Gussa 9 : Allay Moussar kouliy

1. Youssouf nousour bara yallia Yacouba nguila mountou massirdour boussou zourya tânni bou tiguissou. Moura ni israliwarou koulouyintigui.

1. Sagassouna tradou yala Yacouba bour mountchintou massirina inna ada yala massirina youssouf djeina guinna douti bêki siginta yala Yacouba mountou tissitou têh raïnti tchiki. Têh djilanou, mourarou eguera Firawouna guissou.

1. Massirina dounadou,( yala isralouwa ada Yacoubou) dintou yéga dombi djentitchiki; tekegerou nii tommou tompou. Allah israëlah bizira tissitou tchirou mouranga Allay soourée bey ni bour barka tchen.

1. Firaouna mirée isirailah yalantâa mountou tiguissiga daguinni. Yali foussoutoh guinna tchirigui, frou dro galtchintik.

1. Ari trâa izrayilou yali ahki ari ma miré yé angni souma yé yalima goyntou ni koyi tradou djiraïntou anourou bouzou.

1. Yalimou bassounâa gouroh djiraïntenée tiguiré, sombou trâa dro dintou dèh yi dâ galtchintou drowma sou laïnitchi.

1. Dowi Firaounanga soumpou doudou, terou godji. Ari tra rou tougoum ro dindiguarou tchen. Tougoum wattou bara , dowi firownay yalii sun keguero godji Yallimou sourou souma Moussa kouliyintou.

1. Yomi trâa, Moussa ang bouyi tiguisou dèh ang massarou trayi egrée isirailou trayé gorou Moussa massarougan tourkou tchen.

1. Moussa ang doudé bey gadji massarouma tchiri rouptchi. Tchirou ang trayi dour ini gissou.

1. Loko Firaouna inni ayi geyi bazou. Firaouna Moussa tchidi baradjini Moussa tchaouni sahara terrou eskra Firaounaw mireri bouraïntii, hakintinni.

1. Moussa digidire sahara dro tiguisou massir dir dogou. Koyi têh drôs addi mouni yallia tchou ahki.

1. Moussa hadinna bouzesouna filink. Koyi trâa wouni dourou. Moussa wouni killi, Allah Moussari nouki tchain: fariguiré Moussa, izena ché, inta koy gnii bour tahir.

1. Allay Moussar far: kizeï amma tanga doudouri dji soutoh chabar banisrail Firaouna agrée dinga ginna chena canaane gone ouso, koy tê tani Ibrahim yé Issaka yé Yacoub yé rou wahad djenirdé.

1. Moussaï Allarou wouriguré: ammay djouwtoh inni fadirig. Allay fariguiré: tanire tani. Tani djougourou fa. Awouni, tani ntouzi tardini Allah diziyantoua, Ibrahim yé Issak yé Yacoub yé. Sourounourou ay ngouzi danni.

1. Moussa Firaouna terigade aouchi gourou dillou mni Allay fadia fadirdiyi aouchi. Tekerou Allay dimir soumma Haroune miréki gourou.

Gussa min Kitab al Moukhadas ,min Kitab al Khouroudj soura 1 ila soura 4