Gussa 1: Zaka dina heliktouma

1. Labar Allanga ay miré. ini ginaru ku Allah sama yé , boussama yé helikkin. Ara ginna diguissa dissi dro helikki. Boussamma da inni na bey. Bou ginna yoskou Ruh Allanga yiou da tchii.

1. Allay fariguré , agu nur tigisse yi , nur tigissou, Allayi nour bour galirou dourou , agu nourgo diskirou koulii , Allayi nour ye yeski ye guinessou ni , yeskou dougoussouro koulii . Inna ara yom trone dro heliki, ayre youm owalnga .

1. Youm noutchounga , Allayii fariguiré: Yi giskeyra yé ngoulira yé tiginesse. Koy kou tchinga Allay samarou kouli.

1. Youm nagouzounga Allayii fariguiré: Yiou ginna koy trondou tchptindé na, koy tchordou grouwé. Koy tchordou Allay boussamarou koulii, koy yiou ni, foolourou koulii. Anna ta gina Allayi gallirou dourou.

1. Allayi fariguiré: Boussamma da akaye, illayé kindjilla chicha gouroukké yi. Allayi farou kegirou tigissou Allayi inna ta gallirou dourou.

1. Youm touzonga , Allayi fariguiré: sama dro nour gourouwé yi . Koy terou izzayé owourouyé, teskayé guinna gouroukkou. Allayi noura sama dro dinnouni, bassamma da wachintigui. Agouni , mouray diskiyé , dougousouyé , zamanayé wassa tchintigui. Allayi inna ta golirou dourou.

1. Yom fownga, Allayi fariguiré , yiou da orana grouwé yi, sama da tchoura bourtchinté . Allayi inna ara gallirou dourouni barkadji.

1. Youm dissinga , Allayi fariguiré: bassamma da aroza kindjila chicha gouroukké yi Allay farou kegreou tigissou. Inna ta na gallirou dourou.

1. Awuni Allay fariguiré : ang tara soura gueyintar. Boussamma yé inna da tchikkaye hokoum tchinik.

1. Agu Allayi bassamma godji ang helikki , orro tchenni souroussoumma Adamro koulidji. Awouni Allayi djinené bou guedji ni Adami dro wougouni , royngirou tchene.

1. Djinena koussoumarou, Allyi akka tchou mou. Akka ara saa rou ngilani, touwirou tchoussouni - y ekke orogaye, ekké hanadi inni galliyé zountouyé. Allayi Adoumrou fariguiré miya akka koura ginna boungui tchirou, ekke hanadi ini galiye zountouyenga kolli boummi yi. Tchirou , youm yeroum boungoh nounassi.

1. Awuni Allayi , fariguiré : Awou miré touronu sun tchouwo galichi yi. Adam oroza hakintou tourkou tchentinni.

1. Allay Adam wounoussourou dinnou. gna kimarou bara sursum law tronu godji ni ari helikki.

1. Adam arima dourouré fariguiré : ang ayi tani tourtou. Ari yin tiga , kassar agniyourou tchourada , djiland fatigui. Koy terou goyma ginna, agnima abamayé ayasoumayé ginna s'ow arima ki bouzouga tigissou.

1. Allay agniyé ariye ginna mire tourtou gedji. Mourari barkadji fariguiré : yala foussoudou ni bassama da mountou tiguissidou . Inna ara ginna Allay digissa dissii dro heliki . Inna ta ginna bourou gallirou doudou.

1. Youm troussounga Allay , indina helikkinde bey . Youm té Allay barkadji. Tekeguerou Allayi dinnaye inna dro tchikaye ginna helikki.

Gussa mine kitaabe al mouguaduss, mine kitaabe takwine, min soura 1 ila soura 2