17. Ɖərreiđia eŋen iđi Rəmwa riđu Ḏauḏga

Frame 17-01

Saul gafo gaɽo eleŋ gananoŋ gǝ-leđa l-Israyil. Gënəŋu gafo gwalla na gaŋəra ŋaiyo,ŋen ŋarno leđa ləfo lwonaṯa. Saul gafo gaɽo eləŋ gəŋəra inṯəlia nǝtëfr nǝnëin̄ua ŋen gəbərndia leđa lalo y-Israyil. Orn gënəŋu naŋəɽeṯe eđa gëpia eŋen igi gero gəđən̄iađəṯa Rəmwa eŋen,nṯia Rəmwa ndrwoṯe eđa gǝrto igi giđi aŋəmaləđaiđe eŋǝlǝŋe ŋəllëɽəŋu.

Frame 17-02

Rəmwa ndrwoṯe maje gəta eleđa l-Israyil igi gəbërnia Ḏauḏ ṯa aŋəmaləđaiđe eŋələŋe ŋə-Saul. Ḏauḏ gafo gaɽo umia gǝrǝmoṯwa đwala irnuŋ gə-Biṯelam. ŋen gəfo gənwana yaŋala yeṯen, Ḏauḏ naŋəɽin̄e đəfi na ləmia ili ləfo ləbakëndia yaŋala. Ḏauḏ gafo gaɽo maje gəta eŋen na gǝṯrwëṯu eŋen igi gëndu ŋen ŋə-Rəmwa na gəđən̄iađəṯu eŋen.

Frame 17-03

Ḏauḏ naŋəɽeṯe eđa goɽra eŋen ŋəṯuri na gəbərndia leđa. ŋen Ḏauḏ gəfo gəɽo ëđəm,Gënəŋu ldəbwain̄əđe majaga goɽra igi gǝbërnia Juliyaḏ. Juliyaḏ gafo gaɽo ṯur iđi đərrəŋainu ŋopia na gafo gwonḏoṯo kain̄ na gafo gwala garno miṯr điɽijin! Orn Rəmwa ndramađaṯe Ḏauḏ ṯa aŋəɽin̄e Juliyaḏ ŋenŋanṯa aŋëbri leđa l-Israyil. Iliga ildei đəge,Ḏauḏ naŋəđame ŋabəɽa ŋəleđa ləɽo amëcu eleđa l-Israyi orn leđa ləmoɽre.

Frame 17-04

Saul naŋgaice leđa eŋen ŋen ŋanṯa đubwa eđen i-Ḏauḏ. Orn Saul naŋirənḏaici ŋen ŋiga ŋwain̄ia ṯa aŋəmaɽin̄e,orn Ḏauḏ naŋələbəjeinṯi Saul. Orn eloman lənəŋ,Saul ṯaŋgagondo Ḏauḏ ṯa aŋəmaɽin̄e. Saul naŋəbɽe elwandr ildi Ḏauḏ gəfo gubajinu,orn Saul naŋerṯe gəmafiđiṯa. Ḏauḏ gafo gafo Saul eđəɽe ṯwain̄ ṯa gəməɽin̄a, orn gënəŋu naŋerṯe gəməɽin̄a. Nṯia Ḏauḏ naŋəṯəbe erenia norəb gə-Saul ŋəməŋaici ṯa gënəŋu gaber giđ aŋəməɽin̄e ṯa aŋəɽeṯe eləŋ.

Frame 17-05

Nataltal,Saul naŋaiye iliga ləđbwain̄əđia, Orn Ḏauḏ naŋəɽeṯe eləŋ g-Israyil.Gënəŋu gafo gaɽo eləŋ gəŋəra na leđa lafo lubwamaiya. Rəmwa ndrəbuŋṯi Ḏauḏ na ṯaŋǝmǝn̄ađaṯo nëin̄ua eŋen pređ. Ḏauḏ gafo gabwain̄əđo đəbwain̄əđia đwain̄a na naŋəđame amëcu pređ gəleđa l-Israyil. Ḏauḏ naŋëndi alo y-Urəsalim na naŋiđi irənuŋ goɽra. Iliga ləŋələŋe ŋə-Ḏauḏ,Israyil naywonḏəṯe na nayerəṯe laŋge lwain̄ia.

Frame 17-06

̵Ḏauḏ gafo gwonaṯa ṯa aŋwađe eɽa gə-Rəmwa alo isi leđa pređ l-Israyil liđi ṯalukwuđən̄iṯo Rəmwa alo na ṯa alənaiđe điɽəđənia. Garno nṯəlia nəbəɽo ndređia eređia mardwan,Leđa lafo lukwuđən̄iṯia Rəmwa alo na ṯalnanaico điɽəđənia iŋutu ŋalo ŋəđərraiđia iŋi Musa gəfo gwađəlo.

Frame 17-07

Orn Rəmwa ndrəđwaṯe nəbi Nađan Ḏauḏ nano oliaga igi ,ŋen ŋanṯa aganəŋa agaɽo eđa gǝbwain̄əđiya,agaber agiđi ŋwađe eɽe gə-Rəmwa,Iđia gəlaɽəŋa giđi aŋwađe. Orn,igiđi iŋabuŋṯi ŋenəŋa ŋoɽra kain̄. Orn eđa gənəŋ eleđa ləbapanda giđi aŋirəndi ŋələŋe bəɽəbəte!" Orn eđa gənəŋe ebapanda lə-Ḏauḏ liđi alirəndiđi ŋələŋe bəɽəbəte fəŋu Mesiya. Rəmwa rafo roṯo Mesiya ṯa aŋëbri leđa lalo eŋen ŋeicia eŋen .

Frame 17-08

Ndə Ḏauḏ gəno ole igi,gënəŋu naŋərṯi Rəmwa nano na naŋoɽre ŋen ŋanṯa đəkasaiđa ŋen ŋoɽra ŋəđame na ŋəđabuŋəṯia eŋen ŋə-Ḏauḏ. Ḏauḏ gero gələŋeṯa fəndoŋəɽa Rəmwa riđi ariđi ŋen iŋi. Orn ndə ŋiđənu,leđa l-Israyil liđi alṯaṯurṯi liga lwalano kain̄ ŋen Aləmasiya gəmulu geṯo,garno nṯəlia ëləf.

Frame 17-09

Ḏauḏ naŋirəndi leđa đəđərwëṯađa na đwonaṯađa nṯəlia nwain̄a, orn Rəmwa ndrəmabuŋṯi. Garno ŋenṯia, eđəməṯia đəlaɽəŋu gënəŋu naŋiđi ŋen ŋeicia kain̄ ŋəgeiya Rəmwa.

Frame 17-10

Eloman lənəŋ,ŋen ṯuri đə-Ḏauḏ đəfo đəbɽo alo yəđəban̄əđia,ganəŋu naŋənwanəđaeđe ndëur egeɽe gəlaɽiŋu naŋənwane wuji gəŋəra ŋaiyo gwësinia.Ganəŋu gafo gabarənia Bađəseba.

Frame 17-11

Gabanṯəṯa aŋerəṯe gənwana,Ḏauḏ naŋəđwaṯe eđa gənəŋ iŋulu ṯa aŋəmamaməṯia wuji.Naŋəmayəntre na naŋəmađowaṯe egeɽa.Iliga lobəlano Beđseba naŋəḏwađiṯi Ḏauḏ ole ṯa ganəŋu gonṯaco.

Frame 17-12

Ebaŋgen gə-Bađseba,maje igi ganəjinu ṯa Uria,gënəŋu gafo gaɽo ṯur đəŋəra kain̄ đə-Ḏauḏ.Orn Ḏauḏ naŋundəđia Uria nḏǝbwain̄əđia ṯa aŋəɽe aŋǝɽaŋe wasenga gəlaɽəŋu.Orn Uria naŋəneđe ṯa goɽəbaṯa neɽe ŋen ŋanṯa Ṯuri đəmaṯan đəfo eđəbwain̄əđia. Nṯia Ḏauḏ naŋoɽəbaice Uria alo eđəbwain̄əđia na gënəŋu naŋəlwaɽəṯi eđa igi gëndu ṯuri ṯa aŋəmëɽi alo isi leđa lwain̄iađaṯau ildi lamëcu ṯa aŋəɽin̄ini.

Frame 17-13

ŋen Uria gəɽin̄inu đəge , Ḏauḏ naŋəme Bađseba. Nṯia gënəŋu naŋələŋe ŋere ŋəḏauḏ. Rəmwa rafo raceiṯu ŋenano iŋi Ḏauḏ giđu, nṯia rënəŋu ndrəđwaṯe nəbi Nađan ṯa aŋəlwaɽəṯi Ḏauḏ eŋen ŋeicia iŋi gënəŋu giđu. Nṯia Ḏauḏ nəŋoɽəbaṯe Rəmwa nano na Rəmwa ndrəmaŋgəđeici ŋen ŋəlëɽəŋu iŋi ŋeicia. Eđəməṯia đəlëɽəŋu, Ḏauḏ naŋəđən̄iađəṯi Rəmwa eŋen, iliga ləŋen ŋubwa com.

Frame 17-14

Orn ŋen ŋarno đakəmia eŋen ŋeicia ŋə-Ḏauḏ, iđia gəlëɽəŋu gəɽo ummia naŋaiye. Đəbwain̄əđia nađəfeṯe eleđa leɽia gə-Ḏauḏ, na ŋabəɽa ŋə-Ḏauḏ naŋəɽeṯe ŋofano. Nṯia Ḏauḏ gafo gađən̄əđaṯo Rəmwa eŋen, Rəmwa ndrəđən̄ađaṯi ŋen eŋen iŋi rəkaso. Nṯia, Ḏauḏ na Bađəseba lerṯe ŋere, na ləmanicia ṯa Siliman

Đumëđinia egađam:1 Samuel 10;15-19;24-31;2 Samuel 5;7;11-12

open-licensed biblical content

Moro: Open Bible Stories

Source

17. Ɖərreiđia eŋen iđi Rəmwa riđu Ḏauḏga