Gussa 50 : Issa Saga Rih

1. Nguila douba tchour na ngoulli dina dro labara ara Issal messui tchoussa guidjiki tchiki. Kanissa na mountayintou. Issa ammar wadtchi belkè dina tcheniguirè diguissa saga rigar ounnou renni tchir neri souma ammar wadtchi.

1. Amma koy Issa saga riga gartchinti-tchik-kirou. Allay tarar Issa dakirgui charaf yentirig baradji ogoni ammar malakouta souna fatitriga na baradji, Issa koy boussaboura tchingar miré far : mallima tangan ammar waz tchintigui ni ogoni ina malakouta Allanga ammar fatig yidji, amma kounnor dina dro tchikkona ogoni belkè tani tirig

1. Amma moundou guinna eré guinna Issa law ini bassouré bey. Issa samiya dro tergar kou amma massihinar far: labara ara tchoussa amma bassouré hinnar ogoni Issay far sourtouna amma guinnar mallima moukkou yidji! koula bafouré tougori houma edindji.

1. Issay ogoni farou egré mogourou houmar boyinni yidji. Ammar bour mihimma tangour wadjintou, mara belkè tangar djillan dou ninta na azab-tchi-chettigui ni tchittigui ni dina ay dro ninta bour tabroukkougui. Tchirou dounara siguissidou, inni nougoré tani chadamar azabtourdè, chadama dina guinna moulikki dinga ninta tangara siga tinakkou Allay belkè kalla ndjintik.

1. Issay guisse belkè dina tcheyngo ina amma ara guissitiga amma hounar far: miréy farigrè ang tra michin gali koula souma dro koudji, méré djankinitchir ang gouri erdi souma rini koula dro michin zountou koudji, michina ara gala dro tèr bara miré tèr.

1. Loko michina liimar hirmera mogourou sountour fatou inta michina gala boussou koula dro kounii onnou michina zounta na koula dro liyintou ndjan? bou sountou farou. Ini ay erda tangan bessii guéyentig yidji, ini ay erda tangan dro tray gueyiné.

1. Agray mogourou sountour wouttou: illa zounta tourtirigra? Mogourou sountouy far chettimi. ara chettimi gartou na guinna babbo gala chettirna zounta wini moukkou. Tèr bara gala gogo tangou dro kourtit.

1. Madjira famtchintiré bey . Tèkkèner mana erfanga Issar wouttou. Issay farou : ang michina dilli kouyma koy Issangar tchii. Koula dina messeltchiing. Michina gala amma Allah nganyintra messeltchiing.

1. Michina zounta amma chidan gassira messeitchiing. Erdi michina zounta kouyima chidan messeltchiing. Togorou na dina tchedouma messeltchiing, amma koulo tougorda na malaka gala messeltchiing.

1. Loko dina tchedou wakkayingo, malaiika amma chadan gassira tchabtchinterè winou dro moukkigui koy tèr bour tchittiigui, tchiya sounta tiir dirou ogoni bira sounta yeska guissirou guizzey bour bou daa sountoura tchii. Tchirou amma ara Issa nganyintra nour kaga tchiitchiltchintig malakouta Allanga dro.

1. Issay marar farou.dina mara tcheygarkouy tani saga tirgui,zaga nougou derngar.mere berke samiyar tchakki kirra da ri re. Koy ter massina tchatoura guinna kourwar saga yerthindoure issa gui samiya doro foktountik

1. Ogoni massina ara noukou ninana goulli tourtere issa da gui foktountik.terbara issa amma tagui iching.mara berke kalla kolli touzoune hakindire marra farar ichindik

1. Issay watte godjini amma merér ngayintra guinnar wowour noubbou yènirigui yi, gallir hocoum-tchintigui ni killah dimanou haccuntigui ni dro ichntigui yi.

1. Tchirou Allay amma Issar ngayintinna guinna charaying. Wini dro dinnigui tchiittigui winou marar gallir wougui, kizzey douttougui ni ogoni winou colir nassinni dimanir fouddé mara wougahouna noussounni.

1. Loko Issa saga érrour, chadana yé mamlaka hountou yé, amma chadama gassira yé guinna winou dro galtchi sow ara ibada Allanga sopoura.

1. Aroum yé Howo yé méri Allanga assayintou djillar biga dina dro gourtoutou, koy terou Allay Dinanga barkadourou inna da tchikka guinna firou, Tchirou youm tra Allay samiya yé boussabou yé eski helikkingui ni awouni bou guinna gali tiguissigui.

1. Issa yé chabassina yé Boussafou escoura haya dirtic meréy dina guinna hokoumtching dimanir merey seyla amma guinna tchaptching ang kizey dourougré bey tissig, ang tchiirigrè guinna bey tissig mérey houkoum haggour houkoum tching ogoni chabassina gui dimanir bouzoug.

Gussa kitab al moukhadass dro: indjil mattanga soura 24: aya 14; awouni soura 28: aya 18; indjil youhanna soura 15: aya 20, awouni soura 16: aya 33; kitab rouya soura 2: aya 10; indjil matta soura 13: aya 24 ila 30, soura 36: ila 40; Tisalouniki al awal soura 4: aya 13 , awouni soura 5: aya 11; kitab Yakhoub soura 1: aya 12; indjil matta soura 22: aya 13; kitab rouya soura 20: aya 10, soura 21: aya 1,soura 22: aya 21