Gussa 31: Nébi Issa yiou daha tergua.

1. Amma douba fowa machindour bara, Issay lassounar fariguiré markaba daa sidounani forou laa tiere gortou, tekenar meré lassounar saga bouzou. Lassouna tourte, amma ara mounta na yagasounta wour. Tère bara Issay faraïta dâa byni meré oroma troni douwa goyniré tadou edintchi.

1. Koy tèr Issa lahouna markaba hountou kameiti tchiqui, tchirou awomaï booyi tissou gourôh kameitini. Dougoussou édiuédji téké tchirou owoma touzou dêt bey marani holou kouyi drôt tchiqui.

1. Koy moura inanta guéyintigarou Issa douwa houma tomoyi ni fowrou daa byini, you daa tagannou zoulone ay lahouna goyintra fowrou daa. Moura qui factontou.

1. Koy tèrou assaba Issar doutou. Moura bour achintou moura moura-trarou inni ay douttoura marou kéyér. Issay moura achintou gordi hanadji. Mourar koulidjini assoumi ay tani Issa yi.

1. Halasse Bûtroussi Issar far: mallouma ay inta gôgô tani inni kerou you daa intanga law grik. Issay Bûtroussir yir dji.

1. Koy tèr Bûtrousi markaba daa tchakini you daa Issa law tagannou. Tchirou addi tagannouré sahouna Issar coulli modje rayntouni owomma bour bi guichi.

1. Key tèr Bûtrouss asirére you daa tagannou têr: miré soudourma habtchini mallouma you djouitchi tourkoudoun dji! Issa kéma miré law djaquini aga dour. Tèr bara Issa Bûtroussour fariguiré: tangour law djiré addi tango ! djan-da sikha tinam-ni noufourda djan?.

1. Tekère Bûtrouss yé Issa yé markaba dâa bydouré awomma ginna touzou ni you na annéryitissou terekou asshaba houna bour ruintou, key annémar Issangar bour karamtchintou inda djirére nébi Allaw ni ogonni Rassoul ni.

Gussa: min kitabe al mougadass, min injil matta, soura 14: aya 22 ila 33; min injil markous soura 6: aya 45 ila 52; min injil yohanna soura 6 : aya 16 ila 21