27. Đumëđənia đeđa gəsamaria igi gəŋəra
Lomanəŋ, eđa gəbërrəŋiđia ŋen ŋal-ganun gal-Yauḏ geṯo ṯa aŋindaici Yesu, nəŋaṯa," eđa gəbërrəŋiđia ŋen, igëbəđia ṯau ṯa yerṯe đaməṯia đəbeɽəbəte?" Yesu nəŋəmiṯi ṯa," wandigi gəwërriđənu igal ganun yərəmwa?"
Eđa igi gəbərrəŋiđia ŋen nəŋaṯa ṯa al-ganun yərəmwa yaṯa ṯa," bwiṯu eləŋ Rəmwara rəlaɽəŋa arga, usilaga, ŋabəɽaŋa, ŋəṯəɽeŋa na ŋubwiṯi eđaga igi gaɽo euwər garno etam gəlaɽəŋa." Yesu nəŋəmiiṯi ṯa," ŋen ŋafo ŋope! Iđu ŋen iŋi na agiđi ŋǝmaṯe."
Orn eđa gəbërrəŋiđia ŋen gafo gwonaṯa geləŋeṯa ŋen ṯa gaɽe gafo ŋope, orn naŋeɽəđe ṯa," əsëgi gaɽo uwër yəlëɽəñi?"
Yesu nəmuɽəbiṯi eŋen ṯa," eđa gənəŋ gamiño alo Yursalim gonaṯa gabəṯa alo Yariya."
"Orn iliga gafo eđađ ndom nəməndi, nəmabaṯe laŋge pređ gənəŋu gerəṯəlo nəmëpwi nabəla nəməŋgiṯi gafo ŋəɽaiñ ṯwaiñ. Nṯia Nalabəla"
"Orn Kanna yənəŋ yafo yabəla eđađ đakəl. Na ndə yaseicu eđa igi gibəno, niyamiñ alo yarto niyabəla, ganeđo eđa igi gonaṯa gamađinia na gënǝŋu naŋǝtabe alo nǝwaldǝŋ na gabǝla."
"Na eđa gənəŋ gaɽo lawi nəŋəmiñe eđađ iđei com. (gənëŋu gaɽo al yawud). Nəŋarəmaṯe alo yakǝl naŋela ṯaŋəsëicu eđa orn nəŋəmiñe alo yarto com na gabəla."
"Orn eđa gomǝn tǝŋ gəsəmariyin gamǝño eđađ iđei. Nəŋəmiñe eđađ iđei com nəŋəfiđi eđa. Ndə gəsəicəma nəŋəmaɽəṯe ŋəbaiyaŋəno. Gënəŋu nəŋəmaɽe nano nəŋəmaicwađe ŋela ŋawa ŋinəb irëɽi."
" Na eđa igi galo yǝsamri ŋəkase maje ndrenana nəŋəmape ŋəɽiŋgiaŋa ŋəlëɽəŋu na labəṯa alo yal kurn ṯaŋəmarəmoṯo."
"Na ulaldiṯano, gënəŋu nəŋəme gurus yarno riyal nəŋənaice maji gerṯo alkurn naŋǝmaiṯi ṯa, rəmoṯo eđa igi na ndə gurus yaṯo yero yaɽəwađǝṯia elaŋge ildi agananaicəlo maji, igiđi eŋëɽijiṯia al gurus ndə igoɽəbəđo."'
Orn Yesu nəŋeɽəđe maji ṯa, "əsëgi eleđa ildi liɽijin gǝɽo ëuwer gamaji igi ndom nëndəma?" "Na maji nəŋaṯa fəmaji igi gagaiṯəma ŋəbaiya nano." "Yesu nəŋəmeiṯi ṯa mbu ŋiđi ṯia com."
Đumëđənia ig-ađam :Luka 10:25-37