47. ŋen Bulus na Sila lǝfo alo yi-Filibi
Ndǝ Bulus gǝbǝɽo alo enǝlǝŋ ndroma, gënǝŋu naŋanǝjini irǝŋ gǝ-leđa ɽroma, " Bulus". Loman lǝnǝŋ, Bulus na đappa đëlǝɽǝŋu Sila labǝɽo irnuŋ g-Filibi ṯa alërrǝŋaiđi ŋen ŋǝmaijǝn iŋi ŋǝŋra ŋǝ-Yesu. Lënǝŋulu labǝɽo alo đǝbarlda nano alo isi leđa luwǝrarraiđia iđəṯurṯia Rǝmwa. Lënǝŋulu lobǝđiđo wuji-ŋala gǝbërnia Liḏiyaigi gafo gebirldiđicia leđa laŋge. Gënǝŋu gafo gubwa ŋenŋa ŋǝ-Rǝmwa na ṯaŋukwuđǝñiṯu alo
Rəmwa naragagiđi ara gə-Liḏiya ṯa aŋëndi ŋen ŋi-Yesu, na lǝnëŋulu lənaini Mamuḏiya leđala pređ legeɽa gǝlëɽǝŋu. Gënəŋu naŋeɽəđe Bulus na Sila ṯa alɽaŋe egeɽa gəlëɽəŋu, nṯia lënəŋulu ləɽaŋe ŋululda na leđala leɽa gëləɽəŋu.
Bulus na Sila lafo lorǝbǝđiđia ñoman pređ leđala alo isi yađǝturṯia Rǝmwa. Ñoman pređ ndǝ lënǝŋulu labǝrndeṯa alo isia, ŋere ŋǝɽo
ŋere iŋi ŋǝɽo ebai ṯǝŋarəjiaco ole ŋen lënǝŋulu lǝfo eđađ nǝŋaṯa, "leđa ildi lađuɽǝđinṯi Rəmwa irri roɽra ramiñaṯo laŋge pređ. Lënəŋulu lǝndërrǝŋaicia ŋen ŋǝđëbǝria!" ŋǝnëŋu ŋiđu ṯia ñoman ñwaiña nǝŋiđi Bulus geiciano.
Lomanǝŋ ŋere iŋi ŋǝɽo ebai ṯǝŋarǝjiaco ole, Bulus nǝŋəređe alo na nǝŋeiṯi usila geicia igi gafo eŋere ṯa, "Irəŋga gǝ-Yesu, məñəŋ eŋere. "Na taltal nusila neicia nəŋamiñe eŋere iliga ildǝi đurri.
Orn eđa igi gərǝmoṯwa narra nǝŋǝtwođe iŋuriđ, naŋaseici ëuwər igagiđənu pređ nǝŋgǝrđe kaiñ! nǝŋëɽi ŋen ṯa aŋgace leđa lobǝđo pređ ildi egarra, Nṯia naŋaṯa gaɽiñǝnia bǝɽan, (Gënəŋu galəŋeṯo ṯa nələŋe nə-Roma niđ anǝmaɽin̄e ndǝ gəŋgiṯu leđa ldobəđe.) Orn Bulus naŋəmanwane naŋəraice ole naŋaṯa, đ̱ru! "ŋerəṯe agasini aŋǝno. ñagëni ëli pređ."
Eđa gafo gənəŋ igi gǝɽo nda ikənisa iđi đǝpənde gəbernia Isṯəfanus. Gënəŋu gafo galəŋǝjeinu na gafo gwunḏəjeinu usilaga gətəɽe na đələŋeṯa ŋen nësi. Isṯəfanus giđu aŋwara ywaiña na isi iŋgiṯia leđa ṯa alëndi ŋen ŋə-Yesu.
Maje igi gəfo gənwanəđia egarra na eɽa gəlëɽəŋu lëndi ŋen ŋi-Yesu na lënəŋulu lənanini Mamuḏiya. Gënəŋu naŋənaje Bulus na Sila acəba lënəŋulu ləse na ləŋəreṯe nano ndǝɽo.
Eloman lomǝn nǝlǝŋ nirnuŋ gakǝl nalǝŋeṯe ŋen ṯa Bulus na Sila ildi lǝfo lëndënu lëleɽǝđe ṯa alǝŋgaṯe alo yǝ-filibi. Bulus na Sila lǝfiđiṯi liḏiya na rappa rëlǝɽǝŋu nṯia lënǝŋulu lǝŋgaṯe irnuŋ gakǝl. Nṯia ŋen ŋǝmaijǝn iŋi ŋǝ-yesu nǝŋǝlalǝđini ano, na kǝnisa ṯađemǝñađaṯo nëñua.
Bulus na nələŋe nǝŋəɽwa ŋəleđa ildi lëndu ŋen ŋal-Masiya lǝbɽe alo yirənuŋ gwaiña, ṯalɽwaɽiṯu leđa na ṯaldërrəŋaicu ŋen ŋəmaijǝn ŋi-Yesu. Lënəŋulu naləwërđi nabređa nwaiña ṯa aləbɽe leđa nano na aldërrǝŋaici ŋen ildi lëndu ŋen ŋi-Yesu ekal yəkəl. Nabređa nəmaṯan ini naɽo ađam gǝtəɽe.
Đumëđənia egađam: gəŋǝmaɽria ŋǝleđa ildi lǝđwainu 16:11-40