Vlach Western Arli: Open Bible Stories

Updated ? hours ago # views See on DCS

7. O Devel blagoslovini e Jakove

Frame 07-01

Sar o čhave ine barjona, o Jakov volinđa te ačhol čhere, a o Isav volinđa te lovini. I Reveka više volinđa e Jakove, a o Isak više volinđa e Isave.

Frame 07-02

Jekh dive, sar o Isav ine irini pe taro lov, inele but bokhalo. O Isav phenđa e Jakovese: "Molinava tut, de man nešto te xav adalestar so ćeravđan." O Jakov phenđa: "Prvo tu maje de o pravo savo preperela e najphuredere čhavese." I ađahar o Isav dinđa e Jakovese po pravo savo inole sar najphuredere čhave. Tegani o Jakov dinđa le te xal.

Frame 07-03

O Isak manglja te del po blagoslov e Isavese. Ali, angleder so te ćerel adava, i Reveka hem o Jakov prevarinđe le ađahar so o Jakov ćerđa pe dai o Isav. O Isak inele but purano hem našti ine više te dikhel. Adalese o Jakov hurđa pe e Isavesere šeja hem čhivđafse ko vasta hem ki men buznjane bala.

Frame 07-04

O Jakov alo koro Isak hem phenđa lese: "Me injum o Isav. Aljum te blagoslovine man." Ked o Isak osetinđa o buznjane bala hem mirišinđa o šeja, mislinđa dai adava o Isav hem blagoslovinđa le.

Frame 07-05

O Isav but xoljanđa upro Jakov, adalese so čorđa lesoro pravo, savo inole sar najphuredere čhave, hem lesoro blagoslov. Adalese manglja te mudari e Jakove ked ka merel lengoro dad.

Frame 07-06

A i Reveka šunđa adava so o Isav mangela te ćerel, i adalese oj hem o Isak bičhalđe e Jakove ki durutni phuv, te džal te živini lakere jerjeja.

Frame 07-07

O Jakov živinđa e Revekakere jerjeja but berša. Sar ine živinđa adari, ženinđa pe i inole dešuduj čhave hem jekh čhaj. O Devel ćerđa le te ovel but barvalo.

Frame 07-08

Palo biš berš so živinđa dur pe čherestar savoi ano Hanaan, o Jakov irinđa pe adari pe porodicaja, pe slugencar hem sa pe stadoja.

Frame 07-09

O Jakov but darandilo, adalese so mislinđa da o Isav pana mangela te mudari le. Adalese bičhalđa e Isavese bute životinjen sar daro. O sluga kova anđa e životinjen phenđa e Isavese: "To sluga, o Jakov, dela tut akale životinjen. Pana xari, i ov ka resel."

Frame 07-10

A o Isav već oprostinđa e Jakovese, i ađahar soduj đene inele radosna so šaj ine palem te dikhen pe. Palo adava, o Jakov mirno živinđa ano Hanaan. Tegani o Isak mulo, a o Jakov hem o Isav parunde le. E savezesere obećanja save o Devel obećinđa e Avraamese akana nakhle e Isakestar upro Jakov.

E biblijakiri paramiz taro 1. lil e Mojsijasoro 25,27–33,20