Gussa 43 : Guirkou dedoudouma.

1. Issa samia dro tèder bara, madjira Issa goudouss dro bouss, zaka Issa marar fatda-ngar, ogoni amma Issar ngnyintra tchabtoundou selleyintik.

1. Sassoune ginnarou dissa mourta faoudou bara, yahouda chelly djeyintigui sourou souma penécost chelly térè dro alkam sountou gortig yahouda dina droh tchikka guinna goudouss ridderé fara chelly djeyintigui. Sassoune térè Issa sammia térour bara kaoukée.

1. Amma Issar nganyintra guinna yega dro tchaptountou tchikir, soussour awonne kéké yéga dorko meltoune, ogoni in bour wounou kéké amma Issa nganyintra daa houndara foutchi, barka Allanga marar guinnara meltounne, ogoni mara Allar dazaga kourra gagaltchindou, dazaga térè rouhoul goudouss marar tchenne noukintig.

1. Koy amma goudouss dro tchikka haraka ay bassour, mara moundour tchabtoundini in tiguissi-tchinga rayndigré, ogoni maray bassou amma ara Issa nganyintra in bour bi ay Allay guéyinna balaktchindiguirè.

1. Amma gourkaye fatigré mahadjiras chakarana fattou. Tchirou Boutrouss ertchini mourar farrou: guiyoukou tentou, amma ara chakarana chi, tchirou ini douttouga nébi joel farou: Allay farou youme sagayrarou dro tani illime tangour tchirow gueynirk.

1. Boutrouss farrou: amma israila, Issay ina mounta labar da wassa tchènou. Issay ina mounta adjaba goudra Allangar guissou. Nara hanantingui sabaw ina douttoumar. Tchirou naray Issar youttoume

1. Issa nass tchir Allzy amma tchattra dro guire. Kichi ay nébi tra gaddére roudjie: rouhoulkhoudouss tchère kissar nouma bouroude bouchine Allay intanga ndjiguerirou tara chara Issa.

1. Allay daradja Issanga samer ngoulli haptchie. Za Issay war goynar rouhoul khoudouss sabar ini rantinga sira nassigayé gourcoudjentou.

1. Nintay Issar ékka da lossoum ni yittoum tchirou nara accindou Allay Issar nébi ini guinnaw yé messi yé tchou guinna guissou.

1. Ini ay boutroussi farour, amma bassour bour gueyer-tchintou. Agou mouray Boutroussir yé madjira sounar yé wouttou: "Dimrantra ini kè guentirigui?

1. Boutroussi djawabtchi: "Gnan na sourou Issangar toubtchina yiou dro zourè, Allah biga ountoi gofourtchingrère. Agou, Rouhoul khoudouss maohiba tchéntig.

1. Amma douba agouzou goura ini Boutroussi farou gayintou ni awinni madjira Issa tissoudou. Yiou dro zouttouni amma gurki-goudoussa goura tissirou.

1. Amma ara Issar nganyintra dayman guidjiki zaka hawariyina marar allam chettra ngar, bou guinna mara farar boussougui ogoni farar matchindik ni, ogoni gourou gourour doua godji tcheng ni, mara Allah gagal tchindik ni, ogoni ina dida guinna farar guinessidikgui, amma nima guinna marar dillour dittou, yom siri guinna amma moundou marar nganyintou.

Gussa kitab al moukhadass dro : amal al Roussoul 2.