Vlach Western Arli: Open Bible Stories

Updated ? hours ago # views See on DCS

31. O Isus phirela upro pani

Frame 31-01

Palo adava, o Isus phenđa ple učenikonenđe te đerdinen ano čamco hem te džan ki aver strana e jezerosiri, dok ov vaćeri e narodose te džanfse čhere. Ked bičhalđa e narodo čhere, uklinđa ki planina te molini pe. O Isus adari inele korkoro, a molinđa pe đi ki ekvaš i rat.

Frame 31-02

Ko adava vreme, o učenici veslinđe ano čamco, ali đi ki ekvaš i rat resle đi ko ekvaš o jezero. But ine lenđe pharo te veslinen adalese so phudinđa i barval premalo lende.

Frame 31-03

Ked o Isus završinđa i molitva, dželo koro učenici. Phirđa upro pani prekalo jezero nakoro lengoro čamco!

Frame 31-04

O učenici but darandile ked dikhlje e Isuse, adalese so mislinđe da dikhena duho. O Isus džanđa da darana, i vičinđa len hem phenđa: "Ma daran. Me injum!"

Frame 31-05

Tegani o Petar phenđa e Isusese: "Gospode, te injan tu, naredin maje te avav kora tute upro pani." O Isus phenđa e Petrese: "Ava!"

Frame 31-06

I ađahar o Petar iklilo taro čamco hem lelja te phirel upro pani nakoro Isus. Ali, palo adava so xari phirđa upro pani, irinđa plo dikhiba e Isusestar hem lelja te dikhel o talasija hem te osetini zorali barval.

Frame 31-07

Tegani o Petar darandilo hem lelja te tasljol ano pani. Vičinđa: "Gospode, spasin man!" O Isus odmah telilo hem dolinđa le. Tegani phenđa e Petrese: "Tikora verakere manušeja, sose sumnjinđan?"

Frame 31-08

Ked o Petar hem o Isus đerdinđe ano čamco, i barval odmah ačhili hem o pani smirinđa pe. O učenici inele zadivime, pele ko kočija anglo Isus hem vaćerđe lese: "Čače, tu injan o Čhavo e Devlesoro."

E biblijakiri paramiz taro Matej 14,22–33; Marko 6,45–52; Jovan 6,16–21