Vlach Western Arli: Open Bible Stories

Updated ? hours ago # views See on DCS

44. O Petar hem o Jovan sasljarena e prosjako

Frame 44-01

Jekh dive, o Petar hem o Jovan džana ine ko Hram. Sar avena ine paše uzalo e hramesere udara, dikhlje jekhe manuše kova našti ine te phirel sar prosini.

Frame 44-02

O Petar dikhlja ano manuš kova našti ine te phirel hem phenđa lese: "Nane man love te dav tut. Ali, ka dav tut okova so isi man. E Isusese ko anav, ušti hem phir!"

Frame 44-03

O Devel odmah sasljarđa e manuše kova našti ine te phirel, a ov odmah lelja te phirel hem te ripini, hem te slavini e Devle. O manuša kola inele ki avlija e hramesiri inele začudime.

Frame 44-04

Sa edobor manuša ale te dikhen e manuše kova inele sasljardo. O Petar phenđa lenđe: "Sose čudinena tumen soi akava manuš sasljardo? Amen na sasljarđam le amare zoralipnaja ili šukaripnaja, nego e Isusesoro zoralipe hem i vera savi o Isus dela sasljarđe akale manuše."

Frame 44-05

"Tumen injen adala kola phenđen e rimesere upravnikose te mudari e Isuse. Tumen mudarđen okole so ćerđa o dživdipe, o Devel iskoristinđa tumaro ćeriba te ispunini o proroštvo da o Mesija ka trpini hem ka merel. Adalese, akana pokajinen tumen hem irinen tumen ko Devel te šaj tumare greja te oven thovde."

Frame 44-06

O upravnici e hramesere but xoljanđe ko adava so o Petar hem o Jovan vaćerđe. Adalese dolinđe len hem frdinđe len ano phandlipe. Ali, but manuša verujinđe e Petresere lafese, a o broj oto manuša kola verujinđe ano Isus barilo hem ulo đi sar 5.000.

Frame 44-07

Aver dive, e jevrejengere vođe anđe e Petre hem e Jovane anglo baro svešteniko hem anglo avera vođe e verakere. Pučle e Petre hem e Jovane: "Kasere zoralipnaja sasljarđen akale manuše kova našti ine te phirel?"

Frame 44-08

O Petar phenđa: "Akava manuš terđola angla tumende palo zoralipe e Isusesoro e Mesijasoro. Tumen čhivđen ko krsto e Isuse, ali o Devel vazdinđa le taro mule hem irinđa le ko dživdipe! Tumen na mangljen le, ali nane aver način te spasinen tumen taro greja sem palo zoralipe e Isusesoro!"

Frame 44-09

O vođe inele iznenadime so o Petar hem o Jovan vaćerena ađahar hrabro, adalese so dikhle dai prosta hem biškolujime manuša. Ali, tegani setinđe pe da on inele e Isuseja. Palo adava so pretinđe e Petre hem e Jovane, mukle len.

E biblijakiri paramiz taro Ćeriba e apostolengoro 3,1–4,22