Guusa 30 : Nébi Issanga amma douba fow machdourornga.

1. Nébi Issa amma nourni amma niya adiya mountou drôt amma nourni mourarou kira tchêtiguini djiré wassa tchénnetiguini. Kêyi amma tounouda saga kêyi Issa tchinga ridou Issa mourarou koulidji amma kourarou koulli chêdou ni adi tchitigré. Têr bara moura markaba dâa bidouni forrou law teï tourtou.

1. Tchirou amma bour mountaa ginna Issayé lahoumayé koy markaba dz tourtougarou douttou. Amma ara Issantar douttou mourana ginna forou da tcharkou law oworou tchouroukourérou Issayé lahouna yé howlou lawté tourtourou. Tchana bii odourou tchirou da riddou.

1. Tchana amma boussou doubafow nar goulli (5000 hommes) arriya yé yaliya addiya yé ginnar kindjir. Issay amma mountou hountou gissour Issar amma ara hadina diffidir dingar dourou. koytér mirey amarou inna bour mountou kirahérou moura douro wacha tchika dawadli.

1. BOU dougoussou édinkémarou, Issa lahouna miréré fattou: bouna agou douguichinitchi nï na édinné bey amma nounani ini bidrigré gourtoudé.

1. Tchirou Issay lahounar fariguiré: nintaï ammar ini woudougré yéntou! lahounaï fattiguiré: tintaï niguér yéntrig? Ini tidrou ginna dipo fow yé bossiya tchou yé.

1. Issa lahounarou farni amma fatouna mourta fow fow illou dâa boussé.

1. Tékénérou dippo fowayé bossa tchouwayé godjini dâmagouli samiya law haptchini Allar choukourtchini Allay machour dâa barka nawou.

1. Tékérou, Issay dippo yé bossayé muntiar guinessou ni goyi lahounar tchene ammar guinessou yenntou yi. Issa lahounayé amma ginnar guinessou tchenntouni machouna côlou ammar guesser tchinné bey amma ginna woudouni éguée dourtou.

1. Tère bara, ammay macha gabtchinnâa goyintou ni soukô meltchintou. Machou ginna dippo fowyé bossa tchouwa yé.

Gussa: min kitabe al mougadass, min injil matta, soura 14 : 13 ila 21; min injil marchous min soura 6: aya31 ila 44; min injil louga soura 9: min aya 10 ila 17; min injil yoganna soura 6 min aya 5 ila 15