11. Pasha

O Devel upozorinđa e faraone da ka mudari e najphuredere murše oti đijekh porodica e Egipćanengiri hem e prvone murše oto sa lengere životinje. O faraon šunđa adava, ali na manglja te verujini hem te šunel e Devle.

E Devle inele način sar te spasini e najphuredere čhaven okolengeren kola verujinđe ano leste. Đijekh porodica valjanđa te birini najšukare bakrore hem te čhinel le.

O Devel phenđa e Izraelconenđe e bakroresere rateja te makhen o krajevija pumare čheresere udarestar, te peken o mas hem sigate te xan le mareja savo inele ćerdo bizo kvasco. Phenđa lenđe da, palo adava so ka xan, te oven spremna te ikljoven taro Egipat.

O Izraelci ćerđe sa sar so phenđa lenđe o Devel te ćeren. Ki ekvaš i rat, o Devel nakhino maškaro Egipat hem mudarđa đijekhe najphuredere čhave.

Sa o čhera e Izraelconengere inele makhle rateja ko krajevija e udarengere, i o Devel nakhavđa adala čhera. Sare so inele ano čher inele ko sigurno, spasime zbog e bakroresoro rat.

O Egipćanja na verujinđe e Devlese hem adalese na šunđe lesere naredbe. Adalese o Devel na nakhavđa lengere čhera. Mudarđa sa e Egipćanengere najphuredere čhaven.

Sa e Egipćanengere najphuredera murša inele mule, taro najphureder čhavo e zatvorenikosoro đi o najphureder čhavo e faraonesoro. But manuša ano Egipat runđe hem tugujinđe.

Ani isto rat, o faraon vičinđa e Mojsija hem e Arone hem phenđa lenđe: "Sig legaren e Izraelconen taro Egipat!" O Egipćanja da terinđe e Izraelconen po sig te džan taro Egipat.

E biblijakiri paramiz taro 2. lil e Mojsijasoro 11,1–12,32