26. ŋen Yesu gatođo ŋǝmaɽraŋa ŋǝlǝɽǝŋu
Iliga đǝđëđama đirndecia đǝsetan, Yesu nǝŋoɽǝbaṯe eŋǝma ŋusila getǝɽe irǝnuŋ gǝjalil irnuŋ igi gafuo. Alo isi gamǝjetau. Na Yesu gabəndǝicia alo pređ taŋariŋicu leđa ŋen. Na leđa pređ lǝɽwata eŋen ŋëlǝɽeŋu.
Yesu gabǝɽo irnuŋ gǝnasiraṯ alo isi gamǝcǝṯu ŋen gaɽo ŋere ŋǝta. Iloman lǝđǝmiñǝnano, gënǝŋu gënṯu alo eđǝbuŋṯia rǝmwa. nǝŋǝnëini ađam gǝnabi Isaiya ṯa aŋëgǝri. ndǝ gabǝlađo ađam ano nëgǝriṯi leđa alo isai.
Yesu neŋëgǝri ṯa, "usila gelǝŋ rǝmwa gafǝñi nano, ṯa yerrǝŋici leđa ŋen ŋaŋǝra ildi laɽo ŋǝbai aŋǝno, na ta elwaɽǝti leđa lëndǝnu ṯa liđ almiñǝni, na leđa laŋǝlisi ṯa liđ alǝseiđi. Ṯa emiñe leđa ano ildi lagiyǝnu, na ṯa elwaɽǝṯe leđa ṯa itlia gǝđaŋǝranano đǝrǝmwa geto."
Ndǝ Yesu geɽaŋalo. Na leđa pređ lafo lǝmǝsiecia ṯwaiñ. Na lǝlǝŋeto ṯa ŋen iŋi ganǝŋu gagǝri ŋafo ig-ađam iŋi gǝrǝmwa. Yesu naŋaṯa," ŋen iŋi ŋǝwërđǝnu egađam ŋaɽiñađeinia eñaŋ đeñiđi." Nǝṯia leđa pređ ldirǝwano." ldaṯa, gerṯa fiđia gǝyusǝf?
Orn yesu naŋaṯa, ŋen ŋafo đeṯam ṯa leđa laber lebaŋǝntia anbi irnuŋ gëlǝɽǝŋu. Iliga ildi nabi iliya, leđa lwaiña ildi ebaŋgenda laiyo. Orn iliga rǝmwa rero rađǝne nṯǝlia niɽijin na nubwa denǝŋ gonto, rǝmwa rero rođwaṯa iliya tu ṯa aŋamǝđaṯe wuji ŋenǝŋ igi ebaŋgenada laiyo alo Israil, Orn wuji igi ebaŋgen gaiyo eleđa lomen.
ŋen Yesu gǝɽwata məldin, " na iliga la-nabi ilisha, leđa lwaiña lisrail lerṯo ŋǝɽaiñ nano esǝđe esen. Orn ilisha gero gaiđia eđa gǝnǝŋ iŋulu. gënǝŋu gaiđi eđa igi gonto gǝbarnia Naman, elǝŋ goɽra igmëcu gisrail." Leđa ildi lafo lǝnna ŋen iŋi yesu gǝɽwata fǝŋulu ilawuḏ. Nṯia ŋen lǝnno ŋen gǝɽwata, Lënǝŋulu lǝđǝñiṯi alo kaiñ ŋen ŋanṯa ŋu.
Orn Yesu gabǝɽo alo irnuŋ gejalil, na leđa lwaiña leṯǝma nano. Lënǝŋulu larǝpo leđa luma, lajeba rǝmǝniñera na leđa ildi lero lǝseiđia, na lǝbǝrlda, na lǝnna walla lǝɽwata, na Yesu nëŋǝliđi pređ.
Leđa lwaiña lemǝminu Yesu nano ildi lerṯo nusila nano neicia. Yesu nǝŋǝlwaɽe naŋaṯa mǝiñor eleđa ildi, na lafo larǝcicia ole, "laṯa ṯa agaɽo iđia gǝrǝmwa!" Orn ŋen ŋafo ŋǝjebǝntu leđa na talǝnanaco rǝmwa dǝmia.
Orn Yesu nǝŋoṯe leđa ređ ildi lëmǝɽateṯa nǝŋǝlënci ṯa Talamis. Na lafo lǝbǝrlda Yesuŋǝla na lëlǝŋeṯe ŋen ŋǝlǝɽiŋu pređ.
Đumëđənia ig-ađam: maṯṯa 4:12-25; margus1:14-15, 35-39; 3:13-21; luka 4:14-30, 38-44