22. ŋen ŋəđələŋənia đe-Yuanna
Iliga lëpənde, Rǝmwa raɽwatiṯu leđa ǝllëɽǝŋu malaiyekaya na inabiaya. Orn ndǝ nṯǝliaŋ nǝbəɽo ndređia eređia marldwan rënəŋu ndrerṯe raɽwata eŋen eŋen. Na taltal malaiyəka nəđela oliaga igi geṯo i-Rəmwa naŋeṯa alkana nano yoɽra yəbernia Sakariya. Sakariya na wasen gəlëɽəŋu, Ilisabađ, lənëŋulu laɽo leđa ɽ-Rəmwa, orn gënəŋu gafo gero gəɽəwađaṯa ṯa gəbərṯa n̄ere kwai kwai.
Məlaiyəka nḏǝmeiṯi ṯa, wasalo gəlaɽəŋa giđi aŋalǝŋǝṯi ŋere ŋəɽorra. Ñagiđi ñamënəci Yuanna. Gënəŋu giđi aŋunḏeini Usilga Gətəɽe, na giđi aŋəṯoɽaṯe leđa eŋen eŋen ŋal Masiya!" Sakariya naŋuɽəbace ŋen naŋaṯa, "wuji gəlëɽəñi na ñi ñagaɽo leđa loɽra ṯa ñerṯe ñere! Fəṯau igiđ eliŋeṯe ŋen iŋi ṯa ŋiđi aŋǝfeṯe?"
Mǝlaiyəka nḏǝmuɽǝbiṯi eŋen ṯa, "Rəmwa rađwaṯin̄i ṯa eŋanaice ŋen iŋi ŋəŋəra ŋəmaijən. Orn ŋen ŋanṯa agero agəbëndia ŋen ŋəlëɽən̄i, agiđi ŋǝbwain̄e ŋəma ŋen ŋere ŋəmulu ŋələŋəni." Na taltal, Sakariya naŋəbwain̄e ŋəma. Mǝlaiyəka nḏəmən̄e nḏəṯađe Sakariya . Nṯia đəge, Sakariya naŋoɽəbaṯe egeɽa na wasen gëlǝɽəŋu naŋonḏaice.
ŋen Ilisabađ gwonḏaico gerṯo nubwa đenǝŋ nǝŋǝmiñe gunto, taltal malaiyəka nḏəmən̄iṯi Ilisabađ igi gaɽo ŋəđuruba ŋə-Mariam. Gënəŋu gafo gaijəba eđa gəɽorra na gaməđaicənu emaje gëbərni Yusif. Malaiyəka ndəmaṯi ṯa, "agiđi ŋwonḏaice na ŋaləŋe ŋere. Na agiđi ŋamënəci Yesu. Gënəŋu giđi aŋəɽeṯe ŋere ŋə-Rəmwa irri roɽra rəmən̄aṯo laŋge pređ na gënəŋuŋ giđi aŋirndi ŋələŋe bəɽəbəte."
Mariam naŋuɽəbiṯi eŋen naŋaṯa, "ŋen iŋi ŋiđ aŋəfeṯe ṯau, igaijəba eđa gaɽorra kwai kwai?" Mǝlaiyəka nḏəmuɽəbiṯi eŋen ṯa, "Usila gatəɽe giđ aŋeṯa nano, na ŋabəɽa ŋərəmwa ŋiđi aŋǝtari. Nṯia ŋere ŋiđi aŋatəɽeṯe, ŋaɽo iđia gərǝmwa."Mariam naŋendi ŋen na naŋəŋənṯi ŋen iŋi mǝlaiyəka đəlwaɽəṯəma.
Na ŋen mǝlaiyəka đəlwaɽəṯo Mariam, gënəŋu naŋëɽi ŋen ŋanṯa aŋǝnwane Ilisabađ. Iliga ŋen ŋarno Alisǝbađ gəno đənna ëin̄ua, ŋere naŋaborṯe elo egare gəlëɽəŋuŋ. Liji lǝɽənda ldaməṯe nano loɽo eŋen iŋi Rəmwa riṯəlo. ŋen Mariam gəfəldaicu Alisabaṯ nəbwa niɽijin, oro Mariam naŋoɽəbaṯe egeɽa.
ŋen Alisabaṯ gələŋo ŋere ŋəɽorra đəge, Sakariya na Alisabaṯ ldəmënəci ṯa Yuanna, ŋen ŋarno Malaiyəka đəlwaɽəṯəlo. Rəmwa ndrəŋgiṯi Sakariya ṯa aŋəɽwate təŋ. Sakariya naŋaṯa, "Rəmwa arənaini đamia, ŋen ŋanṯa rënəŋu rəlëldəŋəđeino eleđa əllëɽəŋu! aganəŋa, agaɽo iđia gəllëɽən̄i, agiđi ŋënəjəni nabi yi-Rəmwa irri roɽra rəmən̄aṯo laŋge pređ irri riđi arërrəŋeici leđa ŋen ṯa lënəŋulu liđ aləme đəŋgađaica ŋen eŋen ŋeicia!"
Đumëđinia egađam Gə-Luka 1