Gussa 46 : Chawoul massi tiguissou

1. Ang tra Issar ngayinné tchi soursouma Chawoul yintikré tchi, ang tè meré goy oddour, amma ara Stafan tchittira alliga hounda guerdiyingui, tér bara meré na amma Issa ngayintra azabtchi yéga yéga teré goudouss doro anyaye anginyayé guinna ladi dangay doro mougui, tèr bara malla bay merér dimachg low nout, ogoni merér fattou souttona amma massina odour tchika da nani saga goudouss kou yintou.

1. Tekère Chaoul trowa Dimachg teriguir nour tchitchi tching samer wachi mere clo safoura tandouni ang tra farigré bazou: Chawoulnga azab dinouma yi? Chaoul merenga wour: inta gnan yi? Issa merer farigré: tani dè Issa yi!.

1. Chawoul key yertchimar saar bi dounné tissou lahouna arradini Dimachg gourkou. Ogoni Chawoul mach ouwouni yi na tchiner dogoussa akouzou bouz.

1. Madjir tra dimachgir sourouma Ananias. Allay merér farigré: " yaga Chaoulnga dro souttona merér kée da nac eskir boudourouwé". Tchirou Ananias farigré: "Rabou tangou ang ay amma ngayintra azab-tchinguir dazou" Allay merér far: " sourou tanguou rou yahoudaye amma koudaye noukingui ro mireri rour gonour Meré souroutangou da bour kizey tchic."

1. Agou Ananias koy Chaoulnga tère meré da kée nawni farigré: " Issa intay azab trouma yé tirwa Damasnganr dourou-mar yé meré koy ar djougourtou intay rangoum bii dourougré ogoni ruh al khoudous meltre ndigissik." haliane ar eskir bii haccu dour ogoni Ananias meréngar yi dro dinnou. Chaoul macha woungar douna haccu.

1. Haliane are Chaoul yertchi yahouda Dimachg tchica tabssir tchietchene:" Issa Allaw yi" yahouda bour odjobour dittou, angnii ay massinar azzabtchima ounnou Issar ngnyni. Chaoul yahoudar fahamdrou Issaré al Massih gordi.

1. Diguissa mountourou bara, yahoudaye ziga mireri tchitiga brayintiga amma mountou nimarou goudoukkou. Tchirou chawoul echira souta bazou bara lassouna gui tcharkou. dougoussou tra soumpou dro zouttouni dourdour nimaw tlakintou. Nimarou tchouroukourou bara , koy hakintou ginna , Issare Al massi gordi ammar balakkintigui

1. Chaoul saga goudouss tèr amma hawariyina gui foktingré, tchirou hawariyina Chaouldir achindou tékénér ang tra Issar nganyinné sourouma Bernabass yintikgay, Chaouldir koy hawariyinanga gourou, Bernabassyi hawariyinar far zaka Chaoul, Dimachg dro ammar dilli tafsirtchi tchema tèr bar hawariyina Chaouldir hardindou.

1. Amma djireyinta goudoussour tcharkou dokou tourtou nii Antioche dro ammarou mera Issaya fattigré, moura dro mounta guinna yahouda chi, tchirou mounta guinna djirayintou. Barnabass yé Saul yé ottour tourtouni amma eskarou wassa tchéntigui. Amma Issar nganyintou howlour, Antiochrou "erdi" fattou.

1. Yomtra key massina ozzoumer selleyintitchikigour niy antiyaka dro Rouhoul Khoudouss mourar far Barnaba yé Chawoul yé koulli douttou yidji. Tani mourar koulounda djillan. Kanissa guinna mourar doua tchéntouni malla baa mourar barkayintou ni koy hirmé indjilnga gourgou. Barnaba yé Chaoul yé amma mounta karachéttou amma mounta Issar ngayintou.

Gussa mine kitab al ùoukhadass: mine aamal al roussoul: 6 aya 8 mine soura 8: aya 3; mine soura 9: aya 1 ila 25; mine soura 11: aya 25 ila 26