Gussa 40 : Issa touyintou

1. Elélème tchintirére bara, eskiraye gourtoutouni kikirtchintou. Merénga koy ekké belké da tchittiga da kikirtchintou.

1. Eskiraye Issanga goyintou naga amma tchituiga gourcou ni kaa houna yé diga houna yé ekka da touyintou Issaye farigré: rabou tangou amma ara samène ina maray djeyinti tchicou harayintinna djillar siguinta ary dahoumar malik yahoudanga nac yi meré Billatous merar rouyintou yi.

1. Tére bara eskiraye algui houma da tirdeyintou ini aye gueyintigar noucoudé faddé belké alga tanga ùara coui guinessitigui, ogonni algui tangou tirdeyintic

1. Koy tér amma woura tchou tchiki eskera mouranga touyintou taya gobougrére, Issa kolo touyintou. Moura tray Issar élélèmetchi, toumar farigré: inta belkè Allah azabdjidrigar azimeyé? Tara inna zounta bour mountar guéntirdè, tchirou awo ay boukoum. tèr bara Issar farou "inta belkè djanna noussouro tangour zekérdine" . Issay mirére farigré: mini inta tani gui djanna noussouroug.

1. Yahouda baa hounta yé amma coura djama tchika yé Issar élélème tchentou. Issar fattou: inta nèbi Allaw cono ekkar tchangou nesski nouma diffanne! ter bara intar ngannintrigui.

1. Sammia nima guinnara yésskou sekirtchine tissou. diski houma doussoukè boussou saah agouzou bouzou.

1. Agou Issaye woukki: touzzou, rabbou tangou, neski tangou kana koui mour. ter bara dahouma guiskey galtchi. loko noussougar, zilzal ertchi. Ladara bou guinessiga chobaga ca tchour tinessouré, ngouliyé guisskeyé.

1. Kourouwa Issa ayi, amma zoulonne Allah taa ridigan wassa tchene. Eskira youroussou Issanga guerdigan fadiga guinna wakay, dourou. Za miré farou: djirédé ang ayi bokoume. Ang ayi rouh Allaou.

1. Terou bara amma yahouda tchou soura hounda Youssouf yé Nikhudumus yé moura taa ridou, mouray ngayintou Issa messi gordou. Marayi Billatoussir youroussou Issanga barayintou. Youroussou lagafan dro dintouni wounéttou. Agou, eyi by yourssou daha nakkou.

Gussa ay kita al moukhadass dro, indjil mattah nga soura 27: aya 27 ila 61; indjil markhouss nga soura 15: aya 16 ila 47; indjil loukka nga soura 23: aya 26 ila 56; indjil youhanna nga soura 19: aya 17 ila 42