đeṯəm, na raləŋeṯo, Yawe, fǝŋuŋ gerṯo ŋabəɽa ŋwain̄a ŋǝmən̄aṯo Fero na imwa yëlǝɽəŋu.

Frame 12-04

Nṯia Fero na ṯrui đëlǝɽəŋu ṯaldəldǝn̄o leđa lisrayil iđurṯu ŋen ŋanṯa alɽeṯe lǝbai elden təŋ. ŋen leđa lisrayil lǝseicu ṯrui đi-Masr đələməndeṯa nano, lënǝŋulu ləŋeṯe ŋen ṯa laɽǝđainu elɽo ṯurđa na đəmbrwa iđi đore. lënǝŋulu lafo lǝđǝñialo kain̄ na ṯalaro pəlelo, "ləgaṯǝđor alo i-Masr eđa? ləgabəlar alaiyer!"

Frame 12-05

Musa nəŋəlwaɽəṯi leđa lisrayil ṯa," n̄erṯe n̄ǝgəđən̄ialo! Rəmwa riđ arəndəbwən̄ëđiciđi đǝn̄iđi na arndëbǝri."Nṯia Rəmwa ndrəlwëɽəṯi Musa ṯa," ləwëɽəṯu leđa ṯa aləborgwađaṯe đəmbrwa nano đore."

Frame 12-06

Nṯia Rəmwa ndrəme đaba na ndrëɽi iligano eleđa lisrayil na li-Masr ŋenŋanṯa leđa li-Masr alerəṯe ləseica leđa lisrayil.

Frame 12-07

ŋen leđa lisrayil lǝseicu ṯa leđa li-Masr pređ laiyo, lënǝŋulu laŋënṯi ŋen ŋərəmwa na lëndi ŋen ṯa Musa gaɽo eđa igi gəɽwata ŋen iŋi ŋiđ aŋela.

Frame 12-08

Na leđa lisrayil lderlde eđəmbrwa ekǝl ywonḏəṯo ŋawa nǝŋiđi uṯa endǝrel pređ.

Frame 12-09

Nṯia Rəmwa ndrəŋgaici đaba elo na eđađ ŋen ŋanṯa leđa li-Masr aləseici leđa lisrayil ŋen ləmən̄ia Leđa li-Masr lëɽi ŋen ṯa alndəlalən̄e iđurṯu.

Frame 12-10

Nṯia lënǝŋulu ṯaɽəteṯo leđa alo lisrayil eđađ iđi đǝfo eđəmbrwa, orn Rəmwa ndriđi leđa li-Masr ṯa đu ađǝlǝsano na nǝŋiđi waŋge igi emǝrṯa gǝbǝrndeđa nŋëndi alo. Lënǝŋulu ɽraice olia,"Obǝđor! Rǝmwa rabwën̄ǝđijǝđia leđa lisrayil!"

Frame 12-11

ŋen leđa lisrayil luɽǝđaṯu nëṯǝndia gomǝn gǝđǝmbrwa, Rǝmwa ndreiṯi Musa ṯa aŋǝlađi rǝŋano tǝŋ. Liga gënǝŋu gǝŋënṯu ŋen đəge, ŋawa naŋǝlanḏaiđe ṯruiđa đi-Masr na nəŋoɽǝbaṯe ekǝlsoŋ. ŋawa ŋǝteđe ṯrui pređ đi-Masr.

Frame 12-12

ŋen leđa lisrayil lǝseicu ṯa leđa li-Masr pređ laiyo, lënǝŋulu laŋënṯi ŋen ŋərəmwa na lëndi ŋen ṯa Musa gaɽo eđa igi gəɽwata ŋen iŋi ŋiđ aŋela.

Frame 12-13

Leđa lisrayil com laŋəreṯe nano ŋen ŋanṯa Rəmwa rëbərilo eŋəbai! đǝñiđi lënǝŋulu lafo pipi ṯa alənanaice Rəmwa đamia. leđa lisrayil laləŋe ŋələŋa ŋwaiña ṯa aliđi đəŋəra nano iđauṯëralo eđen na ṯa alənanaice Rəmwa đamia ŋen ŋanṯa rənëŋu rëbərilo eleđa li-Masr.

Frame 12-14

Rəmwa ndrəlwaɽəṯi leđa lisrayil đwonḏǝṯađa ṯa aləŋaŋǝreṯe nano iliga lëmđia gəđaburənia nano inəṯəliaŋ pređ ṯaləldəŋađinu eŋen iŋi Rəmwa riṯəlo eleđa li-Masr na nəŋələmǝñi eŋəbai eŋen. Lënǝŋulu labəđia đəŋəranano eđen eđəɽña ɽruma,ildi lero amərdəđia nano na ləse aicǝbaga igi gero uđəɽiano.

đumëđənia ig-ađam : gə-đəmən̄a 12:33-15:21

open-licensed biblical content

Moro: Open Bible Stories

Source

12. Ađam gəđəmən̄a