44. ŋen Buṯrus na Yuanna leiđi eđa igi gətəməđeici leđa laŋge

Eloman lənəŋ, Buṯrus na Yuanna lafo labɽa alo egeɽe gə-Rəmwa. Ndə lɽrəmaṯo ig-ëur yal yakəl, lənëŋulu ldənwane maje igi gəfo gətəməđeiṯia algrus.

Buṯrus naŋəseici maje igi gəɽo ebəjo naŋaṯa,"Egero aləgurus ṯa eŋanaje. Orn igiđi eŋanaje waŋge igi egerəṯo. Igərəŋ gə-Yesu, tođo na ŋerənde!"

Na taltal, Rəmwa nareiđi maje igi guma, na gənəŋu naŋətođe ṯaŋerəndo na ṯaŋagaporṯo elo, na naŋənaje Rəmwa đamiya. ŋen naŋajibinṯi leđa egal yakəl.

Leđa nalela lwaiñia eɽo ŋen ŋanṯa aləseici maje igi gaiyiđinu. Buṯrus naŋəleiṯi ṯa,"Ñiagoɽəđaṯo elo eđa ŋen ŋanṯa maje igi gaiyiđinua? Ñiagero ñiagəŋəmeiđi ŋabɽaŋa eŋaiñ walla đəŋrađa eđaiñ, Orn ŋabɽaŋa na đowanaṯađa i-Yesu iđi đeiđi maje."

N̄iaganən̄iaŋ n̄iagaɽo leđa ildi ləlwaɽəṯu ṯrui đəroma ṯa ađəɽin̄e Yesu.N̄iagaɽin̄o iwëriđia gəđəməṯia,orn Rəmwa ratuđima eŋəɽain̄.Ndə n̄iagero n̄ialəŋeṯa ŋen iŋi n̄iagəfo n̄iagəbəđia,Rəmwa riđu ŋəmaɽria eŋalo ṯa arorənḏəjiace ŋen iŋi rënəŋu rəfo rəlwaɽo ṯa Masiya giđi aŋənaini ŋen ŋubwa na aŋaiye.Naṯia đin̄iđi,ṯađo ŋen ŋeicia na n̄oɽəbaṯe Rəmwa nano ŋenŋanṯa ŋeicia eŋalo ŋiđi aŋwasəni."

Nələŋ naliyayəkəl nafo naceiano eŋen iŋi Buṯrus na Yuanna ləɽwato.Na lǝnëŋulu naləgëndi na naləɽi egara. Orn leđa lwaiñia ləndi ŋen iŋi Buṯrus gërrəŋǝcailo, Na leđa lëndi ŋen ŋi-Yesu garno ëlf đenǝŋ(5,000).

Ilwaldɽiṯano gomən, nələŋ nəgana naləmamaṯe Buṯrus na Yuanna eləŋ nano kaləkana na leđa ləmaṯan enələŋ. Lanəŋulu naleɽəđe Buṯrus na Yuanna,"Ñiageiđi maje igi gəgəro aŋəno ŋabɽaŋa ŋəsëgi?"

Buṯrus naŋəluɽəbiṯi eŋen ṯa,"Maje igi gəndəđaṯrwa nëñua gëiđinu ŋabɽaŋa ŋi-Yesu Al-əmasiya. Ñiaganəñiaŋ ñiagəɽu Yesu nṯuɽi, orn Rəmwa narëmaduđi eŋəɽaiñ gəməṯo təŋ! ñiaganeiñiaŋ ñiaganeđəma, orn ŋen ŋero ñiagiđi ñaiyabərni ilda ŋabɽaŋa ŋi-Yesu!"

Nələŋe nəmajəma naloɽəđaṯe elo ŋen Buṯrus na Yuanna ləɽwata đawṯađaralo ŋen ŋanṯa lënəŋulu ləseicu ŋen ṯa majande ildi lero lələŋeṯa ŋen. Orn lënəŋulu nalalɽəŋəđeini eŋen ṯa majande ildi lafo lafo Yesuŋula. Iliga ləgərəñiaṯalo Buṯrus na Yuanna, lënəŋulu naləŋgiṯi naləbɽe.

Đumëđinia eg-ađam:G-Amal 3:1-4:22