Gussa 36 : Biri Issanga nourtchi

1. Youm tra Issa amma agouzou meré lahouna merima bassouga goyni, Bitrus yé, Yacoub yé, Yahana yé haday droussou daha bidou chelidique. Yohana Issa yiou dro dinoungan koy mar bey.

1. Wokir tèr Issa Allah wouditchii. Brima yé aligahona yé nourtchi tapkatra nourtchima ini tafoura tchinga guinnar nour soumma ziyada.

1. Moussa yé nebi Elias yé gouroukou. Amma ara ngula kidiri dou échindou. Issa niguerou yourchalem dourko nassigui, te da bour noukkintou.

1. Moussa yé Ilias yé Issa daha noukkinti-tchikki, Bitrus Issar fariguiré : Tinda karo yikou indaro boudou. Yagaya akouzou djeinda, tra noum, tra Moussaw, tra na Iliassou. Tchirou Bitrus fahamtchine bey. ( Meri farou dahououreibei.)

1. Wokit Bitrus noukima kidi tra Eoubchi maro daha Ndjaki . Soussour kida dro bassou ayré ingué tangou dagourou tani mererou leurtre, merer guiyikou ini ay bassour bara, boussamar telendou.

1. Agou Issa hanadji fariguiré : awou aoussoumi yertou! Yertchintour bara, Issa touzou tchir douttou.

1. Issa yé lassouna agouzouwa yé haramar tchaquidou. Agou Issa marar fariguiré: gnana fatimi ini koy ara tiguissou tani ediné dinassouk tchirou saga dinar tirik. Ter bara ammar fatou.

Gussa : min kitabe al mougadas, min injil matta, soura 17 : min 1 ila 9 ; min injil markous, soura 9 : min aya 1 ila 8; min injil louga, soura 9 : min aya 28 ila 36. Daza