Gussa 23 : Al wilad hana Seidna Isaa al massih

1. Mariam aw tra sourrouhouma Youssouf fattouguay maddi. Wokid siggini Mariam gonné tissou hanaymaro, siggini yaloumou houn chinna hanayini Mariamngarou tcholthi, koy terrou, Malaïka michinnou dourou labartchi.

1. Malaïka Youssoufrou Mariam tchourrouk rérou azzoumyyi. Yalloumou ochi Allaw eddé. Yalloumou sourouhouma Issa yintiggui.

1. Aw, Youssouf Mariam mouni yaguarou gourti, tchirou miré qui yissiré bey yallou toussounnarou kui.

1. Wokid yaloumou toussougua edintchiguarou Mariam yé Youssouf yé moura erchi dawou guissou ni bathléem tourtou. Tafou lardou Izrayilanga awou tchingua ginna hissabe guissiguidé bourayintou. Dirdé Daoud miré Betlehamour toussou. Dirdé Daoud miré Mariam yé Youssouf yé moura ginna bassountou.

1. Mariam yé Youssouf yé moura Betlaham tourtou, koy tourtourou tigué boussougré bey, illé douro haywananga koy terrou yalli houma hakkini ini trada naw. Sourouhouma Issa dintou.

1. Dougoussou ayrou, didira tchikki koula douro, mocha aya filintou. Adirou bara, Malaïka ri. Fariguiré assoummy, tarré labara guala tari guiyikkou: Almassi, ni betlahamour toussou!

1. Sourtou yaloumou bourantou hankingui. Meré aliguir kouptirére hankigui. Tiga da Malaïka samiya douro gouroukou. Allah dougouchintou niima Allanga ini guinnarou bou nardiyé, illimyé, ginna Allah mogour.

1. Awou, Malaykata tourtoudou bara didirayé hadinayé foutouni yaloumou bradour tourtou. Mara keyrou Issa tchingarou yaloumou hakkintou algir koubtrere. Difidira lertrarou saga tourtou . Ini douttouye bassouye da Allah douchintiguire boussou.

1. Amma gourka ny dowou tchiki moura samia adjibir douttou awouni teska ginna tourrizirou tchiki. Samiya douro tchiqui mourraye fattou ini ay mana houna dirdé eski yahoudaw toussouré. Halasse moura niyentou tourtouni yalloumou rigintiguiré tourtou. Halasse Betheleem riddouni yégué hakkintou. Issa yé amma souna yé hakkintou.

1. Wokid amma Issa yé ayama yé douttourou, marah dou soudjit tchintou woutouni. Mereh dou koundjé tchentou. Issa mireh qui nima zoutou.

Gisaa min Kitab al Moukhadas , min Injil Matta soura 1, wa min Injil Luqa soura 2