Vlach Western Arli: Open Bible Stories

Updated ? hours ago # views See on DCS

36. Preobraženje

Frame 36-01

Jekh dive, o Isus peja legarđa ple trine učenikonen: e Petre, e Jakove hem e Jovane. (O učeniko kova vičinđa pe Jovan na inele okova kova krstinđa e Isuse.) Uštine ki uči planina te oven korkore hem te molinen pe.

Frame 36-02

Sar o Isus molini pe ine, lesoro muj ulo sjajno sar o kham hem lesere šeja ule parne sar o svetlost, po parne nego so šaj neko ki phuv te parnjari.

Frame 36-03

Tegani iklile nekotar o Mojsije hem o proroko o Ilija. Adala manuša živinđe ki phuv više oto šel berša angleder adalestar. Vaćerđe e Isuseja lesere meribnastar, savo valjanđa sigende te ovel ano Jerusalim.

Frame 36-04

Sar o Mojsije hem o Ilija vaćerena ine e Isuseja, o Petar phenđa e Isusese: "Šukari amenđe te ova akate. Te ćera trin šatorja, jekh tuće, jekh e Mojsijase, a jekh e Ilijase." O Petar na džanđa so vaćeri.

Frame 36-05

Sar o Petar vaćeri ine, o osvetlime oblako hulilo hem okružinđa len, a taro oblako šundilo e Devlesoro glaso: "Akavai mlo Čhavo kole mangava. Oleja injum zadovoljno. Ole valjani te šunen." O trin učenici darandile hem telile ki phuv.

Frame 36-06

Tegani o Isus čhivđa plo vas upro lende hem phenđa: "Ma daran. Ušten." Ked vazdinđe pumaro šero, dikhlje samo e Isuse korkore.

Frame 36-07

O Isus hem o trin učenici hulile tari planina. Tegani o Isus phenđa: "Za akana ma vaćeren nikase so ulo akate. Sigende ka merav hem palo adava ka irinav man ko dživdipe. Palo adava ka šaj te vaćeren e manušenđe."

E biblijakiri paramiz taro Matej 17,1–9; Marko 9,2–8; Luka 9,28–36