Gussa 32 : Nébi Issa ang michiré yé arri wechi yé guinna dawadji

1. Issa yé ashaba houna yé markaba hountou daa bidouni ni ay amma gaderiynnanga tourtou.

1. Kéy â tchakintou dâa ang tra djinue diré tchi

1. And ay djinou dira bour dounaré amma merenga tourkouintou ni kema yé doguima yé ginna assartou yountou tchirou assa gorc besse.

1. Ang ay michira dimane yourssa nimanga clo tchi, doussou yé disski yé ginna haraka dinik, alguini massinni. Eya adia goyneré kassar houma gork.

1. Agnima koyi Issangar rini touggoumtchi kui Issangar. Issay djinna rou fariguiré: rouk kassar amangar !

1. Djinouw harka bour bierdinou ni ini tangour braning Issa? Azabdinoummy Issay merengar wour sourounouma gna yi? Djinouw fariguiré sourtangou amma mounta.

1. Djinouw Issangar melèchie tinda tegé âa djikou dro tichettouni, yidje Djinouw Issar far key are aga tichettoundo gorougodaa dourko tounkou yidji. Issay bour dili idji ang Issay djinawa izin tchenni, gorougodaa dorko ong.

1. Djinna tchouroukou kassar andjimoungarou ni kissar gorougorangarou zouttou. Gorougora tchakkintou ni youdouro zouttou ni moura ginna you wi.

1. Koy ammara gorougora filitiga inni ara doutouru tcharkou nima tourtouni ammarou labartchintou. Amma nima saga keïma tourtouréeh ang djinouw nouku drôt zoudêa kirtideni, algui massou dini mirée ni kaïnné tékérou doutou.

1. Amma bour riyintou ni Issar oussou yintou. Issa markaba da by. Koy da bygarou ang ay noukou djinnou douro zoudda Issar minechini naré gui dourté yi.

1. Tchirou Issay amar fariguiré: laa tani gui inteni yi ousso amma dou fâa yidji zagga izine Allawrou tani kâa-nidirnga yé, Allay zagga tcholtchinga yé.

1. Têkêrou amma nimanga têrni inni ay izine Allaw, Issa zagga kâa dourounga amma ginnarou labartchi. Ang inni ayi bazou ginna odjibe guédji.

1. Issa farow law teiyé têrou koyi teiye ringarou bara, koyi téra amma bour mountou amma mara grou-grou djakingui. Issa clôh, amma tâa drôt ari mouskillah giréw n'crulah mourdoyé sâa ginna doctora tchenni dawa-intiguiré, lakine girêma dillou kainê chie.

1. Arima mirée bazzou Issa amma bour mountou dawaïni tchigan bazzou, mirée awormarou tani Issa algima lanoura rêh tani kanirgi ydji mirée koura Issa tchirèmar rini algima ladi. Keï laïmadêh girema touzzou.

1. Halian ayrou, Issay, hessaye mirré douro tchourouni ini tikiré. Issa fouctounni wourrouni: n'djayi tagourou ladji? Lahounaye fattou: amma mounta gagantchintou naré law riddou naréga lantchintou, inni djilannou té touroume ? gnay ladji?

1. Arimay taannou ni tougoumtchi kouyi Issangar, achinnèrou, tirou bara farrou ini miré da tissou, awouni kaye. Issaye arrimarou farrou: Immane noumaye narénga chaffantchi, Allaye killa tchéné.

Gussa: min kitabe al mougadass, min injil matta, soura 8 : min aya 28 ila 34; min injil markous, soura 5 : min aya 1 ila 20; min injil loug, soura 8 : min aya 26 ila 39