Vlach Western Arli: Open Bible Stories

Updated ? hours ago # views See on DCS

8. O Devel spasini e Josife hem lesere porodica

Frame 08-01

Palo but berša, ked o Jakov inele purano, bičhalđa pe najvolime čhave, e Josife, te proverini sari lesere phralja kola arakhena ine e stado ko polje.

Frame 08-02

E Josife lesere phralja mrzinde adalese so lengoro dad ole najviše volinđa hem adalese so o Josif dikhlja sune da ov ka ovel lengoro vladari. Ked o Josif alo koro pe phralja, on dolinde le hem bikninde le nesave manušende kola ine činena hem biknena robonen.

Frame 08-03

Angleder so e Josifesere phralja irinde pe čhere, pharavđe e Josifesere šeja hem makhle len e buznjakere rateja. Tegani lesere šeja mothovđe pumare dadese sar te mislini da e Josife mudarđa nesavi divljo životinja. O Jakov inele but tužno.

Frame 08-04

Okola so ine činena hem biknena robonen legarde e Josife ko Egipat. O Egipat inele bari, moćno phuv savi inele uzali len Nil. Adari e Josife bikninde sar robo jekhe barvale manušese kova inele jekh oto e phuvjakere vođe. O Josif šukar kandlja pe gospodare, i o Devel blagoslovinđa e Josife.

Frame 08-05

E Josifesere gospodaresiri romni manglja te sovel e Josifeja, ali ov na manglja te grešini anglo Devel. Oj but xoljanđa hem xovavne optužinđa e Josife, adalese so manglja te dolen le hem te frden le ko phandlipe. Ali, čak hem ano phandlipe o Josif ačhilo verno e Devlese. Adalese o Devel blagoslovinđa le.

Frame 08-06

Duj berša palo adava, o Josif pana inele phandlo ano phandlipe, a na inele krivo. Jekh rat, o faraon (ađahar o Egipćanja vičinde pumare caronen), dikhlja duj sune save but daravđe le. Nijekh lesere manušendar kola inele mudra našti ine te phenen lese so značinena adala sune.

Frame 08-07

O Devel dinđa e Josifese sposobnost te tumačini o sune, i o Faraon rodinđa te anen lese e Josife taro phandlipe. O Josif vaćerđa lese so značinena o sune: "O Devel ka ćerel efta berš te ovel sa edobor xajbnase, a palo adava efta berš ka ovel bokhalipe."

Frame 08-08

O faraon edobor inele zadivime e Josifeja da čhivđa le te ovel dujto najbaro manuš ano sa o Egipat.

Frame 08-09

O Josif phenđa e manušenđe, ko adala berša ked ka ovel sa edobor xajbnase, te čhiven ki strana bare količine xajbnase. Ked ale o efta berš zako bokhalipe, o Josif biknela ine e manušenđe xajbnase te šaj sarijen te ovel so te xan.

Frame 08-10

O bokhalipe na inele baro samo ano Egipat, nego hem ano Hanaan, kaj živinđe o Jakov hem lesiri porodica.

Frame 08-11

Adalese o Jakov bičhalđa pe phuredere čhaven ko Egipat te činen xajbnase. O phralja na penđarde e Josife kad terdine anglo leste te činen xajbnase. Ali o Josif pendžarđa olen.

Frame 08-12

Palo adava ked o Josif iskušinđa pe phraljen te dikhel da li promeninđe pe, phenđa lenđe: "Me injum tumaro phral, o Josif! Ma daran. Tumen maje mangljen te ćeren bišukaripe ked bikninđen man sar robo, ali o Devel adava bišukaripe irinđa ko šukar! Aven hem bešen ano Egipat te šaj brininav man tumenđe hem tumare porodicenđe."

Frame 08-13

Ked e Josifesere phralja irinde čhere hem phende pumare dadese e Jakovese dai o Josif pana dživdo, ov inele but radosno.

Frame 08-14

Iako o Jakov inele but purano, sa pe porodicaja nakhlo te bešel ano Egipat. I ađahar sare adari živinđe. Angleder so o Jakov mulo, blagoslovinđa đijekhe pe čhavendar.

Frame 08-15

E savezesere obećanja save o Devel dinđa e Avraamese nakhle upro Isak, posle nakhle upro Jakov, a posle nakhle upro e Jakovesere dešuduj čhave hem lengere porodice. O potomci adale dešuduje čhavengere ule dešuduj plemija e Izraelesere.

E biblijakiri paramiz taro 1. lil e Mojsijasoro 37-50