GUSSA 39 : Issa charayintiga

1. Agout by dougoussou kou tigissou. eskira Issa dou didou koyi malloume bougan gourougou ni souwallah fingirée. Key terrou Boutrous dogourou mourar tabadjine. Koyi eskiray Issagan yéga dourkourou dintourou bou kirda djilan boutrous aga wouni foudjini tchira bouzou.

1. Yéga dourkourou, yahouda bah hounda Issagan charindou. Amma chara mounta moudaa goutou. Issa daa mou nakkeré inni geina china geinée yintigiré. Teké tchirou chara médaa fatiga guinna chicha, delil gos gourtoutidé bei. Issa inina fadébei.

1. Terou bara malloum bou Issarou tchoukou rayi, toufatou inta al Massi yalli Allaou kolly noussounaré yidji?

1. Issa farou belk goudra Allagan sammia awouni sammia ri tchanguirga tou loung. Tchakiguindé douringi . Malloum boudou owortchini alligui Issagan fartchi. Malloumai amma bah koura koully farou, tara chara kouri kolly dakirdi naradai ounou nassou inni farou: malloumai fidji rzyi, toumma inni?

1. yahoudai bah hountai mallouma fatou. Mirée tayi godou wodjoub tchiné yintou! terou bara biry Issagan djakintouni, daah kazzou dokini, mirégan ni wappou, awouni ihana tchindou.

1. Wokit terou, Boutrous yéga tchira tchi. bré tra Boutroussir dourou, inta gnii guina Issa kui djin yidji? Boutrous inkirtchi awouni dawi kouri tra inni teré kée farou. Awouni Boutrous inkirtchi. Awouni amma gourkayi fatou tinda Issa gui djingan hanantrigue yintou ninta tchou guinna amma jelilya yintou.

1. Ter bara Boutroussy far: ang aye hananirgré kona Allah lanadjoudré, kétere Boutroussy merou farour bara," dik miky", koy terou Issay klaptoun ni Bitrounga tchouki radji.

1. Bitrouss terni eguinaou. key tére Yahouza ang Issaganr ngueder tchima yahouda bahounta Issarou tay goyindo dakir dire. Yahouza mirée bour wadhie nésski houmma tchirou.

1. Hakim nimagan Billatuse tabi Romaw. Yahouda bahounda Issa gourtoutou tchendou ni charayintou tay goyndo dacou. ter bara Billatouss Issar fidji: indaré dirdé yahoudanga yé?

1. Issaye farigré: intay djira farme tchir moulouk tangou boussaw chi, nouw boussaw cona herierée tanga tangour goudou djentique , tchirou boussaw ,ayda djira, toufarourgri. djira Allaw fadirguiré tiri. Amma djira dakou guinna tangour gidjiwé. "Billatouss farigré: djira mirée inni?

1. Tére bara Issaye Billatouss yé ini yeyentirére bara B illatouss amma law tchourouni farigré: tani ang aye delil noussou wadjib tchingré hangirdé dey tchirou, yahouda bahounta yé amma yé gougou dintou tountouna lossountou yittou yindou ogonni Billatoussyi ammar ini guini gueynée bey idji ogonni ammaye gougou bui dintou Billatouss nagouzoumar farigré: miré ini zountou gueyné bey.

1. Billatouss kissarma dro nouchi dinnou amma mirére doudar boussigui idjini. Koy tér eskira hounar izine tchene ni aliga Issanga chettou eskira Roumanga Issar wouroubtchintou algui dirdaw moussou tchentou ogonni woour alée diré dama da nacoutchetou ogonni mirére élémèmetchintou fattigré, rantou dirdé yahoudanga.

Gussa mine kita al moukhadass: mine indjil mattah mine roura 26: aya 57: soura 27 aya 26; mine indjil markhouss soura 14: aya 53; ; soura 15: aya 15; min indjil loukka soura 22: aya 54; soura 23: aya 25; mine indjil youhanna soura 18: aya 12; mine soura 19: aya 16