Vlach Western Arli: Open Bible Stories

Updated ? hours ago # views See on DCS

24. O Jovan krstini e Isuse

Frame 24-01

O Jovan, o čhavo e Zaharijasoro hem e Jelisavetakoro, barilo hem ulo proroko. Živinđa ani pustinja, xala ine avđin hem skakavconen, hem akhari ine šeja ćerde e kamilakere balendar.

Frame 24-02

But manuša džana ine ki pustinja te šunen e Jovane. Ov propovedini lenđe ine vaćerindoj: "Pokajinen tumen zako tumare greja, adalese soi o carstvo e Devlesoro paše!"

Frame 24-03

Ked šunđe o manuša e Jovanesoro lafi, but đene olendar pokajinđe pe zako pumare greja, a o Jovan krstinđa len. Ale da but vođe e verakere te krstini len o Jovan, ali on na pokajinđe pe ni na priznajinđe pumare greja.

Frame 24-04

O Jovan phenđa e verakere vođenđe: "Tumen injen sar o otrovna sapa! Pokajinen tumen hem promeninen tumaro ponašiba. Đijekh kaš savo na anela šukar bijandipe ka čhinel pe hem ka frdel pe ani jag." O Jovan ćerđa adava so phenđa o proroko: "Ače, bičhalava me glasniko angla tute, kova ka phravel će o drom."

Frame 24-05

Nesave Jevreja pučle e Jovane nane li ov o Mesija. O Jovan phenđa lenđe: "Me na injum o Mesija, ali neko avela pala mande. Ovi edobor baro da me na injum dostojno ni lesere sandale te phravav.

Frame 24-06

Aver dive, o Isus alo te krstini le o Jovan. Ked dikhlja le o Jovan, phenđa: "Dikhen! Ače o Bakroro e Devlesoro kova legari o greja akale phuvjakere manušengere."

Frame 24-07

O Jovan phenđa e Isusese: "Na injum dostojno te krstinav tut. Tu valjani man te krstine." Ali o Isus phenđa lese: "Valjani te krstine man, adalese soi adava ispravno te ćerel pe." I ađahar, o Jovan krstinđa le, iako o Isus niked na grešinđa.

Frame 24-08

Ked o Isus iklilo taro pani palo adava so inele krstime, o Duho e Devlesoro mothovđa pe ano oblik e golubesoro, hulilo hem ačhilo upro leste. Ko isto vreme, taro nebo šundilo e Devlesoro glaso: "Tu injan mlo Čhavo. Tut me mangava hem tuja injum but zadovoljno."

Frame 24-09

O Devel angleder adalestar phenđa e Jovanese: "O Duh Sveti ka huljel hem ka ačhol upra nekaste kas ka krstine. Adavai manuš o Čhavo e Devlesoro." O Develi jekh. Ali, ked o Jovan krstinđa e Isuse, šunđa o vaćeriba e Devlesoro e Dadesoro, dikhlja e Devle e Čhave, e Isuse, hem dikhlja e Svetone Duho.

E biblijakiri paramiz taro Matej 3; Marko 1,9–11; Luka 3,1–23