Vlach Western Arli: Open Bible Stories

Updated ? hours ago # views See on DCS

29. Paramiz e nemilosrdnone slugastar

Frame 29-01

Jekh dive, o Petar pučlja e Isuse: "Gospodarona, kobor puti valjani te oprostinav mle phralese ked grešini premala mande? Đi ko efta puti?" O Isus phenđa lese: "Na efta puti, nego eftavardeš puta efta!" Akaleja o Isus mislinđa da valjani uvek te oprostina. O Isus vaćerđa akaja paramiz.

Frame 29-02

O Isus phenđa: "O carstvo e Devlesoroi sar o caro kova mangela te rešini o računja ple slugencar. Jekh sluga inole dugo baro sar plata zako 200.000 berša."

Frame 29-03

"Adalese so o sluga našti ine te irini o dugo, o caro phenđa: 'Bikninen akale manuše hem lesere čherutnen sar robonen te šaj adaleja irini pe lesoro dugo.'"

Frame 29-04

"O sluga pelo ko kočija anglo caro hem phenđa: 'Molinava tut ov strpljivo mancar i ka irinav će sa so dugujinava će.' O caro smilujinđa pe, oprostinđa lese o dugo hem muklja le."

Frame 29-05

"Ali ked adava sluga dželo e carostar, reslja avere sluga kova lese dugujinđa dugo baro sar plata zako štar masek. Ov dolinđa le hem phenđa lese: 'Irin maje o love save dugujineja maje!'"

Frame 29-06

"O aver sluga pelo ko kočija hem phenđa: 'Molinava tut ov strpljivo mancar i ka irinav će sa so dugujinava će.' Ali, so te ćerel adava, o prvo sluga frdinđa e dujtone sluga ano phandlipe đikote na irini plo dugo."

Frame 29-07

"Nesave avera sluge dikhlje adava so ulo hem but ine lenđe pharo. Džele koro caro hem sa vaćerđe lese."

Frame 29-08

"O caro vičinđa e prvone sluga hem phenđa lese: 'Tu injan bišukar sluga! Oprostinđum će edobor baro dugo samo adalese so zorale molinđan man. Tu valjanđan te ćere isto ađahar.' O caro edobor inele xoljame da frdinđa e bišukare sluga ano phandlipe đikote na irini sa so dugujini."

Frame 29-09

Tegani o Isus phenđa: "Akava mlo nebesko Dad ka ćerel đijekhese tumendar te na oprostinđen tumare phralese oto vilo."

E biblijakiri paramiz taro Matej 18,21–35