Gussa 10: Achiga Mourdom

1. Allaï Moussa yé Haroun yé tedeutchi Firaouna mireh , aou owore zountou médi aou bazini, koy Moussa yé dimir souma Haroun yé koui Firaouna goumada toussou aï inni Allay fadeh . Ben israël founa tourté Firaouna naï inni fatiga gijoude beye . Koy benisraël foudou tourtougadou , moura dou chibetchi hidimé bou dou tikideh bueyi.

1. Awouni Firaouna benisraël dou founi tchidou, koy terou Allay mourir da bala bou galtchi. Aounni aï dou Allay fironour wassa tchéne Allah mereh fironour gouro wassa tcchéne koudra Allaw sanama guinarou Allah mereh dounaré.

1. Bala Allay Massour douro galtchingarou yiou amma massoura tchidiga ginnna guiré tissou téguinar ki Firaouni goni israël founni tchirou.

1. Awouni Allay kokko nourou koy amma Firaounar Moussa dou kokko da guinna békinné guénouna benisraël foudour inta kyi tourtougui. Moussa kokko békinné guéyini, tchirou Firaouni awouni foudé beyi.

1. Awouni Allay bala kouri tchaque dourou , soussouna yé soussouniya adiya yé ginna tchaque dourou, Firaoun yé , Moussa yé, Haroun yé guinnarou farou soussouna yé guinna bey guentoungo goni israëlou foudouro awouni benisraël founni tchirou.

1. Awouni nourra koudidou , Allay dourro gourtini bahima ginna tchirou . Teginarou awaore Firaouna kayéchini bani israël foudou tourtouré bey.

1. Awouni Allay Moussarou farou wounitchi gona samia douro tara Firaouna koynarou . Koy Moussayé tegueyingarou achigue boya kosare massourinarou gourou. Tchirou kasare bani israëligua inni na gourou da bey . Tchirou Allay awor Firaounaga falantchini gueyi. Awouni bani israël farou tourtouré bey.

1. Terou bara Allay ina koura bitchini achi sountou mountou ginna guessou . Ammanga tourtiré ginna tchirou. Halace Firawouna yé, Moussa yé Haroun yé guinnarou kouliyi ni tani bideyi, halace nita nourtigui awouni Moussa doua goiye iniya samiyarou tchique tchintiga toussou.

1. Lakin awouni Firaouna bigina yé awore houma fahamtchina yé ben israël four tourtoude bey.

1. Awouni Allay ariya adiya noudou ni macha sounta gabe tchide gina gressou.

1. Allay digissa agouzou ginna bour yoskou seckirdjine guedji ni masorouwa hakintou aga tchouroukkouni . tchïrou koy ben israël tchoukou nour dii.

1. Balah yisi kou Allay tchque hedou guina Firaouna awouni benisraël foude bey inni fatiga giyouni awouni Allay balah aharnga djasstchi balah té Firaouna owore houma fourochi.

Gussa min Kitab al Moukhadas, min Kitab al khouroudj min soura 5 ila soura 10